أنتم على موعد مع أروع أفلام السينما الفوركسية ..(احجزلك مكان .. قبل فوات الاوان )

اقتباس:

---

المشاركة الأصلية كتبت بواسطة m.salah

الشارت زي العسل والخط الاصفر عنينا عليه لحد الصبح لو لمسه وطار 15 بونت يبقى نط فوق كتفه ومعاه لحد طوكيو نرزعه علقه عند 246.99 وسط اهله وحبايبه علشان عينه تكسر ولو لمسه وريح عليه يبقى هايكسره وتبقى العلقه في ميدان التحرير خذ بالك الواد اسماعيل عجبته اليابان وهايجوز هناك بت اسمها سوزوكي هي كويسه بس عيبها انها هاتش باك بس اسماعيل قاللي انه هايتصرف في الموصوع ده ما انت عارف كفه بقه

---

ههههههههههههههههههههههههههههه مش بقولك انت مشكلة يا ابو صلاح الله

بس يا ابو صلاح الواد متجوز اربعة ودي كدا هتبقي الخامسة ولا هو طلق البت بنت المعلم محروس

عموما مبروك يا اسماعيل وكويس ان هيبقي لينا ضهر في طوكيو ... يمكن يعملها تاني ابن الانجليز

ونروح نجيبه من هناك ..... يللا يا ابو صلاح علشان نلحق البضاعة بقي وسخن ايدك

صباح الفل ياعم بوحه
والنبي اصحى معايا في ال 400 نقطه الجايين علشان نعمل ماتش اعتزال بعد كده

اقتباس:

---

المشاركة الأصلية كتبت بواسطة m.salah

صباح الفل ياعم بوحه
والنبي اصحى معايا في ال 400 نقطه الجايين علشان نعمل ماتش اعتزال بعد كده

---

ممكن التوضيح اخي محمد بمقصودك بالـــــ 400 نقطة الجايين .....

اقتباس:

---

المشاركة الأصلية كتبت بواسطة m.salah

صباح الفل ياعم بوحه
والنبي اصحى معايا في ال 400 نقطه الجايين علشان نعمل ماتش اعتزال بعد كده

---

صباح الورد يا ابو صلاح

أنا متابعه كويس أوي من امبارح وعمال يدلع ورحت علشان أجيب علبه سجاير لقيته طلع يجري

بس الواد اسماعيل خبطه قلم تاني ودايخ وهيقع أهو

أنا من رأيي نفتح عقد بيع من هنا كمان ( 246.40 ) وهدفه 245.80 ونقفله ب 60 نقطة

والعقد المفتوح من 246.10 نصبر عليه شوية .... الندل شكله استوي وهينزل كتير فعلا

صباحك قشطة يا ابو صلاح وان شاء الله يوم زي العسل

اقتباس:

---

المشاركة الأصلية كتبت بواسطة yahte20022001

ممكن التوضيح اخي محمد بمقصودك بالـــــ 400 نقطة الجايين .....

---

اخي العزيز
انا شايف ان اي حاجه فيها جنيه استرليني هاتنزل النهارده على الاقل 200 نقطه والله اعلم
والله اعلم

انا فتحت عقد البيع خلاص

اقتباس:

---

المشاركة الأصلية كتبت بواسطة m.salah

انا فتحت عقد البيع خلاص

---

على بركة الله ومبروكة يا ابو صلاح ان شاء الله

الدولار شادد حيله النهاردا والاخبار متوقع لها ايجابية ودا هيأثر بشكل كبير على الحركة عموما في السوق

برده هتبقي المشكلة في العاركة عند نقطة دخول العقد الاولاني ولو كسرها هيحقق اهدافنا وبزيادة ان شاء الله

