متابعيني الاعزاء والله وحشوني كلكم لكن ربنا وحده يعلم بظروفي انا من بداية الورشة من 45 يوم تقريبا مفيش يوم عدي عليا من غير ما ادخل اكتب في الورشة سواء دروس جديدة او ردود علي المشاركات وفعلا احساس الاسرة الواحدة بقي احساس عميق بعد الفترة دي كلها و امبارح كان نفسي ادخل الورشة لكن في بعص التقلبات في البيت دا غير ان اللاب والفون عملوها معايا وكانهم متفقين يبوظو مع بعض
وحاليا جبت لاب احد الاصدقاء علشان اقولكم علي اللي حصل وباذن الله هشتري بروسيسور جديد بدل اللي اتحرق دا وارجع اتابع معاكم تاني
وقبل ما امشي انا هجدد وعدي ليكم تاني ان طالما في عمري بقية الورشة دي باذن الله هتكمل زي ما حضراتكم عايزين بالظبط لان انا كمان عايز كدا
ومستحيل هخلي حضراتكم تاخدو نفس الصدمة اللي انا اخدتها في ورشة الفكلي انا عارف ان في ناس وثقت فيا وباذن الله مش هضيع الثقة دي مهما حصل
واخيرا عايز حضراتكم تتاكدو اني اكتر واحد حريص علي استكمال العمل لان انا اكتر واحد متعطل ومش بس الورشة كل شغلي واقف حاليا
فان شاء الله في اسرع وقت هنستانف العمل تاني مع بعض ونبدا بداية اقوي مع موضوع القمم والقيعان
