قصايد وحكم

**.ابوجاسم** · 11-05-2021, 05:20 AM

رد الشاعر عايد رغيان الشراري على الشيخ حمود السالم الصباح بعد انتقاده الشعراء بالكويت

قصيدة الشيخ
حمود بن سالم الصباح عام ظ،ظ©ظ¨ظ¥م
والتي فيها ينتقد عموم الشعراء

ورد عليه الشاعر الكبير
عايد رغيان الورده الشراري

علماً بأن عايد رغيان
انتظر احد الشعراء يرد ولا احد رد
وكان هو اول من رد على الشيخ
حمود الصباح بعد انتقاده لشعراء

ويقول الشيخ حمود الصباح

ألفين شاعر وينهم فيه يا ناس
وين البروق السامرة كل ليلة
يوم إنشبت ذريبة الفأس بالرأس
والقلب مما هيضه زاد سيله
استظهر أكبار الشواعير والبأس
يوم اندفق غل الكبود العليلة
ترى الزعل مرفوع واللي به اعطاس
تلعب وانا عناز خيلي وخيله
اعني شواعير البلد واشرب الكأس
يا من يشوف الحق ويعاف شيله
لينن جن الليل تظهر بالأشماس
وتسمح أمرملة المهار الأصيلة
أهل النفاق اللي على الذل جلاس
قصيدهم غادي وغادي دليلة
صارت معانيكم بلا ملح واحساس
ما هي على هامان فرعون جيله
وإلا سفيه العقل لو طار لا باس
أعز نفسي عنه واترك سبيله
والغي عندي له دوا رأس وانحاس
حتى يكب الزوم ويكف ذيله
الشعر يا غادين به طيب واخياس
والرأي يفرق بين عدله وميله
والله ليظهر عنتر السيف والطاس
ويشاف عند الشعب حيلي وحيله
وإلا تلوذ أثعالها عقب الأدماس
وامنع ابهامي عن زناد الفتيله
وارضى نفوسن عندها حيل وسواس
وازعل نفوسن حسدها لي عيله
وين الجمال اللي لها قضع واضراس
وين الرعود الداويات المهيله

ورد عليه الشاعر
عايد رغيان الورده الشراري

ويقول

ضاق الفواد ودك بالصدر هوجاس
وجانا البلاء من واحدا(ن)نشتكي له
سر يا قلم ما بين حبر(ن)وقرطاس
واكتب جوابا(ن)في حروفن جمليه
احلى من اللولو على صافي الماس
يهدى لشيخا(ن) شاقني نوع قيله
حمود سالم بالملاء طيب الساس
من لابة(ن)مثل السيوف الصقيله
شيخا(ن) على وضح النقاء طير قرناس
خلفة حرار(ن) يكسبون النفيله
يا مرحبا به عد ماهب نسناس
واعداد رملا(ن)ساكنن بالخميله
مسبتك يا شيخ تاجن على الراس
ومقبول ما بين العميل وعميله
تريد منا نضرب الكاس بالطاس
وحمل الصراحه بعضنا من يشيله
وحكم السياسه له قوانين له ساس
يحكم بها اهل العقول الثقيله
وشيخ البلد حكمه على العين والراس
هو عزته هو رفعته هو كفيله
صميدعا(ن) ما يرهبه دق الاجراس
متجندن سيف الفخر والفضيله
لاجاه وسواسن ولا جاه خنّاس
ويمنع تعطيه خيل ماهي بخيله
لظلم مناعا(ن) وللحق نبراس
ومنه جساس النار ما يستوي له
والكامل الله والبشر عدة اجناس
والدم واحد واختلف بالفصيله
ياشيخ لا تركي على النار محماس
وتشره علينا في امورا(ن)جليله
............................................
وعندك حصانه ماتخاف النقيله
وشعارنا ياشيخ من ساير الناس
في موج بحر(ن) بين عدله وميله
وإذا سكتنا ياعزيزي فلا باس
ماهي جهاله والسوالف طويله
حنا بشر مثل البشر عندنا احساس
شفنا زمانن ما عرفنا مثيله
شفنا البوادي هاجرت عقب مرواس
وتفرقوا ما واحد(ن) مع زميله
من عقب ماحنا على الدار حراس
والكل منا ماشياً في سبيله
فنش بعضنا معلنن بعض الافلاس
واللي بقى منا قليلا(ن)حصيله
ومن راح منا قيله بلف طساس
لو هو عزيز ومن خيار القبيله
ومن بعدنا فيها المخاليق تحتاس
كثرت بها اهل النفوس العليله
من كل فجّاً بين دايس ودوّاس
لو راح واحد جاك عشره بديله
من راح عبدالله حضر عبد عباس
وعبد الرضى في بيتنا هو دليله
اللي بوسط السوق واللى بمتراس
واصل الطلايع شرهم للفتيله
قهوة شمالي هيلها دوخ الراس
يامن يعزل الصافيه عن حميله
السيل لو يجري شلع غر الاطعاس
وشال الجبال الراسيه عن مسيله
ياشيخ والله مارضينا بالاتعاس
إذا ظلمنا الوقت ما فيه حيله
ان شفت قوت السوق يصرف بلا قياس
يا مسندي لومك على من يكيله
هذا وانا ياشيخ ماني ببلاس
لو حطني قافك بصف الذبيله
ذكرت لك ناس(ن) على الذل جلاس
لو هم سحابا(ن) برقهم ما نخيله
وانا سبقت الناس في رمي الاقواس
ونفسي معززها ولاهي ذليله
ولاننتظر عن قولنا شرط ونحاس
ولابعت قافي بالفلوس القليله
من جلد شاتي نشرب الماي بالكاس
وقوس الربابه من سبيب الكحيله
خذ ردنا يا شوق مدقوق الالعاس
ومحشوم عن قول الردى والفشيله
يا شاعرا(ن) مالك حدود(ن) ولا قياس
ولا تجتمع بالقاف خيلي وخيله
سيف(ن) كما برق الدجى عبر الادماس
سيف المعزه والشراري دخيله
عن مقبلاتن بالدهر سود غطاس
ما يختلف فيها نهاره وليله
يازير ماني يافتى الجود جساس
تبغى الطرد فوق الخيول الاصيله
يازير لوتركب على قب الافراس
افطن ترى جساسنا حط شيله
واقبل تحية شاعرا(ن) جاك قباس
ومن ناركم يا شيخ يبغى فتيله
قولا(ن) على وضح النقاء فيه نوماس
وكلن على رجليه يضفي شليله