ضيفة جديدة فين الترحيب

[om youssef]

السلام عليكم
مرحبا بكى اختى
نصيحة لوجة الله وتذكريها كويس بما انك فى الاول
عندما تختارى استراتيجية تشتغلى بها
اعميلى لها باك تيست الاول
والا يفتح الله
تحياتى

اخى العزيز الف شكر على النصيحة

[om youssef]

اهلاً بيك يا .... نقول آنسة ... ولا مدام نونا

المهم آنستينا في عالم الفوركس ومتنسيش تجهزي جردل النسكافيه
علشان تكوني مصححة اوي في الفوركس
وتمنياتي لكي بالاستفادة من المنتدى قدر المستطاع وهو بصدق وبدون مجاملة
افضل منتديات الفوركس اللي شفتها لحد الآن

انا يا سيدى ام لنونا و توتا جرد النسكافية على النار و جنبة اربة الشاى هههههههههههبصراحة منتداكم رائع و كفاية الروح الجميلة ال بينكم

[om youssef]

الحمد للة انتهيت من قراءت كتابين عن الفوركس و مراجعة بعض المؤشرات و اذ وجدت ان اقواهم هو الrsi الى ممكن اى احد مع الممارسة يشتغل و يعمل تريدات جيدة معة كذلك ما اكتشفتة ان اهم شئ هو النظام فى التعاملات بمعنى عدم الطمع و وضع خطة محددة لانك اذاطمعت سوف تخسر ما كسبت

[golden2000]

بلا بورصة بلا غيره هو الفوركس مفيش غيره

[ahmed taha]

بلا بورصة بلا غيره هو الفوركس مفيش غيره

هههههههههههههههههههه
حلو اووووي الشعار ده

هنزلك في انتخابات العموديه الجايه للفوركس

تقبل ودي اخي بس عجبني التعبير

[golden2000]

هههههههههههههههههههه
حلو اووووي الشعار ده

هنزلك في انتخابات العموديه الجايه للفوركس

تقبل ودي اخي بس عجبني التعبير

خد دى منى
نعييب فوركسونا والعيب فينا وما لفوركسونا عيب سوانا

[eg_falcon]

بصوا بقاة انا لسة مسجلة معاكم حالا و ابيض يا ورد فى الفوركس بس خبيرة فى البورصة المصرية بورصجية قديمة يعنى و الحمد للة بس نفسى اتعلم فوركس مش عارفة ابتدى منين كل الى اعرفة انى عندى كتاب اسمة فوركس العرب و عاملة زى الى نزلوها بحر و هى مش بتعرف تعوم بس قالولى ما دمت بتشتغلى فى البورصة كويس ممكن تشتغلى فى الفوركس افضل و حتفهمية بسرعة


عاوزة اعرف ابدأ منين لحسن اختكم محتاسة حوسة سودا ؟؟؟؟؟ بس متخفوش انا و اللة بفهم كويس و بسرعة مين حيعرفنى اول الطريق ؟؟؟؟؟؟؟؟؟؟؟؟؟؟؟؟؟؟...........اداة محدش عاوز يعنى امشى و لا امشى يعنى و لاااااااااااااا

يا مرحب بالمصريين و اهل مصر الكرام و عليكي و على المنتدى التعليمي حتلاقى فيه كل حاجة باذن الله و بمناسبة انك بورصجية قديمة ايه رايك في موضوع طلعت مصطفى
التوقيع : مصري قديم
من ساعة ما اتولدت

[hanymfm]

الحمد للة انتهيت من قراءت كتابين عن الفوركس و مراجعة بعض المؤشرات و اذ وجدت ان اقواهم هو الrsi الى ممكن اى احد مع الممارسة يشتغل و يعمل تريدات جيدة معة كذلك ما اكتشفتة ان اهم شئ هو النظام فى التعاملات بمعنى عدم الطمع و وضع خطة محددة لانك اذاطمعت سوف تخسر ما كسبت

اول نصيحة اوعى تفتحى حساب حقيقى الان
والحساب الديمو خالية زى الحقيقى من حيث المبلغ اللى هتبدئى بية فى الفوركس
علشان ظروف تدريبك تكون واحدة
ثانيا ابعدى عن الشركات الموجودة فى مصر خصوصآ التى تعطى دورات بالالاف
عشان انا اتنصب عليا فيها بمبلغ محترم جدآ
ثالثا لو عندك فكرة عن التحليل زى ما بتقولى اعرفى اهم المؤشرات اية هية وفائدتها
ولو عايزة استراتجية تفهمك ياعنى اية الفوركس وتعتمد على التحليل الفنى وقوية جدآ
عليكى باستراتجية القاهرة للمهندس حسام العزبى
هى طويلة بس لمة معظم اللى بيحصل فى الفوركس
ومحتاجة مش اقل من 3 : 6 شهور للاتقان بس بعدها مبروك عليكى الفوركس
انا حائز على 2 مارجن كول حتى الان والثالث كان على الابواب
لولا استراتجية القاهرة التى رجعت لى الامل مرة اخرى
نصيحة اخيرة لا تستهونى بالفوركس ابدآ
فهوا من الخارج جميل وكلة مكسب
لكن من الداخل دوامة والغرقى فيها اكثر من 90 %
ايوة الخسارين فى الفوركس اكثر من 90 %
معنى كدة انها مش سهلة
مش بعقدك بس بنبهك
ربنا يجعلك من 10% الرابحين
وربنا معاكى ويوفقك

[om youssef]

بلا بورصة بلا غيره هو الفوركس مفيش غيره

جامد اوى التعبير دة

[om youssef]

