اهلا يا غالي
اتفضل ضع الشارتات اللي عايزها و هايتم الرد عليك
و لا تعتذر من شيء الموضوع مفتوح للتعليم و من حقك تستفسر .
السلام عليكم اول حاجة بشكر حضرتك لمجهودك وربنا يجعله في ميزان حسنات حضرتك
انا قريت جزء من الموضوع وهقول لحضرتك علي الشارت في الفرصة دي وهنقيمها من البداية حسب ترتيب حضرتك في كتابة الموضوع عشان يبقي مراجعه للناس برضه وبعدها هستاذنك في شوية استفسارات
1/كلامنا عن منطقة العرض مش الطلب اولا هي رالي بيس دروب بشمعه بيس واحدة واسمها تقريبا الهامر او الحرامي(ارجو تصحيح اسمها)وبيكون الرسم علي جسمها بالكامل وده نموذج قوي مع او عكس الاتجاه
2/الشرط متحقق للاعتماد وهي انها كسرت منطقة طلب اللي تحتها علي طول وهو شرط من الشرطين الواجب تحقق احدهم
3/الحركة بتاعت العرض اللي هي شموع erc كانت قوية شموع بذيول بسيطة وانفجار سعري كويس جدا وفيه سيطرة للبياعين
4/كده فاضل عوامل التقييم بالنسبة لقوة الحركة كانت قوية وواضح ان فيها صناع سوق +شموع كبيرة الي متوسطة واغلاقات قرب الهاي +عدد صغير جدا من شموع البيس وتعتبر واحدة بس +منطقة فريش لم تختبر انا كده ماشي مع الصفحات بالترتيب ولسه بكمل صفحة صفحة
5/انا كده ذاكرت لغاية صفحة 8 وارجو اكون فهمت كويس لكن من اول صفحة 9 مش فاهم ازاي اعمل الكيرف واقيم بيه وازاي اشتغل بالفريمات المتداخلة ازاي اظبطها اقصد وموضوع الفوليوم لسه مش فاهمه
ده بالنسبة للفرصة بالنسبة للاستفساراات
1/هل حضرتك شايف دي صفقة قوية بعد كل الكلام اللي فوق ؟
2/ايه هي افضل طريقة لتحديد الاتجاه العام للزوج وهل بيتحدد علي اليومي لو الفرصة اربع ساعات وعلي الاسبوعي لو الفرصة يومي لاني بشتغل غلي الفرص القوية يومي واربع ساعات فقط ياريت طريقة التحديد
3/الفرصة دي تعتبر علي زوج مش مشهور هل العرض والطلب تشتغل علي اي زوج مهما كان مش معروف لاني منزل ازواج كتير لزية الفرص لان حضرتك عارف شروط التحقق كتير والفريمات الكبيرة تعتبر الفرص نادرة وبالنسبة للسبريد لو عالي علي زوج مش مشهور مش مهم لان الهدف والستوب كبار برضه المهم هل الازواج كلها تحترم مناطق العرض والطلب القوية ؟
4/هل لو الواحد فهم الكويس العرض والطلب هنا في الورشة واشتغلت عليها فقط هل ابقي متداول ناجح؟
5/الصفقة لما اكون داخلها علي فريم اربع ساعات او يومي ايه الوضع وقت الاخبار خصوصا انه شبه يومية واحنا صفقاتنا ممكن نقعد كذا يوم وساعات اسبوع عشر ايام لتحقيق الهدف؟
انا بعتذر جدا جدا لطول المشاركة بس حبيت برضه افيد ناس عايزة تستفسر عشان كده كانت بالتفصيل معاش صدعتك بجد اسف
وفيه حاجتين كمان لو سمحت اولا بالنسبة للازواج الغريبة اللي قلت لحضرتك عليها انا في الصورة حاطط منطقة طلب قوية والسعر استجاب ليها
تاني حاجة بالنسبة للدخول هل ادخل من الطرف السفلي لمنطقة العرض والستوب هيكون حوالي 170 نقطة علي الديلي هل يبقي الهدف ضعف الستوب علي الاقل ولا ادخل من نص المنطقة ولا ادخل علي الاربع ساعات ولا اعمل ايه وشكرا ليك
الدولار فرانك متوقع صعودة الفترة القادمة إن شاء الله
الملف المرفق 519319
اليورو ين متوقع هبوطة الفترة القادمة إن شاء الله
الملف المرفق 519320
الدولار ين متوقع الهبوط بقوة من منطقة العرض الموضحة بالتشارت
لو أغلق أسفل مستوى وايكوف اليومي
و كون منطقة عرض قوية على الأربع ساعات
نقدر نبيع منها بقوة .
