Printable View
السلام عليكم ورحمة الله
ممكن اعرف من حضرتكم ازاى الشركه اللى انا ناوى اتعامل معها فى الفوركس تكون شركه محترمه
ممكن اعرف ما هى وسائل الامان بالنسبه للفلوسى
يعنى انا سمعت عن شركه فى مصر اعرف منين انها محترمه ومش نصابين
وهل فى مصر فعلا شركات فوركس مثل اف اكس سول
هذه اسئله يا ريت اللى عنده اجابه لى يرد عليا
وشكرا
اقتباس:
المشاركة الأصلية كتبت بواسطة aboali
يا ابو على مافيش شركات وساطة فى مصر كلها
كلهم IB المهم تعرف الشركة هل هى كويسة ام لا
الشركات كتير وبصراحة لا انصحك بغير افكسول وانت حر
سواء اى بى من مصر او من الهند
عايز حد يشاركك فى ربحك و يزود خسارتك
خليك مع الشركه اللى سمعت عنها فى مصر :012:
يا ابو على انا بسمع كل يوم مأسى من الناس اللى عامله بزنس فوركس فى مصر
و ميسر الواحد يفوق للناس دول بس بطريقه شرعيه و محترمه
ودى و تقديرى
يا جماعه انا الحمدلله مبسوط مع اف اكس سول
بس عاوز اعرف ايه حكايه الشركات اللى فى مصر دى
حبيبى يا حاج سمير انا مرتاح جدا مع اف كس سول بس كنت عاوز اعرف موضوع الشركات بتاعت مصر دىاقتباس:
المشاركة الأصلية كتبت بواسطة سمير صيام
حبيبى قلبى يا عم وليد انا مبسوط جدا للمرورك وانا عارف اللى انت تقصده قصدك طبعا بتوع المترواقتباس:
المشاركة الأصلية كتبت بواسطة وليد الحلو
اقتباس:
المشاركة الأصلية كتبت بواسطة aboali
ببساطه كل اللى عرفتهم
ناس فشلوا فى المضاربة و قرروا يأخدوا الفوركس كـ IB و كورسات و توصيات و خلافه
و بما ان الشعب المصرى ملك التقليد (و السنترالات و السايبرات تشهد على ذلك ) انتشرت تماما
و اللى بيدهشنى و دى قصه لها العجب العجاب
ان اللى اتنصب عليم فى الشركه ام 3 الالاف هما دلوقتى اللى بيدوا الكورسات
و اعرف منهم بيشرحوا من كتب الشركه اياها
لله الامر من قبل و من بعد انا زهقت من مصر
ودى و تقديرى
بتوع المترو و غيرهم و الله
كل شوية اسمع حاجات انقح من اللى قبلها
ودى و تقديرى
المشكلة الاساسية ليست فى شركة فى مصر او خارجها المشكلة ان اى شركة غير مسجلة و مرخصة مثل الترخيص فى امريكا من NFA هى ده المشكلة ان المتحكم الاول و الاخير فى حسابك هم اصحاب الشركة نفسهم ولا يوجد اى جهة رقابية تستطيع ان تشكو لها مشكلتك لو كبرت يعنى سحب فلوس من حسابك هيكون اسهل من فتح الكمبيوتر بالنسبالهم و مش هتخلص من الاعذار الغريبة فخليك ديما فى المضمون اهم شىء انك تكون مطمن على اموالك و عارف ان مهما حصل على الاقل هتعرف اى حاجة هتحصل قبلها مش بعدها
اشكر اخى ابو علي على طرح هذا الموضوع
ولكن بعيدا عن مناقشة الشركات فى مصر او غيرها نريد مناقشة ومعرفة كيفية حفظ الحقوق مع شركات الفوركس عامة
وأقلها لماذا لا يوجد عقد موقع من الطرفين عند فتح الحساب او مايثبت الايداع عند ايداع اى مبغ
فاذا حدث مالا يحمد عقباه ماالذى يضمن حقوقنا؟؟؟
اقتباس:
المشاركة الأصلية كتبت بواسطة قلب الاسد
أخى العزيز
رقم معرفك قديم المفروض انت خبير
معظم الشركات المحترمه بتفتح الحساب بناءا على عقد
و ابلغ اثبات للدفع هو الحوالات البنكيه اللى بتفضلها شركات الصفوه
يعنى لا تقلق هناك عقد و اثبات دفع ... ولكن يظل خطر افلاس الشركه اللى ملوش حل ..و الجهات التأمنيه فى مجالات الاستثمار بتقف موقف المتجاهل لان هذا المجال لا يدر عليها الربح الكافى
و لكن ما العمل عند افلاس الشركه زى ما حصل مع ريفكو
تصفيه اصول الشركه لمحاوله ارجاع 1 على 15 من اصول العملاء و ده هدف لجنه ادارة الافلاس و حلنى لما يحققوا الهدف
و محدش حتى الان خد سنت من ريفكو انترناشونال حتى الان
اسف على الاطاله
بس لو قصدك سبل التأمين على اموالك
فأحب اقولك ان أمن مكان لفلوسك هو جيبك .... و بعدهنا اجتهد فى العمل مع الافضل و تعلم من اخطاء الاخرين و ربنا يستر
والله من وراء القصد
ودى و تقديرى
اعتقد ان هذا هو لب الموضوع وميقصده الاخ ابو علي . لانه لايوجد حتي الان تشريع في مصر ينظم عمل شركات الوساطه في الفوركس علي مااعتقد - وأرجوا التصحيح -.فالجميع اما وكلاء تسويق او خدمة عملاء او IB . فيجب اولا ان ننقاش كيفية التأكد من ان الشركه الأم مسجله رسميا . وهل هذا التسجيل كافي ام لا لحفظ حقوق المتعاملين . وكيفية حصولهم علي حقوقهم في حال حدوث خلاف . وارجوا ان تتقبلوا مني هذه المواقع للدخول عليها للتاكد من تسجيل الشركهاقتباس:
المشاركة الأصلية كتبت بواسطة قلب الاسد
1- http://rc.geneve.ch/RC/accueil_rc.asp هذا هو موقع التسجيل التجاري في جينيف يتم كتابة اسم الشركه في Raison sociale (mot-clé) :المراد التعامل معها والبحث عن رقم التسجيل التجاري فسوف يظهر لكم ان كانت الشركه مسجله ورقم التسجيل .
2- http://www.zefix.ch/ هذا ايضا موقع لدي للتاكد من تسجيل الشركه يتم الدخول عليه واختيار اللغه الانجليزيه ويكتب اسم الشركه في خانة Business name سوف يظهر لنا رقم التسجيل بالضغط عليه يظهر لنا كافة معلومات الشركه .
3-http://www.arif.ch/ هذا هو موقع التسجيل في أريف يتم البحث فيه عن اسم الشركه ان كانت مسجله لديم ام لا .
هذه المواقع للشركات المسجله في جينيف .
ارجوا ان تتقبلوا مني هذه المشاركه المتواضعه وفقا لخبرتي الصغيره في هذا المجال وارجوا التصحيح ان كان هناك اي اخطأ .
كما ارجوا ان كان لدي الاخوه اي موقع يفيدنا في التاكد من تسجيل الشركه ان يفيدونا به . حتي نناقش اولا قانونية تسجيل الشركات وثانيا كيف يمكننا الحصول علي مستحقاتنا في حالة حدوث خلاف مع الشركة ان كانت مسجله .
تقبلوا تحياتي وبانتظار ردودكم .