السلام عليكم و رحمه الله و بركاته
أخى العزيز: نظرة عقلانية
أعرف انك لن تقرأ كلماتى هذه........!!!!!!!!
اما لكثرة الردود او لوقتك الضيق
فى كلا الحالتين هكون سعيد لو عينيك وقعت على سطورى المتواضعه
ما قلته فى هذا الموضوع هو كلام من العيار الثقيل يصعب على الكثيرين ادراكه خصوصا المبتدأين
انا فاهم انت قصدك ايه بالضبط بالضبط ...... وهو خير اشكرك على تقديمه
ولكن فى الحياة هناك حقائق يجب ان لا تقال فتأثيرها الهدم والتقبيح
أخذ عليك فى هذا الموضوع ما أخذته عليك سابقا عندما قلت فى احد المواضيع انك اتكشفت طريقه لا تخسر وارباحها كبيرة و طول عمرى بربح من الفوركس ولكن الان ارباح وهميه .....والله العظيم يا أخى هذه الكلمات دمرت مبتدأين اعرفهم شخصيا
كانوا يجتهدون ويثابرون عشان طريقه تديهم ان شاء الله 5 نقطه صافى فى اليوم
قلت مشاركاتهم و تواجدهم واختفوا يأسا فى لفوركس
بدل الدعم والمقاومة والترند قعدوا يدورا على السر الكونى اللى وجده قدوه اى أحد فى الفوركس أستاذى واستاذ الجميع نظرة عقلانية
طبعا لم يصلوا لشىء رجعوا لحياتهم العادية بأحباط ما بعده احباط
موضوعك امتعنى لا شك ولكنى اكاد ارى تأثيره على الكثير من أخوننا أحباط ما بعده احباط
الكلام اللى حضرتك قولته هنا حقيقه ستصل تدريجيا للمضاربين مع الزمن والخبرة
اما اذا ايدتهاله مرة واحدة بالطريقه دى مش هيستحمل ابدا !!!!!
يا ترى يا استاذ نظرة لو كان الكلام ده اتوجهلك من 10 سنين من اول ما دخلت الفوركس كنت هتعمل ايه ....... اكتفى انك ترد على السؤال ده بينك وبين نفسك
يا بشمهندس انت تقلت الجرعه المرة دى على أخواننا المبتدأين واللى بقالهم فى السوق سنه واتنين
ما قلته ينفع لدردرشه مع الكبار والمحترفين و مع كبار المستثمرين ولكن مينفعش هنا
هتكلم معاك بصراحه و ربنا يعلم محبتى ليك
عارف انا جيت الموضوع ده ازاى ؟؟؟؟
واحد صاحبى على الماسنجر قال بالنص (( اتفرج يا عم على فرد العضلات ))
خلينى اعاملك بالحسابات زى ما اتكلمت فى موضوعك ........عارف ايه انظباع الناس اللى هتقرأ الموضوع
70% أحباط
20% هيفهموك غلط زى صاحبى اللى على الماسنجر
10% مش هيكملوا قراءة الموضوع
ومين اللى فى الاخر خسران ....حضرتك
يا استاذ الجميع انك بنيت هرم فى قلوب الناس فلا تنقص من وزنك فى قلوب الناس
والله من وراء القصد
ان وصلك منى اساءة فأنى لا اقصدها
وان وصلك منى ما اريد فهذا ما اتمناه
وبنتهز الفرصه وامسى عليك يا بشمهندس وان شاء الله يكون الاسبوع اللى فات كان كله خير يا استاذنا
ودى و تقديرى