الموقف على الجبهه كالتالي
كتيبة اليورو دولار - بدأ تكون قناه هابطه فرعيه على الديلي
كتيبة الاسترليني دولار - بدأ تكون قناه هابطه اساسيه على الديلي - غير مؤكده نسبة تكونها 60%
المشكله الاساسيه في فرقة الدولار ين الناتجه عن هبوط الين امام الدولار نتيجه لارتفاعه امام اليورو
من الممكن ان تسبب بعض المناوشات على جبهة الاسترليني ين
الهجوم على الكتائب مباشرة يكون اضمن
يعني استرليني دولار

انتهى
الله الوطن بالامر

معلش ياعم بوحه انا زهقت من الكوميدي وداخل على الحربي

اقتباس:

---

المشاركة الأصلية كتبت بواسطة m.salah

الموقف على الجبهه كالتالي
كتيبة اليورو دولار - بدأ تكون قناه هابطه فرعيه على الديلي
كتيبة الاسترليني دولار - بدأ تكون قناه هابطه اساسيه على الديلي - غير مؤكده نسبة تكونها 60%
المشكله الاساسيه في فرقة الدولار ين الناتجه عن هبوط الين امام الدولار نتيجه لارتفاعه امام اليورو
من الممكن ان تسبب بعض المناوشات على جبهة الاسترليني ين
الهجوم على الكتائب مباشرة يكون اضمن
يعني استرليني دولار

انتهى
الله الوطن بالامر

معلش ياعم بوحه انا زهقت من الكوميدي وداخل على الحربي

---

لا يا ريس خد راحتك ع الاخر ..... البيت بيتك اهلا وسهلا بيك

أنا بس عاوز أعرف اللي اسمه فوكي دا قال ايه ... راجل سئيل كدا وغلس كدا ووشه عامل زي علبة الجبنة النستون كدا

اللي انا مضايق منه بجد تغيير قيمة التوقعات على فوركس فاكتوري

يعني الناس بتبقي عامله حسابها على حاجة في خلال كام ساعة يلاقوا توقعات عكسية خالص

خدتش بالك انت من خبر الاعانة الاسبوعية على فوركس فاكتوري ؟

شوف كدا يا عم الحاج قبل ما الشوف كمان يبقي بفلوس وصبح صبح

صبح صبح يا بوحه
شكله حيفتحها بوشك النهار ده
الندل ان شاء الله حيخر ويعوضك عن مبارح

اقتباس:

---

المشاركة الأصلية كتبت بواسطة سيف الملوك

صبح صبح يا بوحه
شكله حيفتحها بوشك النهار ده

الندل ان شاء الله حيخر ويعوضك عن مبارح

---

صبح صبح يا عم الحاج

ان شاء الله نازل نازل .. بس هو الواد اسماعيل يصحي يروح يرزعه كف زي بتاع امبارح كدا

وشلوتين ويعضه من كتفه هتلاقيها راجع جري

وصبح صبح يا قمر يا منور ليالينا

انا مش لاقي اي حاجه عن عم فوكي باين اسماعيل خطفه قبل ما يطين الدنيا كالعاده

اقتباس:

---

المشاركة الأصلية كتبت بواسطة m.salah

انا مش لاقي اي حاجه عن عم فوكي باين اسماعيل خطفه قبل ما يطين الدنيا كالعاده

---

هو الظاهر كدا ما تكلمش .. محدش كتب عنه اي حاجة ومفيش اي اخبار عن تصريحه

بس الواد اسماعيل فين كدا ؟؟ مش شايفه

نام يا بوحة ....نااااااااااااااااااااااااااااااام
سوقت عليك الله والنبي تنام يا راجل...
انتا من اول مبارح سهران مع عيال ابو اسماعيل ..
ايه دول مش خايفين على صحتك.. انا خايف على صحتك والله انتا اصلك ما تعرفش غلاوتك عندنا اد ايه
اغلى من المجنون والاسترليني واليورو
وصبح صبح

رياض باشا البنطلوني بدور عليه وأول ما يمسكو حيخلليه يغسل غسيل السجن كله...
الكلب الندل....دي عمله يعملها