تسلم يا غالي علي مرورك الطيب
و أتمنى لك كل التوفيق :)
رايك استاذالملف المرفق 478310
اخي هل هذه منطقة عرض صحيحة وهل الرسم صحيح
الملف المرفق 478315
اخي حسب هذا الشارت هل صفقة بيع جيدة الان لليورو
الملف المرفق 478317
بص منطقة الطلب خد اللي فوقها علطول علشان أقوى و من بعدها حصل الصعود القوي
أما المنطقة اللي أنت راسمها فهي متفرعة من منطقة تانية فلو حبيت ترسم يبقى تاخد اللي ردت السعر أفضل .
بص دي مناطق العرض و الطلب اللي قريبة دلوقت و مترقمة
الملف المرفق 478316
منطقة العرض اللي أنت راسمها متفرعة من المنطقة رقم 2
و المنطقة رقم 3 هي الأدق و الأصح و مع ذلك منطقة ضعيفة بسبب بداية الحركة منها
هي وارد ترد السعر تاني بس مازالت ضعيفة و متوقع إختراقها بسرعة .
منطقة الطلب اللي أنت راسمها متفرعة من المنطقة رقم 5 و الأفضل المنطقة رقم 4
و هي ردت السعر بالفعل من قل و أنا دخلت شراء من هناك في ورشة الذهب هنا و السعر صعد أكثر من 120 نقطة
بس أخذنا منه فقط 50 .
لما تلاقي السعر إرتد من منطقة و كون فوقها منطقة يفضل الدخول من المنطقة اللي فوقها بشرط أنها تكون قوية
لو قريبين جداً جداً من بعض ممكن ترسمهم معاً بس وقتها هاتبقى منطقة كبيرة أوي ... بس مش دايماً النقطة دي .
نعم تمام صحيح ...
بس حاول تشوف فريم الأربع ساعات هاتلاقي المنطقة هناك أفضل ...
منطقة العرض اللي تحت ضعيفة أوي , هي منطقة دعوم و مقاومات متبادلة أدوار
و انا داخل بيع من هناك بسبب كدة و بسبب إختبار ترند القناة الصاعدة إنما كعرض و طلب فالمنطقة ضعيفة جداً
يعني الدخول منها هايبقى مخاطرة ... بس حالة الزوج و الفريم اليومي و 4 ساعات بيدعموا البيع و دة موضوع تاني
هايبقى بيدعم الدخول من المناطق الضعيفة بس دلوقت أحنا بنتكلم على بدايات الشغل :)
شكرا اخي للرد لدي بضعة اسئلة اذا ممكن
1-انا اريد ان اعمل على فريم الساعة مثلا هل يجب ان ارسم على هذا الفريم او كيف؟
2-هل منطقة العرض عند كسره يتحول الى طلب والعكس ايضا
مثلا لو كان لدي منطقة عرض وتم كسره عندما يعيد اختبار المنطقة هل يتحول الى طلب
3-ماذا تعني بمنطقة دعوم و مقاومات متبادلة أدوار ؟
4-اخي ماهو الفرق بيت مناطق عرض الطلب مع الدعوم والمقاومات؟
وشكرا لك
اخي رايك بمنطقة العرض هل هي صحيحة
الملف المرفق 478323
نستكمل بقى باقي عوامل التقييم لمناطق العرض و الطلب ...
1_ الكيرف :
========
الكيرف هو المسافة بين منطقة أول حد لمنطقة العرض و أول حد من منطقة الطلب
و بيتم رسمه بالفيبوناتشي و بيتم تحليله بناء على فريم أكبر من فريم الدخول .
يعني أحنا هانحدد منطقة العرض و هانحدد منطقة الطلب و هانجيب الفيبوناتشي و نرسمه بين المنطقتين
ولو بنشتغل على فريم الأربع ساعات هانستخدمه على فريم اليومي ولو بنشتغل على اليومي هانرسمه على الأسبوعي و هكذا .
دة مثال من الشارت :
الملف المرفق 478319
طيب الشرح دة بناء على خبرتي في إستخدام هذه المستويات اللي هاذكرها لان في ناس شرحتها بس بطريقة تانية ...
