4 مرفق
الفرق بين " The Effort & The Effort Without Result "
الملف المرفق 496176
السلام عليكم و رحمة الله و بركاته
أتمنى أن الجميع في تمام الصحة و العافية .
كما هو واضح من العنوان هاتكلم النهاردة عن الفرق بين
The Effort & The Effort Without Result
المظاهر دي من أهم المظاهر في السوق و بتتبني عليهم نظرة قوية للسوق
و على أساسهم بنقدر ندخل صفقات قوية في السوق .
=======
The Effort
بار أو شمعة المجهود
_ ببساطة شديدة هي شمعة صاعدة أو هابطة إغلاقها قرب الهاي أو اللو
_ جسمها متوسط إلى كبير
_ الفوليوم بتاعها عالي و أعلى من بار الفوليوم اللي قبلة
_ و أهم حاجة بتكسر أو تخترق مناطق الدعوم و المقاومات .
الملف المرفق 496177
الفائدة
====
فائدتها أننا بنعرف أن صناع السوق أصبحت نيتهم الصعود أو الهبوط حسب موقع الشمعة
و دة بيتأكد من الشموع التالية .
بيبقى قدمنا 2 سيناريو :
1_ ان السعر يرجع يختبر منطقة الدعم أو المقاومة و بعدها يكمل في طريقة
2_ السعر يكمل في طريقة مباشرة
اللي بيتحكم في الكلام دة هو الإتجاة و معرفة موقع السعر من دورة الأسعار كما تحدث عنها وايكوف
و الإتجاة العام للزوج أو السهم و على فكرة الشمعة دي من أهم الشموع اللي كان وايكوف بيعتمد عليها
أثناء الترندات و أثناء الخروج من عمليات التجميع و التصريف و إعادة التجميع و إعادة التصريف
فعلشان كدة الشمعة دي مهمة جداً جداً و في إستراتيجيات بتعتمد عليها بشكل أساسي .
و نصيحة حاولوا تهتموا جداً بها لأنها بجد كنز للي يعرف قيمتها فعلاً .
======
The Effort Without Result
شمعة المجهود بدون نتيجة
هي عبارة عن شمعة صاعدة بفوليوم عالي و بتخترق مقاومة و لكن سرعان ما يهبط السعر
و يكسر القاع بتاعها و يغلق أسفل اللو و العكس صحيح في حالة الشمعة الهابطة .
الملف المرفق 496178
الفائدة
====
هنا أحنا بنعرف أن نية صناع السوق هو عدم إستكمال الصعود أو الهبوط و أن اللي بيحصل غالباً
هي عملية إختراق أو كسر كاذب للدعوم و المقاومات و هدفها ضرب الأستوبات و دة بيبقى واضح
في أن عملية المجهود اللي تم عملها من أجل إختراق منطقة المقاومة أو كسر منطقة الدعم هي عملية فاشلة .
هنا ببتدأ النظرة تتغير بالنسبة للسوق و بنبدأ نأخذ حذرنا و نبدأ نعرف أية اللي بيحضر له صناع السوق
و بنبقى واخدين فكرة عن الإتجاة الجديدة اللي في الغالب صناع السوق ناويين علية .
طبعاً الكلام دة بيفرق طبعاً في موقع السعر من دورة الأسعار و الإتجاة العام للزوج أو السهم .
=======
دي كانت مقارنة سريعة بين الأثنان و معرفة فائدتهم و أتمنى الموضوع يكون أفادكم .
الملف المرفق 496179
