أنتم على موعد مع أروع أفلام السينما الفوركسية ..(احجزلك مكان .. قبل فوات الاوان )

اقتباس:

---

المشاركة الأصلية كتبت بواسطة m.salah

ايه ياعم ده رجع قفص الفاكهه اقولك شيشه تحطلي دراكولا ماهو كده عمر السوق ما هايتحرك:wub:

---

باعتبار هالسوق مرعب وبيحرق يلي ما بينتبه قررت أعتمد هالصورة,
بعد إذن سعادتك يعني

بعد اذنكوا يا شباب هستاذن علشان أدخل أنام شوية ...... شايفين عمال أتاوب إزاي :yawn::yawn::yawn:

نراكم في الثامنة صباحاً باذن الله واللي هيتأخر هنقفل عليه ومش هياخد نصيبه من الكابتشينو

تصبحوا على خير جميعاً وأحلام سعيدة :yawn::yawn::yawn:

اقتباس:

---

المشاركة الأصلية كتبت بواسطة vitamin

باعتبار هالسوق مرعب وبيحرق يلي ما بينتبه قررت أعتمد هالصورة,
بعد إذن سعادتك يعني

---

لا خلاص حتى يمكن ابو الاندال يخاف وينزل او احنا نخاف ونطلعله ومن جهة حرقة الدم والسكر والضغط فانت اكبد عنك حق وربنا يسترها معانا جميعا

ويومك كله مكاسب ان شاء الله سواء ابو الاندال طلع ولا نزل

جهز الغدا يا ابو صلاح على ما أجيلك

اقتباس:

---

المشاركة الأصلية كتبت بواسطة bo7a

جهز الغدا يا ابو صلاح على ما أجيلك

---

الغدا جاهز يامعلم اغسل رجلك ويلا :inlove:

قربنا على شارع247.50 يا معلم بوحه ، هو الواد أسماعيل لسه مستنى و مفتح عينيه كويس عشان يخبط الندل خبطة تجيبوه الأرض؟؟؟؟:compress:
ولا حينام و يخليه يعدى لشارع 248.09؟:ohmy:

اقتباس:

---

المشاركة الأصلية كتبت بواسطة m.salah

الغدا جاهز يامعلم اغسل رجلك ويلا :inlove:

---

ايه يا ابو صلاح الحاجات الغريبة اللي انت بتاكلها دي ؟؟

دا انت بقي بتعزمني ومش عاوزني أكل ..... ماشي يا سيدي ..

الحق بقي ابعت الأرموطي علشان الواد اسماعيل شكله ناااااام :yawn:

وخليه يقف في الشارع اللي قلناله عليه 247.50 ومعاه عقد الشورت لو إرتد وقفل تحته بشمعة أربع ساعات

وقوله على موضوع الشموع دا أحسن يفتكرها شمعة عادية ويقعد مستني وينسي الشورت

وقوله برده على الشورت أحسن يفتكر انه شورت بحر ولا حاجة العالم دي أصلها غبية حبتين

معلش تعبتك معايا يا ابو صلاح ...... بس ربنا يجيب التعب دا بفايدة بقي :013:

ايه اللي بيحصل ده ايه اللي نا شايفو ده , ابن الأصل بيبقى ابن أصل
بوحههههههههه انت فين يا حبيبي

والله بعرف المصريين كرماء متعزمو علينا صيادية ولقمة القاضي

السلام عليكم و رحمة الله و بركاته
ازيكوا يا رجالة و ايه الاخبار و الملل اللى فيه ابو الاندال دا قال و بيقوله عليه مجنون
مجنون ايه دا خناقنا من اول الاسبوع لا عايز يطلع يكسر مقاومة و لا ينزل يكسر دعم بس شكله و الله اعلم محضرلنا مفاجاة ان شاء تكون فى صالحنا و يمكن دا الهدوء اللى بيسبق مش عارف ايه كدا العصفة باين
المهم هو خبر الفايدة بكرة على الباوند الساعة كام بالتوقيت المحلى لمدينة القاهرة
لحسن انا مش مركز فى موضوع الخبر دا و ربنا يستر
و بعدين يا ابو صلاح انت و بوحة اللى ياكل لوحده لا قدر الله يعنى يزور
عموما يا رجالة لو الاهداف اتحققت ان شاء الله غدا بكرة عندى و هوريكوا الواجب على اصوله
ادعوا انتوا بس

ايوه يامعلم بوحه هو ده الموجود ملقتش كشري وزيزو نتانه قافل علشان عيد تحرير امريكا وشعبان بتاع السمين قلب هامبورجر علشان كيلو اللحمه بقى ب 12 بونت هتاكل بقه ولا ايه
والارموطي بعتلي تقرير مفصل عن الاوضاع على الجبهه هايكون عندك بعد نصف ساعه

اقتباس:

---

المشاركة الأصلية كتبت بواسطة anood1

قربنا على شارع247.50 يا معلم بوحه ، هو الواد أسماعيل لسه مستنى و مفتح عينيه كويس عشان يخبط الندل خبطة تجيبوه الأرض؟؟؟؟:compress:

---

اقتباس:

---

المشاركة الأصلية كتبت بواسطة anood1

ولا حينام و يخليه يعدى لشارع 248.09؟:ohmy:

---

صباح الورد والياسمين ...... على عيونك الحلوين يا زعيم

هحكيلك أنا فيلم حلو كدا ..... بس ادخل إعمل شاي وركز معايا وقولي رأيك في السيناريو

طبعا انت عارف ان الأرموطي واقف في شارع 247.50 وعلى ما أبو الأندال يروحله هيكون نفسه اتقطع

والأرموطي ايده طرشة ( مجايب أبو صلاح بقي ) يعني لو اتمكن وخبطه رجل هينزل سابع أرض

عموما شوف الشارت فريم الساعة

السعر ماشي في قناة صاعدة بقاله أكتر من 30 ساعة وملتزم بيها تماماً ...