خلينا نعرف أن كل ما كان السعر فوق او تحت المستوى 78 + 23 فهو في حالة تشبع سواء بيع أو شراء حسب طريقة الرسم
يعني لو كما في الصورة اللي وضعتها يبقى السعر كل ما كان قريب من المستوى 78 فهو في حالة ذورة الشراء
و كل ما كان قريب من المستوى 23 و أسفله فهو في حالة ذروة البيع و العكس صحيح لو المستويات مرسومة بالعكس .
الفائدة هنا أن لما السعر يكون عند ذروة الشراء بنفكر فقط في البيع على الفريم الأقل لان الدخول بيبقى قوي جداً في هذه الحالة
و لما بيكون عند ذروة البيع بنفكر فقط في الشراء على الفريم الأقل لأن الدخول بيبقى قوي جداً في هذه الحالة
المستوى 50 هو مستوى تعادل الكفة و هنا الدخول بيبقى فيه مخاطرة شوية و بيبقى حسب حالة الزوج + حسب قوة المناطق .
تحليل الكيرف من أهم النقط اللي موجودة و الكلام دة مش بيتشرح ببلاش خالص و موجود في كورسات مدفوعة بس هنا ببلاش :)
=========
2_ الوقت المستغرق :
=============
هنا النقطة دي مهمة بردوا و هي عبارة عن عامل نفسي بحت في التقييم
هنا لما بيتم رسم منطقة عرض أو منطقة طلب بنشوف السعر كان هناك يوم كام
و بعد كدة بنشوف أسعر بعد عن المنطقة مسافة قد أية و أستغرق كم من الوقت حتى يعود لنفس المنطقة
فهنا كلما كان السعر كان أستغرق فترة طويلة ليعود لنفس المنطقة كان أفضل بكثير ...
لأن هنا السعر أصبح مغري لهم فهو عاد لنفس النقطة اللي كانوا داخلين فيها قبل كدة بقوة
الموضوع زي مثلاً تخيل إنك بتشتري سيارة بي أم و كانت ب500 ألف و كان عليها إقبال شديد
لدرجة أن السعر إرتفع بقوة و بعدها وصلت لمليون و رأيت السعر مرتفع و ظل هذا الأمر لمدة 3 شهور مثلاً
و كنت لم تشتري السيارة وقتها و تمنيت لو عاد السعر لك لنفس السعر و أنك سوف تشتريها
و بعدها فعلاً هبط سعر السيارة لنفس السعر اللي كان حصل عليه إقبال شديد من المشترين
و لنفس السعر اللي كنت تتمنى وصول السعر له مرة أخرى كما في السابق لتشتريها فهنا يمثل السعر فرصة جيدة جداً
لك لشراء السيارة و بنفس الوقت يمثل السعر فرصة جيدة للمشتريين اللي سبق لهم الشراء بنفس السعر .
علشان الموضوع يعتبر نفسي بحت , و كلما طالت المدة كان هذا أفضل و عامل قوي جداً جداً للمنطقة .
هذا مثال من الشارت :
الملف المرفق 478320
لاحظ النطقة تكونت يوم 3 شهر 4 و السعر عاد لها يوم 13 شهر 6
يعني أستغرق أكثر من شهرين علشان يرجع للمنطقة فطبيعي جداً السعر أصبح مغري جداً لهم .
تخيلوا لو الموضوع دة كان سنة أو أكثر !!!
هذا مثال من الشارت :
الملف المرفق 478321
تكملة للشارت
الملف المرفق 478322
السعر كون المنطقة يوم 1 في شهر 10 لسنة 2008
السعر عاد لها يوم 10 في شهر 4 لسنة 2013
يعني أكثر من 4 سنوات !!!!!
التداول أصلاً قائم بشكل قوي على العامل النفسي فالناس تخالي بالها أوي من النقطة دي
خاصة للصفقات السوينجية لأنها قوية جداً معها .
=========
4_ الفريمات المتداخلة :
==============
ببساطة شديدة هنا منطقة العرض أو الطلب اللي بيتم رسمها لما تكون متداخلة مع منطقة
على فريم أعلى هذا يعطي قوة كبيرة جداً للمنطقة , قوة كبيرة لدرجة ان هناك إستراتيجيات كبيرة قائمة بشكل أساسي عليها فقط :)
مثلاً منطقة طلب على فريم الأربع ساعات تكون متداخلة مع منطقة طلب على الفريم اليومي و الأسبوعي
هنا المنطقة بتبقى شديدة القوة لأنك معاك صانع سوق قوي جداً و واضح بقوة على الفريمات الكبيرة .
