مشروع تصنيع استراتيجية بنسبة نجاح عالية جدا

[samtaq3]

قد يكون العنوان غريب و لكن هي فكرة انا حبيت اطرحها و اتوقع لو كان فيه استجابة هاتكون فكرة ناجحة جدا جدا
الموضوع ببساطة هو اننا هانعمل ورش عمل لتصنيع استراتيجية هانبدأ في تصنيعها من الصفر يعني هانبدأ نشارك بمؤشرات و افكار احنا شايفين انها مفيدة يعني كل واحد هايشارك بالمؤشر اللي مايقدرش يستغني عنه في طريقته او بمؤشر هو شايف انه قوي جدا و بطريقة لاستخراج النقط القوية سواء يدويا او رقميا بمؤشر و يكون في ورشة قادرة علي عمل باك تست بشكل دقيق و تدينا نتايج دقيقة و نبدأ ندمج بعض المؤشرات مع بعض او بعض الافكار و يتعمل باك تست علي فترة معينة و يتعمل بالفيجوال موود باك تست لانه اوقع
طيب هي دي الفكرة ببساطة
و هابدأ اتكلم بشي من التفصيل في المشاركات اللي جاية و اتمني اني الاقي ناس علي استعداد انهم يكون اعضاء في الورشة دي و اتوقع ان النتايج تكون ممتازة بس الموضوع هايحتاج وقت

[samtaq3]

اول حاجة احب اتكلم عنها هو اختيار نوع الاستراتيجية و انا في وجهة نظري في 3 انواع رئيسية للاستراتيجيات و مفيش استراتيجية بتخرج منهم لكن ممكن الاستراتيجية يكون فيه اكتر من نوع
الانواع هي:
1 - REVERSAL POINT
و هي اختيار تقطة معينة نتوقع من عندها الانعكاس و قد تكون مقاومة و دعم او فيبوناتشي بكل انواعة او كامريلا او بيفوت او متوسطات او ترندات او.............في نقط كتير جدا سواء بنطلعها بنفسنا او في مؤشرات هي اللي بتديهلنا او حتي مواقع بتديهالنا
و طبعا المشكلة الاساسية هي ان مفيش حد يعرف السعر هاينعكس منين و عشان كدة بتعتمد علي اختيار عدة نقط مع بعض او اختيار نقطة معينة نسبة نجاحها عالية
2-BREAKOUT
و هي استراتيجية تعتمد علي كسر نقط معينة و الدخول بستوب اوردر من النقطة دي يعني السعر بيطلع ياخد الاوردر معاه و هو طالع علي امل انه يكمل طلوع و النوع ده بيستخدم اكتر في الطرق اللي بتعتمد علي الاخبار و في طرق تانية زي HANS BREAKOUT و في طرق كتيرة جدا للبريك اوت لكن عيوبها ان كتير جدا السعر بيطلع او ينزل ينفذ الاوردر و يعكس
3-MIDWAY
طبعا النوع ده اشهرهم و هو عادة بيعتمد علي المؤشرات او التقاطعات و دة لان المؤشرات تابعة للسعر بالتالي معظم المؤشرات بتدي اشارة بعد مابيحصل انعكاس من نقطة معينة و بندخل علي امل اننا دخلنا في نص الطريق و بنقول يا رب يكمل و طبعا كتير جدا بنكتشف اننا دخلنا في اخر الطريق
انا شرحت ال3 انواع من وجهة نظري اتمني اسمع ارائكم و تشاركوا في الاستفتاء الاول و بعد كدة هانعمل استفتاء علي التايم فريم اللي نحب نشتغل عليه و هل هو فريم واحد و لا اتنين و لا اكتر
طبعا كل نوع ليه عيوبه و ليه مزاياه و دورنا اننا نختار النوع الل مزاياه اكتر و عيوبه اقل و ازاي نقلل عيوبه

[samtaq3]

في انتظار تصويت الناس لاختيار النوع الافضل لبدء التفكير فيه و اتمني اشوف اراءكم و افكار لبلورة الفكرة

[samtaq3]

حتي الان 5 لصالح ال REVERSAL POINTS
, 1 لل BREAKOUT
اتمني مش بس تصويت لكن كمان اعطاء اراء و بعدين هل في ناس متطوعة معايا لبداية المشروع اللي ممكن يأخد مننا مجهود جامد للوصول لنتيجة كبيرة انا عندي افكار كتيرة لكن انا عاوز ورشة بنرمي فيها افكارنا و نتناقش لغاية مانوصل لحاجة

[PiPBoY]

السلام عليكم

شكرا على الموضوع الجميل

انا مع BREAKOUT

[samtaq3]

السلام عليكم

شكرا على الموضوع الجميل

انا مع BREAKOUT

اشكرك علي ردك و علي تفاعلك معي و اتمني اشوف تفاعل اكتر من الناس

[ehsanhope]

فكرة طيبة
وإن شاء الله نشارك فيها على قدر الإستطااعة والوقت.

