الطريقة واضحة جداً.. تحدد القاع إذا كان السعر صاعد.. السعر كسر القاع.. نبدأ من القاع الجديد... وهكذا...... كل هذا ونحن لم ندخل أى صفقات.
بعد أن تقوم أول زاوية برد السعر إلى نصف الزاوية أو ربعها أو تلات أرباعها (مش هاتفرق نسبة الإرتداد)... ثم يصعد لكسر الزاوية التى ردت.. نبدأ الدخول.. والاستوب يمكن أن تجعله أسفل المنطقة التى ارتد إليها أو تجعله أسفل الزاوية صفر.
وكل ما السعر يرتفع زاوية.. هاترتفع بالأستوب وتحجز أرباحك.. خليك ماشى بإدارة رأس مال.. وحجز ربح....... سيبك بقى من أسماء زوايا.. وإنه لازم الزاوية الفلانية ترده.. أو الزواية الأخرى يرتفع من عندها.. وإن الشكل الفلانى إسمه دائرى أو حتى صحراوى.. مش هاتفرق المسميات... قد ما هايفرق إنك تبقى فاهم هاتشتغل إزاى.
عايز تشتغل بأسلوب آخر.. هاتستخدم ترندات النجمة وتتداول عليها اسكالبنج.. السعر وصل لترند معين.. هاتعمل بيع إلى الترند إلى تحت منه.. واستوبك فوق الترند المتوقع إنه يرتد منه...... السعر كسر الترند وضرب الأستوب.. فالأستوب فى الحالة دى هايكون صغير جدا.. أما لو جاب الهدف.. فهو أضعاف الأستوب.
عايز تشتغل بأسلوب تالت.. ممكن تستخدم الفيبوناتشى من الزاوية 360 إلى الزاوية صفر بعد إضافة المستويات الخاصة بالهارمونيك (المستويات فقط مش هانرسم هارمونيك ولا حاجة).. بعد كدة إحذف الزوايا.. واشتغل على المستويات اللى أمامك.. الصفقة تبدأ من مستوى إلى المستوى الذى يليه... واستوب تحت المستوى اللى هاتبدأ منه... ضرب أستوب.. فهو استوب صغير جداً.. وصل للمستوى (الهدف) ففى هذه الحالة الهدف أضعاف الأستوب أيضاً.
الطريقة واحدة.. وكل واحد بيتشغ عليها بمزاجه.. وحسب استيعابه.. واحد بيشتغل سكالبنج وبيتداول على الترندات وكسرها (وبالمناسبة لاحظت إن الدكتور حماده بيشتغل كدة "معظم الأوقات") وآخر بيشتغل سوينج بيحدد الشكل الهندسى ويضع الأستوب أسفله (أو أسفل أول زاوية فرعية) ثم يستمر مع الشكل الهندسى وكلما تخطى السعر زاوية يقوم بتحريك الأستوب بمقدار زاوية... وهكذا.
فيه طالب بيبقى شاطر أوى فى الرياضيات.. ومش بيعرف يكتب كلمتين تعبير فى مادة العربى.. وطالب آخر بيطلع من أكبر مفكرى الأدب.. ومايعرف يحسب جمع رقمين.
نفس الأمر.. ممكن تتعلم عرض وطلب بسهولة وتفشل فى تعلم الهارمونيك.. وآخر يتعلم الهارمونيك بسهولة.. ويفشل فى تعلم العرض والطلب...... ونفس الأمر بالنسبة للزوايا وغير الزوايا.
علشان كدة.. كان مفروض من البداية.. الطريقة إللى تفشل فى تعلمها.. تسيبها فوراً تتأكد إنك الطريقة دى ليست لك.. وتبدأ تتعلم غيرها.. بدل ما تقعد تندب حظك على الشهور أوالسنين إللى قعدت تحاول تتعلم فيها الطريقة.
فى النهاية.. الطريقة ليست فاشلة... وليست ناجحة... المتداول هو من يصنع النجاح وهو من يصنع الفشل.
سلام