العفو اخي الكريم .. احنا في منتدي تعليمي وبنحاول نتعلم ونخدم بعض
أول ما بتفتح الموقع بتلاقي الصوره دي وأندكس العملات بترتيب الموقع عادي
الملف المرفق 499592
بنختار مثلا الدولار اندكس هتلاقي اختيارين أو ثلاثه عشان دي عقود مستقبليه
فيوتشر وبيكون ليها وقت انا دايما بختار الأكثر فوليوم عشان تكون شارت الشموع كامل وايضا الفوليوم
الملف المرفق 499594
لما بندخل أول واحده مثلا الي هيه اكبر فوليوم بتلاقي جميع العقود الخاصه بالدولار كل عقد ليه وقت صلاحيه معين بنختار الأكبر فوليوم وعدد عقود
Volume _ Open Interest
طبعا لو حضرتك بتابع الأندكس بأستمرار هتلاحظ الفرق في الفوليوم والأهم هو عدد العقود المفتوحه هل بيزيد أم بينقص وطبعا لو عدد العقود بيزيد يدل علي قوه الأتجاه سواء صاعد أو هابط
الملف المرفق 499595
لما بندخل علي الأندكس بننزل تحت شويه هتلاقي الشارت الخاص بالأندكس بندوس علي fullchart وبنغير الشارت لشموع وألوان زي مابتحب وكمان بتلاقي تحت الفوليوم الخاص بالأندكس وده مهم جدا بالنسبالي لاني أعتمد في تحليلي عليه .. ايضا لو نزلت شويه هتلاقي تقرير للكوت بينزل أسبوعي كل يوم ثلاثاء ولكن يظهر يوم الجمعه بعد الأغلاق .. في الصوره هتلاقي أخر تقرير يوم الثلاثاء الماضي 21/8 وده طبعا مفيد لمتداولي السوينج
الملف المرفق 499602
الملف المرفق 499603
بالنسبه لسؤال حضرتك كيفيه الأستفاده من قوه وضعف الأندكس في تداول الأنترادي .. هنعتبر ان اليوم خلص مع الأغلاق وأفتتاح يوم جديد
هنختار end of day عشان تبقي الداتا كامله بعد كده هنختار Change ونحاول ترتيب الأندكس من ايجابي لسلبي وبنشوف اقوي اندكس ونحاول نشتريه أمام اضعف اندكس أو العكس في الصوره بالأسفل اقوي أندكس الباوند والفرنك هنحاول نشتريهم امام الضعيف الي هو الدولار والأسترالي والين
طبعا مع افترضنا ان البيانات دي مع اغلاق اليوم
الملف المرفق 499610
الملف المرفق 499611
الملف المرفق 499612
الشراء والبيع ليس عشوائي ولكن بنحدد خلاص الزوج الي هنشتريه أو هنبيعه ونفتح الشارت بتاعه لو هنشتري هنبص نشوف هل في مقاومه قويه هتقابل الزوج ولا لأ والمسافه بين السعر الحالي وهذه المقاومه كام بالنقاط لو المقاومه بعيده نسبيا وفي مسافه 50 أو 60 نقطه مثلا بستني تصحيح للسعر وبشتري علي فريم أقل ويفضل النصف ساعه لو في مقاومه قويه هتقابل الزوج ومفيش مسافه للشراء بشوف زوج تاني وطبعا للبيع هتبقي منطقه دعم وطبعا لازم تكون ملم بأبسط قواعد التحليل الفني عشان تعرف تشتري وتبيع
ولو عندك طريقه تداول خاصه بيك ممكن تستخدم كل الي فات لمحاوله دخول صفقه بأقل مخاطره ومع اتجاه الأندكس للزوج
يارب أكون وضحت الموضوع بطريقه بسيطه
وبالتوفيق للجميع ان شاء الله