markets tricks

السلام عليكم ورحمه الله وبركاته

نبدء من هنا مع اول تريك فى السوق وهى من التريكات المحببه لقلبى بس هى محتاجه تجربه على الديمو الأول لكل من سوف يتابع معنا ونتناقش فى النتائج عموماً ناخد نفس ونخش فى الموضوع على فكره من الطريقه ديه أنت ممكن بإذن المولى سبحانه وتعالى تعمل ثروه محترمه من الفوركس من غير تكسير دماغ فى التريد والتحليل
انا بنشر الكلام ده مرضاه لوجه الله سبحانه وتعالى واتمنى يكون مفيد ويساعد ناس كتير
نتوكل على المولى

الطريقه ديه معتمده على العلاقه بين الأزواج والتصحيح الذى بينهم
أحنا بإذن المولى سوف نستخدمها مع زوجين فقط وهما
usd/chf و usd/jpy

نشرح الأول ايه هى العلاقه بين هذين الزوجين :
1 - من الجدول المفرق وألى بيوضح العلاقه بين الأزواج فى السوق ومقدار التغير بينهما نشوف أن الزوجين دول دائماً معاً فى نفس الأتجاه ومقدار التغير بينهم ليس كبير زى ما هو واضح فى الجدول السفلى ( مظلل بمربع أحمر ) تقريباً متقارب ولكن زوج الين يغلب عليه الأرقام الأقل دائماً يعنى الين بيميل للنزول أكثر من الفرنك . اوك مش عاوزين نعرف أكتر من كده .

الملف المرفق 72212

2 - الدولار هو العمله الرئيسيه لكيلا الزوجين وده مهم جداً حنعرف بعدين .

3 - بين هذا الزوج علاقه غير طبيعيه فى السوق وده حيلاحظه الناس ألى بتاجر كتير بمعنى العلاقه بينهم فى الفريمات الصغيره وبعيداً عن وقت الأخبار مع بعض على طول فى نفس الأتجاه وبنفس عدد البيبات صعوداً وهبوطاً وهى ما توصف بـ ( nick to nick ) يعنى مثلاً أنظر للشارت التى بأسفل وسف تشاهد ذلك جلياً أو من خلال متابعتك للزوجين على الفريمات الصغيره بعيداً عن وقت الأخبار وحوضح ده فى الأستنتاجات على الشارت أصبر معايا


الأستنتاج :

1 - أنت لو عملت هيدج يعنى بعت واحد وأشتريت التانى مش حتخسر كتير كلام فاضى الأسبيرد وممكن 10:5 بيب على الأكثر فى خلال يوم أو يومين ) وده فى وقت السوق المعتاد بعيد عن الأخبار يعنى انت فاتح عمليه من غير استوب لوز ومفيش قلق وأحنا أعتمدنا أساساً على الأخبار فى العمليه بتاعتنا ألى بأذن المولى مكسبنا فيها .
2 - أى أخبار خاصه بالدولار هى الأكيد المحرك الرئيسى ليهم وهى التى تسبب فرق التصحيح بينهم وده عشان هو العمله الرئيسيه فى كلا الزوجين ( قلنا ده فوق صح ) .
3 - الين بيميل للنزول والفرنك للطلوع وده بيحدد كيفيه وأتجاهات التصحيح لكيلا منهما يعنى كده احنا لما نعمل الهيدج على الزوجين
( نبيع الين ونشترى الفرنك ) ونستنى وقت التصحيح الى بيكون مع أخبار الدولار وميهمناش الخبر ايه ليه لأنه لو كويس الفرنك حيطلع على طول والين يستنى شويه وبعد كده يطلع وراه ويصحح . ولو الخبر وحش للدولار الين يطير لتحت الأول وبعد فترة الفلرنك وراه للتصحيح .

أيه يعنى كده أحنا حنستفيد من من فرق معدل التداول على الزوجين دول وقت خبر الدولار
طب نبص كده على الشارت ديه
وديه للفترة ما بين 8/6 - 15/6/2007
بص شوف الأخبار كانت لصالح الدولار

الشارت عارضه كيلا الزوجين (لاين شارت)
اليـــــن بالأحمر
الفرنك بالأزرق
الملف المرفق 72213
الفرنك طاير على فوق وسابق الين وعمل فرق (باللون الأخضر) وبعد كده بدء الين فى الصعود الفلاق بين حركه هذين الزوجين هما البروفت بتاعنا بإذن الله والهدف هو هنا مثلأ حوالى 80 بيب مضمونين بإذن الله وأحتمال المخاطره مفيش عشان أحنا عملين هديش بين الزوجين ألى هما فى نفس الوقت مكسب البيب فى كيلا منهما متساوى ( أيه الحلاوه ديه )

طيب نفس الشارت بس بزوم من بعيد عشان نشوف الهيدج كان ماشى ازاى
الملف المرفق 72214
بص كده بالون ( الموف ) الـ nick to nick
خبر ضعيف للدولار مش كويس ( اللون الأصفر )
الين نازل
خبر قوى للدولار جيد ( اللون الأخضر )
الفرنك طاير لفوق


حاجه مهمه الطريقه ديه محتاجه الدخول فى العمليه وقت ما يكون الزوجين خلصوا تصحيح خالص وأحسن وقت ليها بيكون مع بدايه أسيا ( الساعه 2:1 صباحاً بتوقيت القاهره)

الخروج مع احسن بروفت وده بالتدريب على الديمو ويكون قبل بدايه حركه التصحيح بين الزوجين

