المتاجره بالبيتكوين والعملات المشفره

[ae_dxb]

ورصيدى حاليا اصبح 35000 دولار , من راس مال 2000 دولار بدات بيه فى اول السنه , انا خلاص بقى شغلى كله العملات ديه وتركت الفوركس نهائى .
ادعولى بالتوفيق , وان شاء الله اتابعكم بالمستجدات .

مبروك

الصيف الماضي كان لدي كميات مخزون ضخم من العملات الرقميه المشفره للاسف تسرعت وقمت بالبيع قبل شهور

[eez]

لو كنت صبرت اخى كنت زمانك محقق ارباح كبيره جدا , معظم العملات اللى كنت داخلها هيه اللى انا دخلت فيها السنه ديه , وكلها محققه ارباح مدويه ,
الصبر فعلا هوه مفتاح النجاح فى المجال ده ,
فى عملة siacoin انا صبرت عليها صبر رهيب , لغاية ماحققت 50 ضعف .

[eez]

ده شرح للموضوع بناء على طلب احد الاخوه على الخاص , وعدد الرسائل الخاصه عنده تجاوز الحد المسموح بيه , فقررت اشرح فى الموضوع علشان الكل يستفيد ,
بالنسبه للشراء بالدولار فى البدايه خالص :
معظم المواقع مش بتقبل الشراء بالفيزا للبيتكوين وخصوصا للعرب , ده غير حتى لما سافرت امريكا وهنا طبعا معظم المواقع بتقبل فيزا وباى بال لقيت التفعيل بيقى معقد لازم صوره سلفى وانت ماسك الباسبور , المهم علشان اختصر عليك الموقع ده هوه الموقع الوحيد اللى انا بشترى منه , ومش محتاج اى تفعيل خالص غير تفعيل الايميل العادى , وبعد ماتفعل الايميل تقدر تشترى مباشرة بالفيزا او الباى بال او الاسكريل.
ده لينك الموقع
virwox

بعد ماتحول الدولارات للموقع
حتشترى عمله افتراضيه اسمها الليندا USD/SLL , وبعد كده استبدل الليندا بالبيتكوين BTC/SLL
واسحب البيتكوين على محفظتك .
وبكده بقى معاك بيتكوين , تروح لاى موقع من دول Poloniex و cryptopia
وتستبدل البيتكوين باى عمله انت عايز تشتريها

[eez]

بناء على طلب بعض الاخوه برضه عن العملات اللى انا مركز فيها حاليا ,
بس انا مش مسئول عن خسارة اى حد (انا بعتبر نفسى مبتدىء)
STEEM
LBRY Credits
العملتين دول بنسبه كبيره جدا حيرتفعوا الفتره اللى جايه

VERTCOIN
Namecoin
peercoin
Primecoin العمله دى سيولتها مش قويه

Feathercoin
(العمله دى رغم قلقى منها علشان السيوله عليها منخفضه نسبيا وكمان مفيش تطوير كبير عليها , بس لو صدقت توقعاتى فحتوصل لارقام قياسيه وحتكون ضربة معلم فعلا لوحققت توقعاتى وساعتها حرفع الموضوع ده , ده لو ربنا اراد , وكانت توقعاتى صح) .

Lisk
Zcash
العملتين دول لسه محتفظ بيهم بمراكز والعملتين من العملات القويه ,و وشايف انهم حيرتفعوا الفتره اللى جايه

بكرر ده راى شخصى , ومازلت مبتدىء ,
انا خايف ان اى حد يدخل ويخسر بسببى , انا عن نفسى متوقع الخساره قبل المكسب , ومهما ان كنت متاكد من العمله فمش بدخل باى مبلغ الا المبلغ اللى اقدر اتحمل خسارته ,
ولو حد عنده اى استفسار انا تحت امركم كلكم , وياريت كلنا نتناقش فى العملات دى وكلنا نفيد بعض , الموضوع مفتوح للجميع اى حد عنده معلومه ياريت يضيفها وكلنا بنستفيد من بعض .

[eez]

بكرر ياجماعه انا مش مسئول عن خسارة اى حد ومازلت مبتدىء ,
انا ذكرت العملات اللى فوق خوفا من انكم تفتكروا انى مش راضى اقولكم على العملات اللى انا داخل فيها ,
والله انا اتمنى ليكم كلكم ارباح اكتر من اللى انا عاملها , وربنا يوفقكم كلكم .

[hema007]

شكراً على المعلومات المفيدة يا غالي .

ممكن أعرف كبداية فتحتاج سيولة قد أية ؟

و هل في طرق تانية للتحويل من من الدولار أو التعامل بالدولار مباشرة غير اللي حضرتك ذكرتها ؟

و شكراُ

[eez]

شكراً على المعلومات المفيدة يا غالي .

ممكن أعرف كبداية فتحتاج سيولة قد أية ؟

و هل في طرق تانية للتحويل من من الدولار أو التعامل بالدولار مباشرة غير اللي حضرتك ذكرتها ؟

و شكراُ

ممكن تدخل باى مبلغ ياصاحبى , حتى لو عايز تبدا ب10 دولار مفيش مشاكل
انت حتحول بفيزا ولابنك اليكترونى ولا ايه ