انا اسعد والله ابو ناصر
وانا زميل ولست استاذ
واحترم النقاش معك جدا
واستفيد منه ايضا
........
الموضوع بيتكلم عن التحليل الموجى
بس فى داخله هذه الكلمات الاكثر من رائعه
.............
اقتباس:
- بالنسبة لموضوع بركتر وانه من اقل المحللين دقة .. اولا خد بالك يا احمد ان هناك فرق شاسع بين كلمة متاجر وكلمه محلل .. يعنى انا مستعد ان يقال ان الدكتور احمد هو افشل المحللين على مستوى العالم لكن فى المقابل هو من افضل المتاجرين .. طيب تيجى ازاى ؟
المحلل بيهتم بفكرة الاتجاه فيقولك انا شايف ان اليورو صاعد الى مستويات كذا او هابط الى كذا وبس .. اما المتاجر لا يعنيه بالمره هو اليورو رايح فين بمنتهى البساطه هو عنده قواعد او شروط للدخول فى صفقة اتحققت الشروط هيدخل ايا كان اليورو بيعمل ايه .. ودى عقليه مختلفه اختلاف كلى وجذرى عن عقلية المحلل وده اللى بيخليك تشوف فى اى منتدى للفوركس ان ناس يعكس عليها السعر بالمئات او الاف النقاط وهو لسه بيقولك لا اليورو ما زال صاعد او هابط .. اما المتاجر زى ما قلت Money Machine ولو جيت تساله اليورو ممكن يروح فين متستغربش لما يقولك I Don't care at all ! لان الكلام ده انا شفته فى محاضرات برة كتير جدا جدا .. فالمتاجر عقليه لا تفكر الا فى اتباع قواعدها والالتزام بيها وكنتيجه طبيعيه وبديهيه جدا بيعمل فلوس من الشارت اللى ادامه .. اما المحلل وارد جدا انه يكون بارع لكن بردو متستغربش لما تلافى واحد قدراته الفنيه فوق الممتازة مع الشارت ومع ذلك كشف حسابه عكس كده تماما ليه ؟ لانه لسه محتفظ بعقليه المحلل وليس المتاجر .. وعشان الكلام يكون واضح وبعض الناس متزعلش منه .. المحلل وارد جدا انه يكون متاجر قوى يعنى لا يوجد ما يمنع ذلك ومهنة التحليل اكيد حاجه تحترم لكن لو هى دى هويتك او تعريفك فى السوق يبقى اتجاهك هيبقى مختلف كتير عن هوية المتاجر اللى مش بيهتم هو مين رايح فين ..
..........
الخلاصه
التحليل هو مجرد اداه صغيره
من ضمن ادوات كثيره يجب ان يمتلكها المتاجر
....
والله اعلى واعلم
..............