وهو دلوقتي قريب من الضلع العلوي لها ومعاها الترند الهابط باللون الأخضر يعني منطقة قوية اذا كسرها هيروح للأرموطي عند ( 247.50 الي 247.60 )

لو الأرموطي قدر يرده من هناك يبقي هينزل على الأقل من 100 : 120 نقطة زي ما ارتد منها قبل كدا

ندخل احنا شورت من هناك وبهدف 246.50 ونشوف هيتصرف ازاي مع البايفوت ويكلي

اخترق وكسر يبقي هينزل يحقق أهداف عقودنا المفتوحة ....

أما لو ماقدرش الأرموطي يرده .... يبقي هنشوف 248.10 وممكن 248.75 :ohmy: لا قدر الله

قوة المنطقة اللي فيها السعر هتحدد اتجاهه الفترة الجاية ولو لاحظ فيه مثلث محايد أضلاعه الترند الصاعد باللون الأحمر والترند الهابط باللون الأخضر

والسعر الان في منطقة حرجة .. كسر أحد الأضلاع يبقي هيطير في اتجاهه زي ما قلنا

نشوف فريم الأربع ساعات ... هنلاقي دايفرجنس على الاستوك والمومنتم مع تشبع الاستوك

اذا هبط السعر هيكسر الترند الصاعد والي أهداف بعيدة ان شاء الله

طيب نشوف فريم الدايلي ..... عندنا مثلث صاعد والسعر الان في منطقة مختنقة وبيقرر ينفجر فوق أو تحت

وعندنا دوبل توب محترم وعلى فريم زي الدايلي ان شاء الله يكون له مفعول جيد في هبوط السعر وكسر ضلع المثلث

عموما محطات الصعود لا قدر الله هتكون ( 247.50 >> 248.10 >> 248.75 >> بعد كدا حرام بقي :wub: )

ومحطات الهبوط ان شاء الله ( 246.90 >> 246.30 >> 246.00 >> 244.25 )

نورت يا قمر وياريت نشوف مشاركاتك معانا دايما

اقتباس:

---

المشاركة الأصلية كتبت بواسطة vitamin

ايه اللي بيحصل ده ايه اللي نا شايفو ده , ابن الأصل بيبقى ابن أصل
بوحههههههههه انت فين يا حبيبي

---

اقتباس:

---

المشاركة الأصلية كتبت بواسطة vitamin

ايه والله بعرف المصريين كرماء متعزمو علينا صيادية ولقمة القاضي

---

صباحك قشطة يا أبو الفيتامينات والمقويات كلها ....... صباحك وردي يا متغذي

أنا رهن اشارتك يا قمرنا ... موجود يا زعيم وصبح صبح

والله المصريين كرماء جدا ..... سيبك من الشغل اللي بيعمله أبو صلاح دا هو عاوز يقرفني علشان أنا مش باكل سمك

انت بس انوي تشرفنا وتنورنا في مصر وتشوف أحلي واجب باذن الله

تسلم يا معلمة ( جاييلك قريباً ) بس نحل أزمة هالمجنون ، يا خوفي مع خبر
الفائدة بكرة تبع البريطاني يكسرالمقاومة الشهرية وخصوصاً أنو عامل مثلث
تصاعدي متل ما تفضلت، الأصول الواحد يحجز بلكون ويتفرج عالفيلم من فوق.
وصبح صبح يامعلمة بس مقولتليش فين الجوزة بتاعت النهاردة ، الواد بليه
مش نافع النهارده باينه عاوزلو شوية فيتامينات

اقتباس:

---

المشاركة الأصلية كتبت بواسطة medhat 2007

السلام عليكم و رحمة الله و بركاته
ازيكوا يا رجالة و ايه الاخبار و الملل اللى فيه ابو الاندال دا قال و بيقوله عليه مجنون
مجنون ايه دا خناقنا من اول الاسبوع لا عايز يطلع يكسر مقاومة و لا ينزل يكسر دعم بس شكله و الله اعلم محضرلنا مفاجاة ان شاء تكون فى صالحنا و يمكن دا الهدوء اللى بيسبق مش عارف ايه كدا العصفة باين
المهم هو خبر الفايدة بكرة على الباوند الساعة كام بالتوقيت المحلى لمدينة القاهرة
لحسن انا مش مركز فى موضوع الخبر دا و ربنا يستر
و بعدين يا ابو صلاح انت و بوحة اللى ياكل لوحده لا قدر الله يعنى يزور
عموما يا رجالة لو الاهداف اتحققت ان شاء الله غدا بكرة عندى و هوريكوا الواجب على اصوله
ادعوا انتوا بس

---

وعليكم السلام ورحمة الله وبركاته

أهلا بالزعيم ........ كله بخير ان شاء الله

خلاص يا مدحت باشا .... هانت ان شاء الله واحنا صبرنا عليه كتير وان شاء الله مش بس هينفجر دا هيطق

ويطرطش دم على 244.00 و 241.00 علشان عمنا جابر ربنا يوفقه ويوفق الكل باذن الله

وبعدين انت كدا طمعت الأرموطي أكتر علشان ييجي يتغدي عندك :012: سااااااامع يا أرمط أفندي

والخبر باذن الله هيكون الساعة 2 الظهر ...... يعني تصلي الظهر وتيجي ترشق هنا معانا ان شاء الله

صبح صبح يا مدحت باشا .... وباذن الله الأهداف تتحقق وجهزلي غدوة بنت حلال كدا