$قهوة المصريين$ مرحب بالضيوف

**امجد محمد** · 22-12-2007, 03:18 AM

المشاركة الأصلية كتبت بواسطة freedomfighter

أنا اتشرفت بلقائكم يا أمجد باشا وفعلا كانت ليلة جميلة جدا واتعرفت علي أحلي ناس ممكن تشوفهم في حياتك

قمة الأخلاق والتعاون وروح الفكاهة

وشكر خاص للزعيم ميدو علي حسن استضافته لينا والحقيقة قام معانا بالواجب وزيادة

وأتمني إني أشوف كل أعضاء المتداول هناك دايما

(بعد كدا كل واحد هيحاسب علي مشاريبه ... لأن كدا ميدو هيتعب معانا أوي)

انا انبسطت اوى يا محمد انى اتعرفت عليك و كنت حاسس انى قاعد مع اخويا الصغير و الله

و اللى يشوف نشاطك و مجهودك و مشاركاتك (المشاغبة ) فى بعض الاحيان ... ما يعرفكش و انت قاعد فى منتهى الادب و الاخلاق و الهدوء ... انت انسان مؤدب بجد

انت بجد ... ليك مستقبل كبير اوى بامر الله فى دنيا الفوركس و اسواق المال

بس لما تبقى مليونير ما تتنططش علينا ... و ابقى افتكرنا

و بصراحه ميدو دة شخصية جميله

اول ما تشوفه تحس انك تعرفه من زمان اوى ... مش هو بس كل اللى كانوا موجودين والله

و انا حاسس اننا تقلنا عليه النهاردة و الراجل احرجنا من الحفاوة اللى قابلنا بيها

**mido** · 22-12-2007, 03:39 AM

المشاركة الأصلية كتبت بواسطة امجد محمد

الف الف مليون مبروك عليك يا عم ميدو و ربنا يجعلها عتبة السعد و الخير عليك يا باشا

كان لقاء جميل جدا جدا و الحقيقة بالرغم انها كانت اول مرة اتشرف برؤية الحاضرين الا انى كان عندى احساس انى اعرف كل الموجودين من زمان اوى

و الحقيقة شرف اللقاء

استاذنا و حبيبنا و عم الفوركسيين

الاستاذ احمد حنفى
...
...

و اخونا الحلو

..... وليد الحلو
...
...

و حبيب قلبى المعتزل و صديقى الغالى

YAMEDOA
.....

......

المعلم صاحب قهوة المصريين الراجل الطيب

طاهر المصرى
.....

.....

عضو المتداول اللذيذ و الصغير فى السن و الكبير فى المقام اخونا محمد

FreedomFighter ..

واخونا ابراهيم الراجل ابن البلد .... الجدع اوى

( نور المصرى )

....
...

و فاكهة الحفلة ... الدكتور احمد اللى نورنا و حضر مخصوص من المنصورة

SPACER5
.....

......

و طبعا كان نجم الافتتاح
مشرفنا الغالى الرجل المتواضع جدا و المؤدب و نجم الجماهير فى المتداول العربى

استاذ/ سمير صيام

اتكلمنا فى كل حاجه و ضحكنا و انبسطنا و استفدنا و قمنا من الاجتماع دة و احنا قريبين من بعض اكتر و اكتر

كل الشكر لاخونا MIDO على اللفتة الكريمه و الذكية و انه هو دة هايبقى مكان تجمع اعضاء المتداول العربى فى مصر

و احنا متشوقين كلنا للقاء القادم ... و القهوة طبعا مفتوحة لكل اعضاء المتداول ... المصريين و العرب و يا رب دايما نتجمع على خير

همسة ...

