هذه طريقتي يا مراقب

[بشير]

صباح الخير
واسبوع جميل على الجميع باذن الله
اليوروين كسر القاع على الساعه واختباره على الربع ساعه
(للدراسه)

[رانيا وجدي]

القاع 208.37إتكسر ب 3 نقط إيه رايك يارونا...ينفع

اخى الطيب الكسر حتى الأن بثلاث نقاط يعتبر غير مريح

اعتقد انه هينطلق من غير اعاده اختبار كالعاده

لانه اتزنق فى سقف القناه اللى واضح انه بيحترمها لحد اللحظه دى .

ربنا يستر خلينا ورا المجنون لحد مايكسر كويس وربنا يسهل يارب

[الطيب22]

عايزين شارت سريع للترندات في الوضع الحالي رونا...

[رانيا وجدي]

اليوروين كسر القاع على الساعه واختباره على الربع ساعه


(للدراسه)

السلام عليكم:

صباح الخير أخى بشير:

نقطة جيدة نأخذها فى الحسبان أعادة الاختبار فى شارت ال 15 دقيقة ان شاء الله ندرس مدى فعالية هذه النقطة وبالنسبة للفرصة المطروحة

اليورو ين كسر القاع اليومى + قاع حالة خاصة

وتمت العودة لاختبار منطقة البيع للقاع الاقرب للسعر وكان القاع اليومى ...

أعتقد والله أعلم اننا بصدد تكوين قاع جديد حالة خاصة الان

[م / عـــ م ـــرو]

السلام عليكم
انا فوركساوى من اسبوع واحد بس وعجبانى جدا الاستراتيجية دى
وان شاء الله اتابع معاكو
بس زى ما قلتلكو انا لسة مفيش من اسبوع مكنتش اعرف حاجة فاستحملونى بقى
دلوقتى ايه النظام هو عندى كسر القاع خلاص
وكمان قاعد يعمل اختبار بقاله ساعة لغاية لما هيطلع عينى
نبدأ دلوقتى ولا نستنى كمان شوية بشلن
معلش اصل اخوكو بطيخة بقى بس بتعلم بسرعة

[رانيا وجدي]

عايزين شارت سريع للترندات في الوضع الحالي رونا...

ايه ده انت عايز تزوغ من الواجب بتاع محمد ولا ايه

مفروض الترندات ده مطلوبة منك انت

[رانيا وجدي]

السلام عليكم

انا فوركساوى من اسبوع واحد بس وعجبانى جدا الاستراتيجية دى
وان شاء الله اتابع معاكو
بس زى ما قلتلكو انا لسة مفيش من اسبوع مكنتش اعرف حاجة فاستحملونى بقى
دلوقتى ايه النظام هو عندى كسر القاع خلاص
وكمان قاعد يعمل اختبار بقاله ساعة لغاية لما هيطلع عينى
نبدأ دلوقتى ولا نستنى كمان شوية بشلن
معلش اصل اخوكو بطيخة بقى بس بتعلم بسرعة

وعليكم السلام ورحمة الله وبركاته:


أهلا ياماجيك ايز

بص كلامك سليم برافو عليك كسر الساعة اللى فاتت وقاعد يختبر

بس لو بصينا على الكسر هنلاقى الكسر تم ب 3 نقاط بس أسفل القاع اللى حددناها وده بنعتبره كسر مش مريح عشان 3 نقاط بس بيبقو مش قويين واحيانا بنعتمد عليى ال 3نقط دول لو فيه حاجات قوية بتدعم الهبوط زى مثلا كسر ترند وكده

ده الموضوع وياريت أى سؤال او استفسار ماتترددش وكلنا ان شاء الله جنبك وهنساعدك لحد ماتبقى فوريكساوى قد الدنيا

[م / عـــ م ـــرو]

الف شكر رونا على ردك الجميل
دلوقتى ربنا كرمه وطلع يجرى على تحت
ان شاء الله الهدف هيكون 207.35؟
ده حسب الشارت عندى يارب يكون صح
ارق تحياتى

[الطيب22]

حاضر يارونا هروح الشغل وابعتهالك من هناك ياقمر..

[صاحب سمو المشاعر]

اليورو ين

[Mero 4 ever]

ايه رايكم ندخل عند وصوله للحد العلوى للقناه

لانه اكيد مش هيقدر يخترقها لعمل اعاده اختبار

ده اذا وصلها اصلا .

[م / عـــ م ـــرو]

اها اليور ين شكله نازل معتش راجع
ربنا يكرمه ويشق طريقه لغاية لما يطلعلى من الشاشة
انا دخلت بيعة من 154.66
بس مش عارف احدد الهدف

[محمود100]

الاخوان الاعزاء انا شايف ان اخر نزول للاسترلينى ين 207.50 وهيرد فى حركة تصحيحية وهتشوفم

[محمود100]

ميرو ورونا خدو بالكم من كلامى اخر نزول 207.50

[رانيا وجدي]

الف شكر رونا على ردك الجميل
دلوقتى ربنا كرمه وطلع يجرى على تحت
ان شاء الله الهدف هيكون 207.35؟
ده حسب الشارت عندى يارب يكون صح
ارق تحياتى

شوفت وشنا حلو عليه ازاى مش كنت سألت من بدرى ياراجل كان زمانه جرى من بدرى

الهدف مبدئيا معانا بنحطه من 40-50 نقطة لنص العقود ونطارد الربح بالباقى ...

طبعا انت جديد معانا فهشرحلك النقطة ده يعنى ايه:

طبعا اكيد قريت عن ادارة المال اللى هى بتحددلك تدخل بكام عقد ...

مثلا انت راس مالك سمحلك تدخل بعقدين ..

هتخلى هدف العقد الاول 50 نقطة وهتقفله اول مايوصل عندها

العقد التانى اول مايوصل ل 50 نقطة هتروح حاطط الوقف عند الدخول وتخلى هدفك أول قمة او او قاع فى طريقك او اول نطقة دعم او مقاومة انت محدده وكل ماتشوف السعر اتحرك فى صالح صفقتك تقرب الوقف اكتر عشان تحجز نقط أكتر ...