[samtaq3]

فكرة طيبة
وإن شاء الله نشارك فيها على قدر الإستطااعة والوقت.

اشكرك علي مشاركتك و اهلا بيك في اي وقت

[samtaq3]

احب اضيف حاجة توضح اكتر سبب انشاء الموضوع ده
اوقات كتيرة بتتعرض علينا استراتيجيات و اصحابها بيحققوا نقط كتيرة منها علي حسب كلامهم في نفس الوقت اللي احنا مش بنعرف نحقق فيه حاجة و دة لعدة اسباب :
- ممكن يكون اسلوب الاستراتيجية مش متوافق مع نفسيتي كمضارب يعني ممكن يكون هدفها بعيد و انا مش بستحمل اني استني الهدف و بقفل علي اي مكسب و بالتالي بيحصل خلل في النتايج و دة مثال علي تاثير النفسية علي الاستراتيجية و نجاحها و فيه امثلة كتيرة
-ممكن يكون صاحب الاستراتيجية بيلجأ لحاجات تانية بتساعده و لم يذكرها بقصد او من غير قصد لانه مثلا بيعتمد علي احساس اتكون عنده من الخبرة و ده انا لاقيته كتير في بعض الاستراتيجيات تلاقي فرصتين شبه بعض جدا و تلاقي واحدة ايدها الاسبوع اللي فات و التانية رفضها لاسباب كانت موجودة من اسبوع و لكن لان نظرته العامة خلته متفائل مع و احدة و متشائم مع التانية
- ممكن يكون نوع الاستراتيجة مش مناسب معايا
-ممكن يكون وقت المتابعة مش متناسب معايا
و عشان كدة انا حبيت ان الورشة اللي هاتتكون هاتكون مسئولة عن ولادة الاستراتيجية من الاول للاخر معتمدة علي وجود عوامل مشتركة هانختارها مع بعض للوصول لاستراتيجية ناجحة

[عبد المهيمن]

REVERSAL POINT

[شريف دعبس]

الفوركس سوق متذبذب خطير مش ثابت يعنى مينفعش اى واحد ه من دول لوحدها عليك بالكل اشارت انعكاس + دعم = شراء و العكس صحيح
اختراق دعم = بيع و العكس شراء
عليك بالكلاسيكى مطعم بالاستراتجيكى
تحياتى

[أبو_روان]

تصدق يا دكتور سامر
الفكرة دي تراودني من فترة ولكن بشكل مختلف
وحالياً بجهز موضوع جامد ليها , اعتقد انه هيكون هدية كبيرة للمنتدى الحبيب
الموضوع اللي انا بجهزله فكرته باختصار (تنظيم) وعملية ربط المعطيات و افضل طرق التداول
موضوع جامد (اوعدكم انه هيعجبكم وهيعمل نقلة كبيرة)
بالنسبة للتصويتات انا شايف انك نسيت اسلوب مهم من اساليب المتاجرة وناجح جدا جدا
وهو ركوب الامواج SURFING
بالنسبة للاختيارات انا بعشق REVERSAL POINT
تحياتي ليك يا غالي

[esam 123]

فكرة جيدة واتمنى لك التوفيق فى الموضوع وشكرا

[samtaq3]

الفوركس سوق متذبذب خطير مش ثابت يعنى مينفعش اى واحد ه من دول لوحدها عليك بالكل اشارت انعكاس + دعم = شراء و العكس صحيح
اختراق دعم = بيع و العكس شراء
عليك بالكلاسيكى مطعم بالاستراتجيكى
تحياتى

انا معاك طبعا ان اوقات ممكن السوق يحتاج اكتر من نوع من الاستراتيجيات و انا عشان كدة قلت ان اوقات فيه استراتيجيات بيكون فيها اكتر من نوع و احنا اللي هانحدد الافضل و بعدين نطور او نضيف عليها براحتنا

[samtaq3]

تصدق يا دكتور سامر
الفكرة دي تراودني من فترة ولكن بشكل مختلف
وحالياً بجهز موضوع جامد ليها , اعتقد انه هيكون هدية كبيرة للمنتدى الحبيب
الموضوع اللي انا بجهزله فكرته باختصار (تنظيم) وعملية ربط المعطيات و افضل طرق التداول
موضوع جامد (اوعدكم انه هيعجبكم وهيعمل نقلة كبيرة)
بالنسبة للتصويتات انا شايف انك نسيت اسلوب مهم من اساليب المتاجرة وناجح جدا جدا
وهو ركوب الامواج SURFING
بالنسبة للاختيارات انا بعشق REVERSAL POINT
تحياتي ليك يا غالي

اول حاجة احب اقول ان دة شرف كبير جدا جدا لي ان انت تشارك في الموضوع و دة في حد ذاته يعطي اهمية للموضوع
و احنا في انتظار بلهفة لموضوعك بس ماتتأخرش علينا ارجوك
بالنسبة للsurfing انا متهيألي انها بتكون شاملة استخدام الانواع دي لكن بأسلوب مختلف
بس ارجوك ماتتأخرش علينا في موضوعك