فيه واحدة فرنسية إسمها ليزا ..
وواحدة إنجليزية إسمها اليزابيث ..
وواحدة عربية إسمها أم محمد ...
الثلاثة زهقوا من شغل البيت والطبخ والكنس فإتفقوا يعملون إضراب ويخلوا أزواجهم يشتغلون بدالهم ،
وبعد إسبوع يتقابلون وكل وحدة تقول شو صار لها
وبعد أسبوع
قالت ليزا الفرنسية: أنا قلت لزوجي "من اليوم ما فيه كنس ولا طبخ ولا كوي ..
أنا زهقت من الشغل وشوف لك حل!!!"
مر يوم وماشفت شى
وثاني يوم كمان ماشفت شى
وثالث يوم لقيت زوجي قايم من الصبح بكير ومجهز الفطور والشاي وجابه لي في السرير وأنا نايمة وبعدين راح شغله
أما البريطانية اليزابيث ردت وقالت:
وأنا بعد قلت لزوجي "أنا من اليوم ماني كانسة ولا طابخة ولا كاوية في هالبيت ، أنا زهقت خلاص"
أول يوم ماشفت شى
وثاني يوم كمان ماشفت شى
لكن في اليوم الثالث لقيت زوجي رايح للبقاله وإشترى كل الطلبات الي كنت ابيها في البيت ،
وبعدها قام نظف البيت كله وكل شئ صار تمام التمام
أم محمد جاء دورها في الحكي فقالت:
أنا رحت بعد ماتركتم وقلت لزوجي "إسمع يا بو محمد أنا زهقت من شغل البيت
واعمل حسابك أنا من بكرة لا كانسة ولا طابخة ولا كاوية"
وبصراحة
أول يوم ماشفت شى
وثاني يوم ماشفت شى
وثالت يوم كمان ماشفت شى
بس الحمد لله رابع يوم قدرت أشوف شوي بعيني الشمال