MIDO انت قمت معانا النهاردة بواجب جامد اوى ...و دة مش غريب عليك لانك اهل الكرم و الواجب و ربنا يقدرنا و نرد لك الواجب دة

اشكرك يا حبيب قلبى جدا على كلامك الحلو دة

يا حبيبى احنا كلنا اخوات واكبر واجب ليا مجيتكم

نورتم المكان

انا فتحت موضوع جديد فى العام عشان الاغلبية تشوفة

https://forum.arabictrader.com/t38175.html#post522452

ياريت اللى عنده صورة يحطها

**Spacer5** · 22-12-2007, 04:59 AM

السلام عليكم ورحمة الله وبركاته

الحقيقة كان لقاء جميل جدااا

وسعدت جدا جدا بالتعرف عليكم اكتر وانا جيت لكم من المنصورة مخصوص والله

عشان اقابلكم ... ومعرفة الرجال كنوز .. ودى عندى احلى من الفوركس

وبصراحة ميدو ده رجل ذوق وسكره .. وهرانا مشاريب

وتشرفت بالتعرف عليه اكتر ..

كانت مفاجاة جميلة جدا وجود الاستاذ / محمد حنفى ... "19 سنه "

وكمان حبيبنا / طاهر المصرى .. كان منورنا .. واتبسطت انى قابلته وخاصة

لانه ماكانش معانا فى لقاء نوفمبر ...

وكمان / أمجد محمد .. انسان محترم وسعدت جدا بلقاءه

كمان وليد الحلو .. اللقاء كان احلى بوجوده .. وكنت هازعل لوماكانش جه

والمفاجأة فريدوم فايتر ... حضر معانا ... انا اتفاجات بيه وماعرفتوش اساسا

وعلى فكرة هو احلى كتير من الصورة اللى حاططها

كمان اخونا العزيز / ابراهيم " نور المصرى " ... كان مشرفنا بوجوده

و"ياميدو" وصل متاخر .. وحكى لنا شوية افكار من ابتكاراته الخطيرة

وكمان حبيبنا ومشرفنا العزيز جدا .. الاستاذ / سمير صيام

تشرفت بلقاءه وانسان يستحق الاحترام وحبيته اكتر ..

-----------------------------------

وبمناسبة هذا اللقاء السعيد ... عايزين نعمل زى ماتفقنا ..شركة الارانب

منتدى الارنب العربى والموفينج أرنوب

**Spacer5** · 22-12-2007, 05:14 AM

المشاركة الأصلية كتبت بواسطة freedomfighter

(بعد كدا كل واحد هيحاسب علي مشاريبه ... لأن كدا ميدو هيتعب معانا أوي)

فعلا يا محمد .. ميدو بصراحة احرجنا بذوقه وضيافته
وبعد كده عشان نتقابل تانى يبقى مش هينفع انه يشيل المشاريب كده
وعلى العموم كانت سهرة جميلة جدا والله ..
وان شاء الله تتكرر تانى

**Dr.SoNiC** · 22-12-2007, 07:03 AM

يا خسارة يا رتنى كنت معاهم انا كنت جاى بس للأسف كان عندى فرح مفاجئ و رحت احضره و كمان فى فرح فى القاهرة بكرة ان شاء الله يلا خير تتعوض المرة الجاية و ميدو ابو الكرم و الذوق و مش غريب الكلام اللى انا سامعه دا بجد خسارة انى محضرتش

**aboali** · 22-12-2007, 10:26 PM

المشاركة الأصلية كتبت بواسطة mido

احبائى رواد قهوة المصريين

لازم نتقابل

عشان بجد انتم وحشنى جدا جدا

ان شاء الله انا عازمكم على افتتاح قهوة المصريين

ثالث ايام العيد المبارك الموافق 21 ديسمبر 2007 الجمعة القادم ان شاء الله

يشرفنى حضور جميع المصريين وغير المصريين كمان

وبالمناسبة يا اخوانى قهوتنا اسمها قهوة المصريين ليس لانها تخص المصريين فقط

لا ابدا والله ما كان هذا المقصود

انما تسمى قهوة المصريين لسبب واحد فقط ان من يقوم بادراتها وخدمة روادها المصريين

ولذلك تتشرف القهوة بدعوة كل من يزور ارض مصر فى تلك الاوقات لحضور اجتماع

قهوة المصريين لاعضاء وأحباء منتدى المتداول العربي

سوف يعقد هذا اللقاء فى فترة الشتاء وحتى بداية شهر يونيو 2008 مرة واحدة كل شهر

كما انة فى بداية الصيف خلال شهر يوينو سوف يعقد مرتين فى ذلك الشهر

وخلال شهرى يوليو و أغسطس سوف يعقد كل اسبوع فى يوم الخميس ان شاء الله
بعد صلاه العشاء