المناطق المتداخلة أفضل بمراحل من المناطق العادية الغير متداخلة لذلك ياريت الناس تركز عليها أوي لما تلاقيها :)
مثال من الشارت :
فريم يومي ...
الملف المرفق 478325
فريم أربع ساعات ...
الملف المرفق 478324
=========
5_ قوة الفوليوم :
===========
الفوليوم من الحاجات القوية بس صعب إنه يتشرح كدة من غير فيديو بس هاحاول أوضحه بسهولة شديدة ...
ببساطة , منقطة العرض و الطلب علشان تبقى منطقة فعلاً قوية لازم يبقى الفوليوم اللي فيها قوي و عالي بغباء
كل ما كان الفوليوم عالي و قوي بغباء كانت المنطقة قوية و كان فيها صانع سوق قوي بغباء و أحنا عايزين دة
أكيد مش الغباء نفسه , بل قوة الغباء :)
مثال من الشارت :
الملف المرفق 478326
دة ببساطة شديدة و هايبقى في تفاصيل تانية هانبقى نشوفها وسط الشارتات اللي هايبقى يتم وضعها .
=========
بكدة نكون خلصنا تقييم المناطق , عايز بقى أشوف الناس بتقيم المناطق و بترسمها
علشان نتناقش فيها و نشوف قوتها :)
و الحمد لله في كلام هنا محدش بيجيب سيرته في المجاني بس أتشرح هنا مجاني
و أي حد عنده أي إستفسار بخصوص أي حاجة إتشرحت لغاية دلوقت أنا في الخدمة .
موفقين إن شاء الله :)
العفو يا باشا و أنا تحت أمرك ...
1_ لسة مش أتكلمت على عملية ربط الفريمات بس علشان تشتغل عليه
لازم تربط بينه و بن فريم الأربع ساعات و اليومي .
2_ هذا يسمى الفليب زون و تقدر تقول إنه بيتحول فعلاً بس أفضل نقطة دخول بتبقى من المرة الأولى
و لما يكون في إتجاه الترند علشان تبقى قوية و هابقى أتكلم عليها بردوا .
3_ هي منطقة دعوم أصبحت مقاومة و هي عبارة زون و ليس مستوى واحد .
4_ مناطق العرض و الطلب مناطق أوردرات صناع السوق أما مستويات الدعوم و المقاومات لتحديد الأهداف و ضرب الأستوبات
و لكن مناطق الدعوم و المقاومات هي مناطق متقدمة و اكثر قوة من مستويات الدعوم و المقاومات وهي من وجهة نظري
المناطق التي تعتبر تحت مناطق العرض و الطلب في القوة و عند تواجدها مع مناطق العرض و الطلب فهذا يعطي قوة أكثر بكثير للمنطقة .
تم الرد عليك و اتمنى لك كل التوفيق :)
صحيحة بس ضعيفة
خليك مع فريم الأربع ساعات ...
ادخل على الساعة مع المناطق المتداخلة زي ما شرحت فوق
غير كدة فريم الساعة مش فريم قوي علشان تعتمد عليه بقوة مش زي الأربع ساعات و اليومي .
لازم تربط بين الفريمات و لازم تحاول تختار المناطق المتداخلة و على فريم الساعة حاول تختار مناطق أكثر ثوة
حصل منها إنفجار سعري علشان تبقى المنطقة قوية فعلاً .
تفضل
برأيك هل هذه المناطق حصل منها حركة سعرية قوية تجعلنا نقول فعلاً كان هناك صناع سوق أقوياء ؟
طيب لنقل أننا بالفعل وجدنا ذلك قم بتطبيق عوامل التقييم سوف تجدها كمان ضعيفة :)
منطقة العرض يعني ممش نمشيها إنما منطقة الطلب , دي مش منطقة أصلاً
دور على مناطق حصل منها حركة قوية مثلما شرحت هذه المناطق اللي فعلاً نتوقع وجود قوة عندها .
رايك بالرسومات بعضها كسر هل لانها ضعيفه