اقتباس:
المشاركة الأصلية كتبت بواسطة gym1974
هو قصة طرح ندوة تعليمية في الاصل يا اخوان مش موضوع سهل ولا بسيط وماحدش بيشوف المجهود اللي بيتعملاقتباس:
المشاركة الأصلية كتبت بواسطة Bassemelnadi
انت بتحتاج وقت لتجهيز المادة العلمية وتحضيرها علشان تظهر بشكل كويس للناس وتعرف توصل المعلومة والناس تستفيد
انا امبارح قعدت ساعتين كاملين اشرح في المحاضرة من غير حتى بريك واحد علشان ماحدش يسرح مني او النت يوقع حد مني والاستفادة بتاعته تضيع
فوق كل دا مطلوب مني اني اسجل المحاضرة وامنتجها وارفعها يوتيوب ؟؟
اعتقد دة طلب نوعا ما مفترض انه يكون تطوعي غير الزامي لانه كمان مجهود مضاعف على المحاضر اللي بيقدم المحاضرة
تخيل انت بتطلب من مدرس في المدرسة بعد ما يخلص شرح الدرس بتاعه انه كمان يسجل لنفسه وينشره على اليوتيوب ( فكر فيها )
ودا مش معناه ان التسجيل دة حاجة وحشة لا سمح الله - احنا رفعنا ندوات كتير على اليوتيوب
لكن فيه ندوات مش بيكون فيه وقت ولا مجهود كفاية للتسجيل زي ندوتي امبارح ودة كان السبب في عدم التسجيل
وانا تقديرا للناس اللي كانت حابة تحضر وما عرفتش تحضر قولت اني مستعد اعيدها تاني ولو كل يوم الى ما لا نهاية لحد ما توصل لكل واحد عاايز يتعلم الطريقة ويستفيد منها
تحياتي للجميع