العنوان : 3 شارع الاجهورى - حدائق القبة
بجوار مترو الانفاق - محطة الدمرداش
كافى top ten

برجاء قبول بالغ الود والمحبة

كان المفروض يكون فى تليفون يا ميدو صح

**طاهرالمصرى** · 23-12-2007, 10:29 PM

المشاركة الأصلية كتبت بواسطة aboali

كان المفروض يكون فى تليفون يا ميدو صح

الكلام لميدو

صح ؟

**طاهرالمصرى** · 30-12-2007, 06:19 PM

السلام عليكم
ايه يا عم ميدو ؟
احنا هنقضيها تهانى و عزومات و لا إيه ؟
بكفاية
خلينا نشوف أكل عيشنا
الزباين عجبتهم حكاية العزومات البلوشى
ربنا يسترها عليك و يبارك فيك يا غالى
تقبلوا أحلى و أغلى تحياتى
أخ فعلا قلبه مليان بحبكم

طاهرالمصرى

**طاهرالمصرى** · 09-01-2008, 04:17 AM

السلام عليكم و رحمة الله و بركاته للجميع

**Dr-I.Shihab** · 09-01-2008, 04:56 AM

المشاركة الأصلية كتبت بواسطة طاهرالمصرى

السلام عليكم و رحمة الله و بركاته للجميع

وعليكم السلام ورحمه الله وبركاته

كل عام وانت طيب

**طاهرالمصرى** · 12-01-2008, 09:53 PM

المشاركة الأصلية كتبت بواسطة Dr-Shihab

وعليكم السلام ورحمه الله وبركاته

كل عام وانت طيب

و أنت طيب أخى الكريم

و عام كله أرباح و خيرللجميع

**طاهرالمصرى** · 25-01-2008, 10:54 PM

ربنا يرجعلك الزباين يا قهوتنا
شكلنا هنقفل
أين الأحبة ؟
منه لله الفوركس لحس عقول الناس

**نور المصرى** · 26-01-2008, 08:15 PM

مادام المعلم موجود
وحبايبه موجودين
عمرها ماهتقفل بإذن الله

وحاشنا ياجميل
وماجتش إمبارح ليه
كانت القعده ناقصاك

ترقب غدا الصور
كاميرا نورالمصرى تروى فضائح قهوة المصريييييييييين
أخر الليل الكل هيس

**Spacer5** · 26-01-2008, 10:19 PM

المشاركة الأصلية كتبت بواسطة نور المصرى

مادام المعلم موجود
وحبايبه موجودين
عمرها ماهتقفل بإذن الله

وحاشنا ياجميل
وماجتش إمبارح ليه
كانت القعده ناقصاك

ترقب غدا الصور
كاميرا نورالمصرى تروى فضائح قهوة المصريييييييييين
أخر الليل الكل هيس

هيماااااااااا ..... فين الصور ياباشا ...

فين صورة تــنــيــن الفــوركــــس !!

منتظرينك غدا

**Spacer5** · 26-01-2008, 10:21 PM

المشاركة الأصلية كتبت بواسطة طاهرالمصرى

ربنا يرجعلك الزباين يا قهوتنا
شكلنا هنقفل
أين الأحبة ؟
منه لله الفوركس لحس عقول الناس

احنا نقدر ننسى القهوة اللى جمعتنا ياطاهر !!!

مش ممكن طبعا ...

بس انت عارف بقى الدنيا مشاغل والفوركس تعب اعصابنا

الموضوع: $قهوة المصريين$ مرحب بالضيوف

أدوات الموضوع

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

رد: $قهوة المصريين$ مرحب بالضيوف

المواضيع المتشابهه

كوب قهوة على مزاجك

اليوم الثلاثاء على قهوة المصريين

لقاء جديد فى قهوة المصريين اليوم الجمعه

الله الله علي الاخوه في الله....(قهوة المصريين)

الاوسمة لهذا الموضوع

عروض شركات الفوركس