مجرد ترفيه؟

[lolnk2010]

قاعد قبل صلاة الفجر بحوالى ساعة ومش لاقى حاجة اعملها خالص وعايز اتسلى فى اى حاجة قولت بس اشوف المواضيع فى المتداول اخبارها ايه ووصلت لحد فين ووصل تفكير الاعضاء الى ايه؟
فى مواضيع رديت فيها ومواضيع شايفها مش مستهلة رد قولت طيب اعمل موضوع اتسلى فيه وبالرغم من انه تسلية الا وهو فعلا اكبر استفاده بس فى مشكلة صغيرة.
هو ان اللى هيقرى الموضوع هيضايق جدا لانى انا بتكلم بغموض وكلامى مش كتير انا مش هقول مش هيستفيد انا هقول بس ان الكلام ده من الاخر يعنى .... يلا ندخل فى الموضوع :
ايه رايكم لو نتكلم فى حاجة حاجة ونشوف اخرتها ايه مع الواد الى اسمه lolnk ده عامل مشاكل على الفاضى وخلاص يلا نبدا ...
ايه رايكم لو نتكلم فى اول حاجة عن الاخبار واللى بيحصل فى المنتديات والتوقعات وتلاقى كل واحد بيقولك متوقع كذا للخبر كذا وخبر الفايده متوقع كذا والكلام الى مالهوش لازمة ده دة من رايى انا ام من رايكم انتم اكيد له لازمة طبعا تلاقى قبل الخبر اللى يقفل صفقاته وفى ناس طماعة عايزة تستفاد من الخبر وتدخل بنسبة صغيرة وفى ناس ضامنة الخبر واتجاه وهكذا ... طيب ما نشوف ايه اخرتها من الاخبار دى اقولكم رايى ده من الاخر طبقا للكلام ده ( ان اللى هيقرى الموضوع هيضايق جدا لانى انا بتكلم بغموض وكلامى مش كتير)
الاخبار ليس الا لتكمل التحليل الفنى مش اكتر ؟؟؟؟؟؟
ايه الى انت بتقوله ده انت مجنون والله باين عليك مجنون يا lolnk ازاى يا ابنى الكلام ده
ايه ياعم هو انا قولت ايه يعنى كل الى قولته ان الاخبار بتحصل لتكمل التحليل بس ما غلطتش فى البخارى انا
طيب ازاى يا معلم وضح ؟؟؟
هقولك يا خسارة والله نفسى اوضح بس مش عارف ازاى على العموم هقولكم مواقف معينة يعنى مثلا فاكرين يوم ما اجتمعت الدول السبع الكبرى وكله حذر من عدم دخول السوق لانه هيحصل فيه مفاجات وفعلا بعديها المجنون نزل وجميع العملات مقابل الين نزلت بشكل كبير طيب ياترى العملات كلها نزلت علشان الدول السبع الكبرى كانت عايزة ترفع الين تفتكر ده كان السبب ؟؟؟؟
ولا يوم خبر الفايده على الدولار كان يوم بجد جميل جدا كانت الساعة 3.30 والخبر كان 8.5 اعتقد المهم فى الوقت ده كنت بعطى توصية لوحده من فلسطين وقالتلى اشوفك وقت الخبر قولتلها بقولك ايه احتمال ما اكون موجود ولاكن هقولك على حاجة لو المجنون نزل قبل الخبر ادخل شراء لان الخبر هيرفعه ولو المجنون ارتفع قبل الخبر ادخلى بيع لان الخبر هينزله ؟؟؟؟ تفتكر ليه قولتها كده هل انا اعرف نتيجة الخبر طبعا لاء طيب ليه قولتلها كده يمكن تقولها كده حظ يعنى تيجى زى ما تيجى هقولك بردوا لاء امال ليه انا قولت كده ؟
اقولك ليه قولت كده
اولا لان الخبر زى ما قولت بياتى ليكيمل التحليل الفنى وطبقا للكلام المجنون كان فى ترند صاعد والترند الصاعد طبعا ادرى بتحركاته واتحدى اى شخص يحقق نقط اكتر منى فى الترند الصاعد عارفين ليه لانى عارف العملة هتروح فين وهترجع فين المهم خلينا فى موضوعنا ( طالما فى ترند صاعد العملة ترتفع وتعمل تصحيح والتصحيح طبقا لتحليلى بيكون تصحيح ضعيف ب 40 نقطة او اكتر وتصحيح الى دعم وهو مؤشر موفينج طبقا لتحليلى وبيكون فى حدود 150 نقطة طيب وقتها كان المجنون فوق قولت بس هو هينزل لحد الموقينج ده لحد الساعة 8بين ارتفاع وانخفاض بس فى الاخر هيروح لحد الدعم ده ولما يجى الخبر هيرتد تانى من الدعم ليكمل الترند الصاعد ) دى خبرة سنة ونصف
انا عايز اقسم بالله العظيم انى رجعت الساعة 11 ولا قيت المجنون نزل الى خط الموفينج الذى يمثل الدعم الى قولت عليه ونزل تحتيه ب 20نقطة كمان وارتد المجنون وعرفت بعديها هو رايح فين طبعا هيكمل الترند . طبعا هتقولولى حظ اكيد امال مين الى هينتقدنى هقولك يا حبيبى ضف الى معلوماتك الترند عامة يوجد له ارتددين انا بقولهالك ادخل ب 80% وادخل نام وهدف 200نقطة طبعا كلكم مسغربين من الكلام ..
على العموم السيناريوهات بتاعت الاخبار ده بتحصل كتير معايا وبغلط فى بعض الاخبار فى معرفة الاتجاه ولاكن الهدف العام صحيح يعنى لو عارف العملة دى هتوصل الى كذا وجيه خبر الاقى العملة نزلت طبعا من تاثير الخبر اقول خلاص كنا قربنا من الهدف وتلاقى التذبذب وتلاقى العملة وصلت الى الهدف
اخر كلام اقوله
1: الاخبار تاتى لتكمل التحليل الفنى
2: الفوركس ليس سوق ولكنه لعبة عايزة الى يفهمها
3: اللى ما يعرف كل حركة فى السوق سببها ايه او بالاصح السعر هيروح فين وهيوصل الى فين يبقى لسه بيتعلم الفوركس
وبكده يبقى خلصنا كلامنا من الاخبار ............
اروح اصلى الفجر ولما اجى نتكلم فى حاجة تانية

