المشاركة الأصلية كتبت بواسطة Ahmedxxx
شغل عالي والله يا استاذ محمد ما شاء الله
انا دخلت الصبح علي المجنون بيع بعد كسره لترند في حدود شموع يومين فقط كما قلت لك من قبل وحقق حوالي 17 نقطه ومع الطمع لم اغلق وانعكس واغلق فوق الترند الهابط فاغلقت البيع علي خسارة ودخلت شراء من 149.35 واغلقت عند 149.75 حوالي 40 نقطة ولله الحمد علي حساب حقيقي به حوالي اربع دولارات بعد ان كان بالمئات في السابق وضاع وكله بسبب الطمع المهم
عندي سؤالين
1- بالنسبة للشارت المرفق وقبل نقطة دخولك السعر اخترق الترند واغلق فوقه يعني المفروض الدخول شراء ولكنه انعكس فهل معني ذلك ان هذه صفقة خاسره ام ماذا وهل الدخول فيها كان هيكون صحيح
2-فرضا انك شفت هذا الشارت بعد الاختراق الثاني اللي دخلت منه فكان اول شئ طبعا انك كنت هترسم ترند وكان علي ثلاث ارتكازات سابقة وده طبعا معناه انه ترند قوي لكن مع رسمك للترند وجدت انه تم اختراقه وده اللي وضحته في النقطة 1 فهل كنت هتدخل برضه الصفقة ام تقول انه الترند ده تم اختراقه من قبل والاغلاق فوقه ثم الاغلاق تحته فلا يصلح
اتمني اني اكون وضحت النقطة دي وبينت لك اللي اقصده ان الترند اللي ادخل منه بعد اختراقه او كسره لا يجوز الاغلاق فوقه او تحته قبل الدخول برجاء توضيح هذه النقطة فهي مهمة جدا بالنسبة لي وبشئ من التفصيل
ونقطة ثالثة دائما بتيجي علي بالي
هو انا لو تمكنت من الطريقة مثلك او حتي ربعك ايه اللي احتاجه اتعلمه تاني
وده اقصد بيه الناس اللي بتتنقل بين طرق التداول المختلفة هارمونيك - عرض وطلب - زوايا
التعليم طبعا شئ مفيد لكن في هذا المجال هدفنا جميعا هو تحقيق الربح وطالما انه اتفقنا انه ليس هناك صفقة مضمونة ميه في الميه مهما وصلنا من علم في هذا المجال فلماذا لا يركز الشخص في طريقة واحدة وبالتالي ممكن يبدع فيها
اتمني تجاوبني علي الثلاث اسئلة وبالذات ركزلي علي النقطة الثانية
ودعواتي لك بالتوفيق