النتائج 1 إلى 8 من 8
- 10-01-2021, 03:02 PM #1
ليس كل مايتم دراسته صحيح فأحذر عزيزى المبتدأ
ان العالم مليء بموهوبين فقراء
او يجنون اقل مما يستحقونه ليس بسبب
ما يعرفونه بل بسبب ما لا يعرفونه
حيث يركزون على ترقية مهاراتهم في طهو الهمبورجر اكثر مما يركزون على ترقية
مهارات بيعه وتوصيله الى العميل
ولعل ماكدونالدز ليس بافضل طاه للهمبورجر
لكنه افضل من يبيعه
============
منقول
====
وللحديث بقيه إن شاء الله تعالى
- 10-01-2021, 03:20 PM #2
لايوجد ثراء بين ليلة وضحاها
ولم يولد اي احد من رحم المعاناة
ولم يشتكي اي احد لااي كائن من كان
ماخاب من استشار .. ولا ضاع حق لمن اراد
كل شئ لة بقية الا حديث النفس .. لم يبقى لة الا الصمت يستمع لة
ضاع كل شئ . . وبقي الليل يبكي وحدتة ..
-------------------------------------------------------------------
- 10-01-2021, 04:05 PM #3السوق مش مدرسه تحليل محدده لا السوق هو طريقتك الخاصه بالتداول بمعنى انت كمبتدأ بتدرس طبعا فى بدايتك التحليل الكلاسيكى او اى مدرسه تحليل اخرى زى اليوت او جان مش عشان هاتشتغل بيها ولا عشان هى السر لا والف لا لكن عشان انت محتاج تستخرج منها وتتعرف على ادوات تساعدك فى اخراج طريقتك الخاصه
لو ركزنا مع بعض بدون مبالغه لو سألت اى انسان ناجح فى مجالنا وسألته ادواتك ايه بتكسب بأيه هايقؤلك وهايصارحك نوع التحليل الى بيشتغل بيه لكن عمره ماهايقؤلك طريقته الخاصه فى استخدام تلك الادوات وتجميعها فى شروط او قواعد محدده لاتخاذ قرار البيع او الشراء طبعا ده حقه عادى مافيش مشكله خالص
كل الحكايه انه خد وقته اشتغل على نفسه كتير حضر نفسه للسوق كويس جدا عمل باك تيست على شغله شهور وسنوات وسهر وتعب واتبهدل كمان اذا ايه سر النجاح هنا هو ببساطه ان فيه شخص استطاع توظيف ادوات اى مدرسه تحليل ودمجها مع اضافات خاصه به وابتكر بنفسه تلك الاضافات طبعا وشخص اخر درس نفس المدرسه لكن لم يستطيع عمل اى تطوير او اضافات لتلك الادوات
اذا نجاحك هايكون الاطلاع على كل شى او بعض الاشياء وليس الكل ثم محاوله اضافه انطباعك وافكارك الخاصه بيك انت للعمل
هاتلاقي نوعين من الكورسات وفرق كبير جدا بين انى اقول كورس لدراسه مدرسه تحليل ما او انى اقول كورس استراتيجيه عمل جاهزه
النوع الاول ده بيمهدك للسوق بيعرفك على الادوات والطرق الشائعه لاستخدامها فقط اما النوع الثانى ده بيخليك تركب العربيه وتسوق فى خلال اسبوع بالكتير لانه مجهزلك الفكره والاضافات والكتالوج الى هاتشتغل بيه وهايوفر عليك تعب سنين طويله وده بيكون طبعا غالى لو صاحب الكورس فعلا عنده طريقه خاصه واديهالك يبقى كتر الف خيره وتبوس ايدك وش وضهر لو عطرت فيه اصلا لانهم قله مع الاسف طيب
البديل الاخر انك تتعب مع نفسك شويه لحد ماتخلق لنفسك طريقه خاصه واول شرط فيها ان تكون غير تقليديه وغريبه ولا ابالغ ان قلت غير منطقيه كمان
ماتتعجبش من كلامى بعدين هاتعرف انى كنت صادق معاك فى تلك النصائح
السعر مهم والزمن اهم يعنى الاثنين مهمين
الفيبوناتشى مهم جدا سواء كان retracement او time zone
مربع التسعه والزوايا السعريه ومربع 144 بس حاول تشغل فيهم بشكل غير تقليدى يعنى ماتحاولش
تتبع المنطق ابتكر فيهم لان بهم اسرار عديده لم يعلنوا عنها شيئا لكن انت هاتكتشفها بالمحاولات وعدم اليأس
لا يوجد عدد محدد لدورات السوق ومن الصعب حصر جميع الدورات الصاعده والهابطه ولكن من الممكن ان تعرف احداها وتعمل بها
فيه دوره لفيبوناتشى وفيه دوره لمربع 144 وفيه دوره لمربع التسعه وفيه دوره للترند ودوره لمربع 19 ومن الممكن ان يكون احد هذه الدورات صاعد والاخرى تكون فى اتجاه هابط اذا عليك معرفه الدوره المؤثره الان
الفلك المالى رائع لكنك ستأخذ وقتا طويلا لتعمل به اذا لم يكن هناك احد بجانبك لكى يساعدك على اختصار الوقت ومعرفه طرق العمل
بقدر الاستطاعه حاولت ان القى نظره للافاده للمبتدئين بالمجال
كل مدارس التحليل مهمه والاهم انك تنجح فى انك تكون مخرج شاطر جدا لدمج عده ادوات لاتخاذ قرارك بالسوق
الاخراج الخاص بيك امر لابد منه مهما اتعلمت ..!!....
- 10-01-2021, 08:10 PM #4
- 10-01-2021, 08:26 PM #5
- 11-01-2021, 07:59 AM #6
- 11-01-2021, 06:25 PM #7
عزيزي من بات أمن في سربه يملك قوت يومه فكأنما حاز الدنيا بما فيها
صدق رسول الله صلى الله عليه وسلم
- 11-01-2021, 07:51 PM #8