يا مرحب بالمصريين و اهل مصر الكرام و عليكي و على المنتدى التعليمي حتلاقى فيه كل حاجة باذن الله و بمناسبة انك بورصجية قديمة ايه رايك في موضوع طلعت مصطفى
التوقيع : مصري قديم
من ساعة ما اتولدت

اكتتاب طلعت مصطفى حيبقى فرصة لمكتتبينة للبيع اول يوم ممكن يصل الى 17 جنية قبل غلق الحدود السعرية تانى يوم لانة لازم ينزل بعد كدة و يريح شوية خضوضا و ان السوق قرب يخش على كوركشن ففى وجهة نظرى الى مدخلش الاكتتاب ميزعلش لانة ممكن يشترى السهم دة تانى باسعار كويسة فى تريحة السوق الجاية

[om youssef]

اول نصيحة اوعى تفتحى حساب حقيقى الان

والحساب الديمو خالية زى الحقيقى من حيث المبلغ اللى هتبدئى بية فى الفوركس
علشان ظروف تدريبك تكون واحدة
ثانيا ابعدى عن الشركات الموجودة فى مصر خصوصآ التى تعطى دورات بالالاف
عشان انا اتنصب عليا فيها بمبلغ محترم جدآ
ثالثا لو عندك فكرة عن التحليل زى ما بتقولى اعرفى اهم المؤشرات اية هية وفائدتها
ولو عايزة استراتجية تفهمك ياعنى اية الفوركس وتعتمد على التحليل الفنى وقوية جدآ
عليكى باستراتجية القاهرة للمهندس حسام العزبى
هى طويلة بس لمة معظم اللى بيحصل فى الفوركس
ومحتاجة مش اقل من 3 : 6 شهور للاتقان بس بعدها مبروك عليكى الفوركس
انا حائز على 2 مارجن كول حتى الان والثالث كان على الابواب
لولا استراتجية القاهرة التى رجعت لى الامل مرة اخرى
نصيحة اخيرة لا تستهونى بالفوركس ابدآ
فهوا من الخارج جميل وكلة مكسب
لكن من الداخل دوامة والغرقى فيها اكثر من 90 %
ايوة الخسارين فى الفوركس اكثر من 90 %
معنى كدة انها مش سهلة
مش بعقدك بس بنبهك
ربنا يجعلك من 10% الرابحين
وربنا معاكى ويوفقك

انا فعلا فتحت حسا تجريبى لمدة شهر و بعد ما يخلص حفتح غيرة لمدة شهر كمان و ححاول احط استراتيجية و نظام لعملياتى عشان اكسب و مخسرش باذن اللة بس فين الشركات الكويسة فى مصر معرفش يا ريت تقولوا لى عليها

[أسامه عبده]

.
أهلا وسهلا بك وبين إخوانك وأخواتك في المتداول العربي

وخدو بالك ، مع المتداول العربي

مش هتقدر تغمض عنيك

[om youssef]

.

أهلا وسهلا بك وبين إخوانك وأخواتك في المتداول العربي

وخدو بالك ، مع المتداول العربي

مش هتقدر تغمض عنيك

مضى عام بهمومة و الامة و أفراحة و أحزانة
تجمع احباء و تفرق اخرين
كسب الكثير و خسر القليلين
ظلمنا من القليلين و انصفنا الكثيرين
انتهى العام الماضى و ها هو عام اتى ندعو اللة ان يكون عام سعيد على الجميع
من خسر فى الماضى يعوض خسارتة فى العام الجديد
من فقد القريب ندعو لة بالعون و الغفران
من ظلم من احد اقول لة لا تتعجل و لا تحزن فحققك سوف يعود لك مهما كان و اللة قادر كل شئ فيا ابن ادم كما تدين تدان
عام مضى بكل ما فية و ها هو عام جديد نستقبلة بكل حب و ندعو فية بالتوفيق

كل عام و اسرة منتدى المتداول العربى بالف صحة و خير

[HaniMedia]

السلام عليكم اختى الكريمة
بداية اود الترحيب بك فى هذا الصرح الشامخ مع العلم انى جديد على المنتدى و كل المنتديات العربية(لكن متقلقيش بقالى كتير اوى فى الفوركس)
و اتمنى من الله لك الاستمرار فى هذا العالم الملىء بالتحديات و تكونى الfemale اللى تكمل المشوار
(مع العلم انى طوال فترة عملى بالفوركس لم ارى الا سيدة واحدة فقط هى التى اتقنت الفوركس ببراعة تامة و على فكرة هى كندية مش مصرية)
بالتوفيق انشاء الله

[om youssef]

السلام عليكم اختى الكريمة
بداية اود الترحيب بك فى هذا الصرح الشامخ مع العلم انى جديد على المنتدى و كل المنتديات العربية(لكن متقلقيش بقالى كتير اوى فى الفوركس)
و اتمنى من الله لك الاستمرار فى هذا العالم الملىء بالتحديات و تكونى الfemale اللى تكمل المشوار
(مع العلم انى طوال فترة عملى بالفوركس لم ارى الا سيدة واحدة فقط هى التى اتقنت الفوركس ببراعة تامة و على فكرة هى كندية مش مصرية)
بالتوفيق انشاء الله

اشكرك على ترحيبك بى فى هذا المنتدى الرائع
و انا رايي ان الواحد لو حط الهدف فى دماغة حيشتغل كويس و حيوصل للى هو عاوزة لان مفيش حاجة صعبة او مستحيلة
انا بدأت بالتعلم و القرأة و الان انا فى مرحلة الحسابات التجريبية منذ اكثر من شهرين حتى اقرر متى البداية و باذن اللة سوف تكون قريبة جدا