صباح الفل والياسمين علي عيون كل المعلمين ويوم سعيد علي الجميع إن شاء الله وموفقين بفضل الله تعالي
كل التحية والتقدير لكل الحبايب اللي دايما منورين الاستراتيجية وانا سعيد جدا بالتواجد الدائم والنقاشات الممتعة والروح الطيبة بين الجميع
وخالص شكري لكل القائمين علي الطريقة ومساعدتهم لاخوانهم ربنا يبارك فيكم جميعا ويجعله في ميزان حسناتكم إن شاء الله
لي مداخلة بسيطة بعد اذن الجميع هنوضح فيها الشروط للاستراتيجية من جديد ونعلق علي اخر فرصة مع بعض
الشروط واضحة جدا ورجاء قراءة المداخلة دي بتمعن إن شاء الله يكون فيها المفيد
بالنسبة لتقاطع الموفينجات السريعة وحدها وضحنا انه غير كافي للدخول ولازم نستني وجود الموفينجات السريعة تحت موفينج 90 لأنه بمثابة الترند والفيصل بين الهبوط والصعود لإرتكازه علي مستويات قوية كسرها كسر حقيقي بيتوافق مع كسر موفينج 90 وتكون الفرصة أكثر أمان
نرجع لاخر فرص علي الشارت ونوضح كل واحدة علشان نشوف انه شرط مهم حتي لو هنتاخر شوية في الدخول بس نكون في الأمان
الشارت الأول
فيه فرصة رقم ( 1 ) تحقق فيها التقاطع بين الموفينجات السريعة ورغم هبوط السعر إلا اننا تلاشينا الدخول لوجود الموفينجات فوق موفينج 90
هنترقب حدوث حاجة من اتنين إما إن الموفينجات تخترق موفينج 90 وبكدا تكون اشارة البيع كاملة وندخل مباشرة بمجرد حدوث التقاطع . أو اننا ندخل مع اول اشارة شراء بتقاطع الموفينجات السريعة ووجودها فوق موفينج 90
وبالفعل حدث التقاطع لاعلي في الفرصة رقم ( 2 ) كاملة الشروط وحققت أهدافها
علي الرغم من وجود تقاطعات وهمية بين الموفينجات السريعة نتيجة التذبذب وبطئ الحركة إلا أنها لا تعتبر اشارة كافية للدخول بيع لوجود الموفينجات السريعة فوق موفينج 90 واي اشارة صعود بعدها تعتبر نقطة دخول جيدة وموضحة في الشارت
الشارت الثاني
الحالة رقم ( 3 ) اشارة شراء بتقاطع الموفينجات السريعة ولكن لم تكتمل الإشارة لوجود الموفينجات تحت موفينج 90
أيضا سننتظر حدوث تقاطع للموفينجات السريعة مع موفينج 90 وبكدا تكون الاشارة إكتملت للشراء أو نستني حدوث تقاطع هبوط بين الموفينجات السريعة ووجودها تحت موفينج 90 علشان تبقي الاشارة كاملة وبالفعل حدث تقاطع هبوطي في الحالة رقم ( 4 ) والفرصة حققت أكثر من 120 نقطة
الحالة رقم ( 5 ) نفس الحالة رقم ( 4 ) ولكن تحقق التقاطع بين الموفينجات السريعة وموفينج 90 وهنا تكون الاشارة قد اكتملت والدخول يكون مباشرة بعد حدوث التقاطع وحققت هدفها . نلاحظ الدخول كان متأخر قليلاً بس كان أكثر أمان وقارن بين الحالة دي والحالات اللي لم تكتمل فيها الشروط وتعرف الفرق
الحالة رقم ( 6 ) أيضا غير كاملة الشروط رغم هبوط السعر إلا أننا تلاشينا الدخول لعدم إكتمال الشروط ووجود الموفينجات السريعة فوق موفينج 90
بعدها انتظرنا حدوث تقاطع للموفينجات السريعة مع موفينج 90 لتكتمل الاشارة أو حدوث تقاطع صعودي للموفينجات السريعة وبالفعل تم في الحالة رقم ( 7 ) وحققت هدفها
موفينج 90 عامل أساسي في تحديد الاشارة والدخول بأمان ولا يمكن اهماله أبداً والمراهنة علي كسره مغامرة كبيرة ويجب الانتظار لحدوث الاشارة بكامل شروطها
الطريقة بسيطة جدا وسهلة جدا ولكن تحتاج مرونة في التعامل وعدم التسرع .. المجنون ممكن يتحرك باليوم الواحد أكثر من 500 نقطة .. المهم انك تنجح في اقتناص 100 نقطة منهم بأمان
بلاش تدخل لو الاشارة مش كاملة والفرص مفيش أكتر منها . المهم استغلالها بطريقة سليمة
اسف جدا للاطالة واسف جدا لقلة مداخلاتي لانشغالي الفترة الحالية وتمنياتي القلبية بدوام التوفيق وتحقيق الأرباح للجميع
وباقة ورد لكل الحبايب وصبح صبح
:eh_s(7)::eh_s(7)::eh_s(7)::eh_s(7)::eh_s(7):
:eh_s(7)::eh_s(7)::eh_s(7):
:eh_s(7)::eh_s(7):
:eh_s(7)::eh_s(7):
:eh_s(7)::eh_s(7)::eh_s(7):
:eh_s(7)::eh_s(7)::eh_s(7)::eh_s(7)::eh_s(7):
