كيف أحدد وقف الخسائر على دعوم ومقاومات محددة بتوقيت ثابت

السلام عليكم ورحمة الله وبركاته

انا عضو جديد في المنتدى أتمنى وجودي يضيف للمنتدى ولأعضاءه المحترمين
والتحية للقائمين على هذا المنتدى العريق

مجال البرمجة صعب على اي مبتدئ ومع الاسف خبرتي محدودة جدا فيه بس بدأت اتعلم الحمد لله
وانا هنا دلوقتي عشان لسة عايز اتعلم وازداد خبرة خاصة من الناس اللي ليهم باع طويل وسنين طويلة في هذا المجال

انا طريقتي في التعلم مختلفة شوية عن معظم الناس
انا بتعلم البرمجة من خلال :
اني باخد كود ببقى عارف وظيفته وبعدين اقارنه بكود تاني نفس الوظيفة + وظيفة جديدة عليه
فمن خلال المقارنة دي بعرف احدد شرط الوظيفة الجديدة دي واتعلمها واحفظها بسهولة
يعني بتعلم بالتطبيق العملي المباشر بنفذ اللي بعرفه واللي مبعرفوش ببحث عنه وبتعلمه
ـــــــــــــــــــــــــــــــــــــــــ
موضوع الاستوب ده بحثت عنه كتير وللاسف مش عارف اوصل لاي نتيجة
دايما اي اكسبيرت بيبقى متحدد فيه الاستوب نقط محددة

|| بس انا عايز احدد الاستوب على دعم او مقاومة ||


لقيت طريقة بعمل بيها خط افقي وكنت هستخدم الخط ده كأستوب بس لما جيت انفذها لقيت ان الخط بيتغير مع تشكل الشموع الجديدة يعني الاستوب كدة بقا مختلف عن الاستوب اللي انا عايز احدده في الاكسبيرت

وده اللي بطلبه منكم دلوقتي انكم تساعدوني احدد الاستوب وفق الدعوم والمقاومات
ــــــــــــــــــــــــــــــ
على سبيل المثال : صنعت اكسبيرت يفتح صفقة شراء من الشمعة رقم 0 لما الـ RSI يقفز فوق مستوى 70
في الحالة دي ارغب بوضع استوب ثابت على أقل قيمة حدثت من الشمعة رقم 0الى الشمعة رقم 100

فما هي الدالة او الصيغة او الكود المستخدم ؟

مرفق اكسبيرت بصيغة MQL4
مرفق اكسبيرت بصيغة MQL5

لا اله الا الله

من خلال استخدام دالتين iHighest و iLowest
راح تحدد اقل سعر بين الشمعة 0 و الشمعة X ممكن اي رقم ممكن 100 من خلال iLowest للحصول على ستوب الشراء
راح تحدد اعلى سعر بين الشمعة 0 و الشمعة X ممكن اي رقم ممكن 100 من خلال iHighest للحصول على ستوب البيع

اقتباس:

---

المشاركة الأصلية كتبت بواسطة GH_EXE

من خلال استخدام دالتين iHighest و iLowest
راح تحدد اقل سعر بين الشمعة 0 و الشمعة X ممكن اي رقم ممكن 100 من خلال iLowest للحصول على ستوب الشراء
راح تحدد اعلى سعر بين الشمعة 0 و الشمعة X ممكن اي رقم ممكن 100 من خلال iHighest للحصول على ستوب البيع

---

بس لما بشغل الاكسبيرت في الباكتست بدل ما بيكون الاستوب هو مستوى فترة معينة , بلاقيه اصبح مستوى فترة اخرى غير اللي حددتها

لان كل شمعة تظهر جديدة الاكسبيرت بيعتبرها هي شمعة صفر وبالتالي اعلى هاي بدل ما بيكون هو اعلى هاي لـ 100 شمعة بيكون اعلى هاي لـ 99 شمعة

فانا عايز أثبت الاستوب على أعلى هاي في فترة ثابتة متتغيرش بتكوّن الشموع الجديدة

يا ريت لو عندك فكرة تقولي واكون شاكر ليك اخي GH_EXE

اوكي راح تستعمل دالتين iHighest و iLowest
بتعديل اعدادتهما symbol, timeframe, type, count, start
اهم اعدادت بالنسبة لنا
count و start
start من اي اندكس شمعة راح نبدا
و ِcount كم شمعة للوراء راح ندرس
start راح نحصل عليها من خلال استعمال دالة iBarShift لنحصل على اندكس الشمعة اللي راح نبدا منها على اساس وقتها بشكل ثابث
و ِcount راح تعمل الرقم اللي بدك