العمليه تكون مع الأخبار القويه للدولار عشان تكون النتائج كويسه

مع النيوز اتفرج بس وأستنى لما يبتدى البروفت يظهر وتابع الزوجين
لو الأخبار سيئه للدولار أكيد الين حيبدء بالنزول الأول أستنى لما يجيب اخره وخد البروقت وأخلع

لو الأخبار كوبسه للدولار الفرنك طالع الأول لما يجيب اخره أخلع بالبروفيت

جرب على الديموا عشان تاخد سينس التريك ديه
وسيب العمليه للأخر على الديمو وشوف البرفت بعنيك وبعد كده شوف ازاى حترجع ريما لعادتها القديمه

على فكره العلاقه ديه مش موجوده بين أى زوجين أخرين عشان اسباب أقتصاديه كتيره

مستنى الأسئله بس أفضل بعد التجرب
ومشاهده النتائج

جرب على الديمو مره وأتنين
وعشره
دعائكم لى أخوانى
ماشاء الله ولاحول ولاقوه إلا بالله

شكر خاص لطارق عشان شال الصوره

معاك يا شورت و الله كلام جميل بس ناقصة التجربة العملية على الديمو

و يا ريت طارق يفتح موضوع خاص للصورة

برجاء من كل من يعمل معنا فى هذا الموضوع عرض نتائج تجربتة ولذلك لأافاده الأخرين

بالتوفيق

جزاك الله كل خير اخي

ايه الحلاوه دى ياعم شورت ,,,,,,,,:clap:
بس محتاج شوية تمرين ,,,كان لى سؤال لو سمحت ....
احنا كده ممكن ندخل هيدج فى اسيا ليلة الخبر بس مع متابعة العمليه الى اخر نفس فيها !!!!ولا ايه رايك ارجو التصحيح وشكرا:smile: على مجهودك وتسلم ايديك.

اقتباس:

---

المشاركة الأصلية كتبت بواسطة mohamed maher

ايه الحلاوه دى ياعم شورت ,,,,,,,,:clap:
بس محتاج شوية تمرين ,,,كان لى سؤال لو سمحت ....
احنا كده ممكن ندخل هيدج فى اسيا ليلة الخبر بس مع متابعة العمليه الى اخر نفس فيها !!!!ولا ايه رايك ارجو التصحيح وشكرا:smile: على مجهودك وتسلم ايديك.

---

تمام يا باشا

اقتباس:

---

المشاركة الأصلية كتبت بواسطة shamstec

معلش سؤال جانبى بما انك خبير اليوت

---

اقتباس:

---

المشاركة الأصلية كتبت بواسطة shamstec

مارايك ببرنامج اليوت ret م الاخر ؟؟

---

كويس بس مشكله اى برنامج أو أنديكتور انه مبنى على معادله محدده وده يمكن الى بيخلى البرنامج معندوش احساس السوق والتنبوء

يعنى أى برنامج بمنتهى البساطه حيقول ليك السوق ماشى أزاى لكن لايمكن يقول السوق رايح فين عشان كده لازم تستنى ثلاث اشارات

أشاره أنذار
أشاره تأكيد
أشاره دخول

وده يمكن الى بيخلى البرنامج أو الأنديكتور مهما كان نوعه أو الأسس المبنى عليها تعطيك الأشاره متأخره وبالتالى تفقد انترى كويس وتعرض نفسك لرسك مالوش لازمه ( المؤشرات والبرامج تحقق 75% فقط من تنبؤتها طبقاً لأخر احصائيه ) طب ما نتعلم الصح ونطبق ونشوف الفرق أكيد كبير

والموضوع يستحق التعب

بالأضافه أن السوق يتخلله الكثير من العوامل الأخرى وليست العوامل الفنيه فقط طب قولى أزاى البرنامج يحس بحاجه زى ديه أو ويف مش صحيحه

عموماً جرب ولاحظ أن البرامج معظمها محتاجه لمعدل تداول عالى فى السوق عشان كده فى الأيام الهاديه هى فاشله

صح ولا ايه
وديه وجهه نظرى

بالتوفيق

خلاص اخي شورت .. انت كده ابتديت اللعب الكبير (اللي ما نفهمش فيه نحنا الصغار)..
كان بودي لو تشرح استراتيجيتك اللي بتشتغل عليها .. أصل أنا معجججججب بها جدا جدا .. بس الامل فيك بعد الله سبحانه ..
متابعين معك ..وبالتوفيق ان شاء الله

أخبار التريك ايه أنا عارف أن الأسبوع ده كل أخبار الدولار فى الضعيف
لو فيه حد جرب يقول عشان نحلل النتايج ونوضح الصوره أكتر

للرفع

اقتباس:

---

المشاركة الأصلية كتبت بواسطة Ma$terMind

للرفع

---

في حد جرب الموضوع ده يا جماعه؟؟؟؟؟؟؟؟؟؟؟؟

بارك الله فيك اخي تسجيل متابعة

في انتظار المزيد من خدع وأسرار السوق من المضارب المخضرم
:0031: شورت :0031:

في انتظار المزيد أخي شورت

www.arabictrader.com/vb/attachments/forum4/72213d1182085320-2.jpg
شكرااااااااا للاستاذا شورت بارك الله فيك
وماشاء الله ولا حول ولا قوة الابالله
سؤالى للخبراء كيف ندمج شارت الزوجين فى شارت واحد كما عمل الاستاذ شورت كما مبين بالاعلى فى برنامج الميتاتريدار
لانى مش هعرف انسجام الزوجين الا عن طريق تطابقهما او اقترابهما من بعض على نفس الشاشة