الملف المرفق 519324
الفضة تحليل للأخوة اللي طلبتة
في حالة زيارة منطقة الطلب المحددة
من المتوقع نشوف صعود منها إن شاء الله .
الملف المرفق 519326
أندكس الين مرتد من منطقة عرض يومية و أسبوعية
و قام بعمل شمعة يومية إبتلاعية
من المتوقع إستمرار الهبوط الفترة القادمة إن شاء الله
و بالتالي قوة للعملة .
الملف المرفق 519327
طيب يا غالي بص
المنطقة مثبتة بكسر الترند الصاعد و ليس منطقة الطلب
هو أصلاً الزوج مش عندي بالتالي انا بتكلم بناء على اللي ظاهر أمامي على التشارت
بالنسبة للتقيم الحركة هي متوسطة مش قوية
الخروج بشمعتين منهم واحدة أنفجارية و واحدة عادية و الباقي ضعيف منهم شمعتين بيس و ليس واحدة
المنطقة مش قوية بل متوسطة
بالنسبة لتحديد الإتجاة فانت بتحدد دة بناء على ربطك ل3 فريمات و ليس فريم أو أثنان
بالنسبة للعرض و الطلب فهو بيشتغل على أي زوج و أي سهم .
العرض و الطلب هنا اللي تم شرحة لم يتم شرحة بالكامل بعد , بعض الدروس تم شرحها في الندوات
و إلى الأن لم أشرح أي شيء يخص التطويرات .
تم شرح طريقة واحدة لوايكوف في الدمج و لم أشرح باقي الأساليب .
يعني الموضوع لسة ناقص حاجات كتيرة .
بالنسبة للاخبار لو شغال فريم يومي و اسبوعي و شهري لا يهمك الأخبار
أقل من هذه الفريمات يهمك أكيد .
نورت الورشة يا غالي بمرورك :)
لو فريم الدخول بتاعك اليومي ادخل من الحد السفلي للمنطقة
الاستوب و الاهداف هنا هايتم تحديدها بناء على قرارك بس عامة بيبقى غالباً فوق المنطقة ما لا يقل عن 30 نقطة تقريباً .
الهدف بتاعك بيبقى على الاقل 2 : 1 و يفضل يكون أكثر و هو الوصول لأقرب منطقة طلب قوية سواء كانت المنطقة يومية
أو أسبوعية و التي قد يصادف أن المنطقة اليومية متداخلة معها وقتها بتختار الهدف الأسبوعي .
في عوامل بناء عليها بتبدأ تقرر انك ممكن تستغنى عن الأسبوعية و توصل لليومية مثل لو كانت المنطقة الأسبوعية ضعيفة .
الف شكر لحضرتك تاعبينك معانا وهستاذنك لو حاجة وقفت معايا هبقي اسال حضرتك
السلام عليكم
ممكن الفرق بين رسم الترند على مناطق الCP و مناطق القمم والقيعان وكيف افرق بينهم في الرسم
اللي في الأسفل مستوى وايكوف اليومي
دة أسلوب من ضمن أساليب وايكوف في معرفة قوة الإتجاة و نية صناع السوق
و الدخول بناء على ذلك , أما في الأعلى فهي منطقة متكونة من أكثر من مستوى لوايكوف مهم قريبين من بعض
كونوا ما يسمى منطقة وايكوف اليومية و طبعاً واضح أول ما السعر رجع أغلق أسفلها ماذا حدث
و حالياً تكونت منطقة عرض مع أخذ خلفية رجوع السعر أسفل منطقة وايكوف فهذة أشارة على الدخول بيع
و أن نية الماركت ميكر الفترة القادمة هو الهبوط و بالتالي البيع هو الأقوى .
و عليكم السلام
أتفضل راجع هذا الدرس
https://forum.arabictrader.com/t245539.html