عن اليوت و موجاته

اقتباس:

---

المشاركة الأصلية كتبت بواسطة faissal

معك اخي احمد
الله يجزيك الخير

---

ربنا يخليك اخويا فيصل

اقتباس:

---

المشاركة الأصلية كتبت بواسطة fx_najah

تسلم يا استاد احمد
كلامك زي العسل ومفهوم من اول قراءة
مش محتاج مخمخة
يارب نكمل حتى التطبيق قولوا امين

---

مشكور اخويا الكريم
و ان شاء الله هنكمل المشوار
بالروح بالدم هنكمل المشوار

نماذج مواجات اليوت الاحدى عشر

3 منهم يخصوا الموجة الدافعة
1- الموجة الحافزة impulse
اتكلمنا عنها
طيب خلاص

2- الموجة القطرية النهائية Ending diagonl

الموجة القطرية (بصفة عامة)
هي نوع خاص من انواع الموجات الدافعة وتشبه الى حد كبير الموجة الحافزة السابق شرحها في العديد من القواعد باستثناءان الموجة 4 تتداخل مع الموجة 1بشكل ملحوظ بشدة في هذا النوع من الموجات ,

كما يوجد اختلاف آخروهوعدم التوازي القناه
في الموجة الحافزة لو وصلنا خط بين الموجتين 1 ,3 و خط أخر بين الموجتين 2 , 4 فهما سيكونان متوازيان ,
كويس في الموجات القطرية هما غير متوازيان .

قواعد عامة للموجات القطرية :
** تداخل الموجة 4 مع الموجة 1 .

**الموجة 1 هي الأطول تليها الموجة الثالثة تليها الموجة الخامسة
( لاحظ هنا ان الموجة الثالثة لا يمكن ان تكون الأقصر بأي حال من الأحوال ).
** الموجة 4 لا يمكن ان تتجاوز بداية او طول الموجة 3 .

** حدوث ظاهرة التبادل

2- الموجة القطرية النهائية Ending diagonl

هى موجة قطرية لها الصفات السابقة و لكنها تحدث فى نهاية الموجة الدافعة (يعنى الموجة 5)
كما تحدث فى نهاية الموجة التصحبحبة (يعنى الموجه c) ماهى دافعة برضه .
وهذ هو سبب تسميتها بالموجة النهائية , اي تحدث في نهايات الموجات .

تركيبها الداخلي من نوع

3 , 3 , 3 , 3 , 3

وهي تأخذ شكل الإسفين wedge shape. بخطين متقابلين

انظر الصورة

2- الموجة القطرية الأمامية Leading daigonal :
هى موجة قطرية لها الصفات السابقة و لكنها تحدث فى بداية الموجة الدافعة (يعنى الموجة 1)
كما تحدث فى بداية الموجة التصحيحية (يعنى الموجه A)
وهذ هو سبب تسميتها بالموجة الامامية او القائدة.
تركيبها الداخلي من نوع


5 ,3 , 5 , 3 ,5

هام
ظهور هذا النموذج ينبئ ببطء اتجاه الترند الحالي للسعر ( وليس بداية انعكاسه كما الموجة القطرية النهائية)

انتظرونااااااااااااااااااااااااااااااااااااااااااا اااا

ماذا تقصد بتركيبها الدخلي

3.3.3.3.3
او 5.3.5.3

اقتباس:

---

المشاركة الأصلية كتبت بواسطة faissal

ماذا تقصد بتركيبها الدخلي

3.3.3.3.3
او 5.3.5.3

---

اخويا فيصل
مشكور على السؤال الجميل
و
صلى على النبى
افرض اننا فى موجة خامسة ما
هى موجة دافعة مكونة من 5 اجزاء داخلية
صح
قول صح
طيب
الخمسة الداخليين دول مكونين من موجات ادق
لو كانت الادق 5 و3 و5 و3 و5
طيب لو كانوا
3 و 3 و 3 و3 و3
تبقى قطرية نهائية
و انظر الصورة

فى الصورة بص على الموجة (5)
مكونة من 5 اجزاء 1 و2 و 3 و 4 و 5
طيب بص لكل واحدة منهم هتلاقيها 3 اجزاء فقط
صح
قول صح
تبقى دى موجة قطرية نهائية
و خاصة لو رسمت خطين من 1 الى 3
و من 2 الى 4 ستجد انهما غير متوازيان

و نفس الشئ بالنسبة للقطرية الامامية
و تقبل ودى

اقتباس:

---

المشاركة الأصلية كتبت بواسطة ahmed hanafy

الاخوة الاعزاء

هذا احمد حنفى يحيكم
و يتمنى لكم اسبوعا فوركسيا سعيدا
وبعد
تحدثنا عن الشكل التقليدى لموجات اليوت
و عرفنا ان الموجة تتكون من جزئين
جزء فى اتجاه الترند العام الموجة الدافعة 1 و2و 3و4 و5
و الجزء الثانى عكس الترند
الموجة التصحيحية a b c

و عرفنا ان كل موجة ما هى الا جزء من موجة اكبر
و اطلقنا على هذا المفهوم اسم الدرجات
اى نقول موجة من الدرجة الاكبر و هكذا
و تذكرنا
كيف نرمز للدرجات باستخدام الاقواس () و [ ]
كأن نقول 1 او (1) للاعلى او [1] للاعلى

كان هذا تذكير لى و لاخوان لابد منه
يعنى لزوم المخمخة
يعنى اسمع سلام احلى سلام للخواجة اليوت و صحبته
و لكل الناس الحلوة
و الفرح
و انا و انت

---

أحلى سلااااااااااااااام لأحلى خوااااااااااجة اليوت واولاده كلهم
وأجدع سلام لااستاذي العزيز
وللمخمخة كلها يعني سلام مربع مثلث مسدس رشاش دبابة كله لعيون ابو حميد الغالي

وسمعني حبك عذااااااااااااااب
معااااااااااااااااااك متابعين يالغالي

اقتباس:

---

المشاركة الأصلية كتبت بواسطة أبو طلال

أحلى سلااااااااااااااام لأحلى خوااااااااااجة اليوت واولاده كلهم
وأجدع سلام لااستاذي العزيز
وللمخمخة كلها يعني سلام مربع مثلث مسدس رشاش دبابة كله لعيون ابو حميد الغالي

وسمعني حبك عذااااااااااااااب
معااااااااااااااااااك متابعين يالغالي

---

اضحك الله سنك اخويا ابو طلال
و الله ضحكتنى من القلب
بس انا عايز اسمع سلام التت على حق

هل من سؤال ؟
علشان نكمل
مافيش اى سؤال؟

لا كده تمام والان فهمتها اخي احمد

طيب نكمل
عن اى شئ تحدثنا اذا ؟
تحدثنا عن
نماذج مواجات اليوت الاحدى عشر

جميل و قلنا ايه ؟

قلنا انهم 11 نموذج
3 للموجة الدافعة و 8 للموجة التصحيحية

طيب

ايه هما التلاتة بتوع الدافعة ؟

يا اخونا بهدوء.
بلاش خناق مع بعض كل واحد عايز يجاوب الاول يااااااااااسلام .

نموذج الموجة الحافزة
5 و 3 و 5 و 3 و 5
و لها قناة متوازية
نموذج الموجة القطرية النهائية

3و 3 و 3و 3 و 3
و لها قناة غير متوازية
(وتد)

نموذج الموجة القطرية الامامية

5 و 3 و 5 و 3 و 5

و لها قناة غير متوازية
(وتد)

طيب