مساعده بخصوص تحويل الدولار بالسويفت من احد البنوك فى مصر الى احد وسطاء التداول

[اشرف_سرا]

السلام عليكم ورحمة الله اخوتى الكرام

انا كنت فى البدايه بعمل التحويل بالسويفت من حسابى الدولارى فى بنك مصر لوسطاء التداول بمنتهى السهولة مقابل الرسوم المعلنه على الصفحات الرسمية للبنك ١٥ دولار رسوم السويفت + ١ فى الالف من المبلغ المحول بحد ادنى ٤٠ دولار
اخر مره حصل فيها الكلام ده من حوالى سنتين تقريبا
من حوالى شهر ونص تقريبا قررت اعمل تحويل تانى زى ما كنت بعمل لكن التحويل وقف ومتمش بالرغم من ان التحويل لنفس الوسيط اللى حولتله كتير قبل كده ، وفضلت بقى رايح جى على الفرع ومكالمات فى خدمة العملاء عشان اعرف التحويل واقف ليه وجالى الرد بعد طلوع الروح انهم عايزين ١٥٠ دولار رسوم تانيه يعنى عايزين يخدو منى ٢٠٠ دولار لتحويل مبلغ ٢٢٠٠ دولار ، طبعا معجبنيش الكلام وقلتلهم انا عشان ادفع مليم تانى زياده غير الرسوم المعلنه على صفحتكم الرسميه مش هدفع الا لما اعرف الرسوم دى بتاعة ايه لانها مش رسوم تدبير عمله لانه حساب بالدولار اساسا وباسمى ، وفضلت الف وادور ما بين تقديم شكاوى للاستفسار عن المبلغ المطلوب ده بتاع ايه وما بين مكالمات لخدمة العملاء وما بين زيارة للفرع وفى الاخر مقدرتش اوصل لمعلومة مفيده او اوصل لمعرفة الرسوم دى بتاعة ايه
اخر ما زهقت سحبت المبلغ من الحساب وفتح حساب تانى فى بنك qnb
وعملت منه تحويل يوم ٤ ابريل اللى فات وقبل بداية اجازة العيد رحت عشان استفسر عن التحويل جه الرد للفرع ان التحويل موقوف بسبب التشفير والعملات المشفره ، الخ قمت انا كاتب اقرار يدوى فى نفس اليوم ان انا مبتعاملش فى التشفير والعملات المشفرة ولا العقود الدوليه ولا حتى الفوركس وانى بتداول فى اسهم الشركات الامريكية فقط لا غير ، وسالت النهارده عن الرد اللى جه لسه مجاش رد وخايف ان هم كمان يوقفولى التحويل لاى سبب من الاسباب

فارجوكم لو حد قدر يحول بالسويفت فى الكام شهر الاخار من اى بنك فى مصر لاى وسيط من وسطاء التداول فى البورصة الامريكية يقولى اسم البنك ايه والرسوم اللى دفعها كام ، لانى زهقت وداخل على شهر ونص ومش عارف احول مبلغ تافه زى ده

[aafag]

لو سمحت بسؤال
هل يتم التداول في نفس منصات الفوركس ام هناك طريقة اخرى