Printable View
.
إخوتي الأحبة
أنوي شراء جهاز لاب توب جديد إن شاء الله ، وأنا طول عمري على الويندوز طبعا سواءا مع جهاز سوني أو توشيبا
الآن أفكر في التغيير إلى لاب توب أبل ماك ، فهل تنصحون به ؟ وهل أحد جربه منكم ؟ وما هي أبرز المشاكل فيه ؟
الذي أنا متأكد منه أن نظام التشغيل رائع جدا ، ولكن خوفي من أن بعض البرامج لا تشتغل عليه ، أو عدم وجود كراكات للبرامج التي نستخدمها
أتمنى أسمع منكم
على ما أعرف إنه جهاز أنيق وقوي ولكن بالنسبة للمشاكل راح أكلملك صاحبي عنده جهاز ماك وأعطيك خبراقتباس:
المشاركة الأصلية كتبت بواسطة أبو عاصم
وفي بعض البرامج تحتاج إلى برامج أخرى لتشغيلها والله أعلم
اقتباس:
المشاركة الأصلية كتبت بواسطة أبو غلا
.
شكرا أبو غلا مرورك ومشاركتك
أنتظر رد صاحبك ويعطيك ألف عافية
هلا بحبيبنا ابو عاصم
شيء حلو انك تعلم على نظام تشغيل جديد لكن
عندي واحد من الاصدقاء يدرس بامريكا وجانا زيارة وجابة معاه
انا استخدمتة و ملاحظاتي هي:
مشكلتة يا بو عاصم اذا سويت بحث مثلا على جوجل
راح تطلع لك اغلب الملفات بصيغة برامج مايكروسوفت
مثلا
الوورد بالماك لة اسم ثاني
و الاكسل نفس الشيء
و البور بوينت و الخ
المشكلة مش بتسمية المشكلة بصيغة الملف
يعني كل شيء من خلال بحثك تلقاة بصيغة مايكروسوفت
وما راح تقدر تبطل الملف بعد تنزيلة على الماك
الا اذا حولت الملف بصيغة الوورد تبع الماك
وصلت؟؟؟
هذي نقطة مهمة يعني كل شيء تنزلة لازم يكون بصيغة برامج الماك
ثانيا:
نظام الماك اساس يا بو عاصم كان مصمم حق جماعة ال Design و التصاميم للاعلانات و الافلام والخ ويتفوق على المايكروسوفت بنقطة هذي
كيف انتشر ؟؟
تعرف ربعنا شافوا شكلة حلو ابيضاني و جديد
قالوا نشترية و نكشخ فية وما ينلامون شكلة كشخة
لكن
انا اقترح عليك كمبيوتر سوني واطلبة من الانترنت
سعرة تقريبا 450 دينار يعني 5500 ريال
نظام التشغيل لا افضل يكون الفيزتا لانة ثقيل وكأمن على الشبكة لي الحين فية مشاكل واجد و"بقز"
اتوقع راح يكون نقطة توقف حالة مثل حال ملينيوم و 2000
وراح تشوف عقبة ويندوز جديد
الجهاز المثالي:
جهاز سوني
نظام تشغيل اكس بي
هارد ديسك خلة من 120 وفوق. طبعا فية 160 جيجا
البروسيسور ديو 2 ويكون فوق 2 ميغا
الميموري 2 ميجا
كرت الشاشة 512
اذا الميزانية ما تسمح خصوصا عقب السفرة :drive1:
عندك
"توشيبا" عقبة "سيمنس فوجستيو"
والباقي مالهم داعي مثل "اج بي" "ايسر" "ديل" والخ
وابحرررررررر فى الانترنت يا بو عاصم
اقتباس:
المشاركة الأصلية كتبت بواسطة Eng.meshary
الله يجزاه خير بوعاصم يوم فتح الموضوع
وجزاك الله خيرا على هذي المعلومات
اي والله حتى انا من كم يوم امر واشوف ودي اغير جهازي وبلشان بين سوني وتوشيبا
المهم تقول اقدر اشتريه من النت شلووون
تقدر تفهمني هذي النقطه وجزاك الله خيرا.... :)
اقتباس:
المشاركة الأصلية كتبت بواسطة فهد الكويت
هلا بك يا فهد
عندك مواقع واجد تبيع على الانترنت
مثلا امازون
و تشترية عن طريق الفيزا او الماستر
ويجيبونة عن طريق شركات التوصيل عندهم
في طريقة ثانية اذا انت تطلب واجد من امريكا
عشان تخفف سعر التوصيل و اللي يوصل اتوقع 100 دولار
شتسوي
روح بطل صندوق بريد عند ارامكس بالعارضية الصناعية
راح يعطونك صندوق بريد بامريكا مدى الحياة بحوالي 12 دينار
ولما تقوم تشتري اي شيء
حط العنوان اللي عطوك اياة ارامكس
راح يروح جهازك الى بريدك بامريكا و يرد يجيبونة الكويت
العملية ما تاخذ اكثر من اسبوع الا وهو واصلك
طبعا لما يكون عندك بريد بامريكا يقومون يحاسبونك على سعر
الباوند يعني كيلو الا شوي
جنك شاري خضرة وفواكة
وسعر الباوند دينارين الا ربع
يعني بدال ما يوصلك ب 100 دولار تكلفة شحن راح يوصلك ارخص
بس طبعا ما انصح فيها الا اذا كنت دائما تطلب شغلات من امريكا
باقي نقطة اخيرررررررررة
الجهاز يجيك الويندوز انجليزي و لوحة المفاتيح انجليزي
بس عليك انك تحول لوحة المفاتيح الى لوحة مفاتيح عربي وانجليزي
ما تاخذ اكثر من 20 دينار
و الويندوز عندك كل المحلات يركبونه مع باقي البرامج
من ريل بلاير و وينزيب و الاوفيس و الاكروبات و الجافا والخ
كلة ب 5 دنانير
بينما سعر جهاز السوني وتقدر تسأل عنة ما ينزل عن 720
يعني انت وفرت 300 دينار عن هالتجار الحرامية
بالتوفيق
جزاك الله خيرا على هذي المعلومة
ماكنت اعلم بهذي الطريقة لشراء الاجهزة
سمعت بها ولكن ماحسبتها بهذي السهولة
لكن ان شاءالله راح اشتري جهاز لاب توب
على نفس الطريقة التي تفضلت بها
وشكرا لك واذا محتاج شي انا تحت امرك :)
حياك يا فهد وانا بخدمتك
.
جزاك الله كل خير يا بشمهنس مشاري
معلومات قيمة ومفيده
شكها لوالله وسوني على قولتك ، وبصراحه الواحد المفروض ما يبخل في جهاز اللاب توب ، خاصه في حالتي لأني أمضي عليه معظم اليوم ، لذلك راح أشوف شيء بالمواصفات اللي ذكرتها أو أعلى إن شاء الله
بارك الله فيك ، والف شكر لاهتمامك :thumb:
شكرا أخى على هذه المعلومات القيمه اللى ان شاء الله ربنا ييسر لنا و نستفيد منها كلنااقتباس:
المشاركة الأصلية كتبت بواسطة Eng.meshary