فاصل نصلى ونعود

[lolnk2010]

رجعنا من الصلاة والحمد لله وعايزين نكمل الموضوع بس عايز انام بقى علشان الحق اقوم لصلاة الجمعة وان شاء الله نكمل الموضوع فى وقت اخر ونتكلم فى حاجات مفيده بلا اخبار بلا وجع دماغ

[الفارس الشامي]

صباح الخير
بالتوفيق اخي لكن عند الاخبار يتم ضخ كميات كبيرة من الاموال من بنوك مركزية و جهات مختلفة ولمصالح مختلفة
وباتجاهات مختلفة ولايمكن تحديد لمن الغلبة و بالتالي اتجاه العملة.

[islamway]

فعلا معلومات مفيدة جدا وقيمة جزاك الله كل خير مهما كانت قوة الخبر فأن التحليل الآساسى ده عامل زى العربية بيوصل السعر فى النهاية إلى مناطق التحليل الفنى وده رأيى وقابل للنقد والتصحيح والضرب كمان

[إبراهيم الســــويفي]

الفوركس ليس سوق ولكنه لعبة عايزة الى يفهمها

[lolnk2010]

صباح الخير
بالتوفيق اخي لكن عند الاخبار يتم ضخ كميات كبيرة من الاموال من بنوك مركزية و جهات مختلفة ولمصالح مختلفة
وباتجاهات مختلفة ولايمكن تحديد لمن الغلبة و بالتالي اتجاه العملة.

يبقى انت ما فهمت كلامى لما قولتلك كله بيعتمد على التحليل يعنى مثلا الاموال الى هتضخ دى علشان المفروض يحصل تصحيح لو فى ترند صاعد او العكس دى بتحصل فى بعض الاوقات
وبردوا هقولك الاخبار مكملة للتحليل

[lolnk2010]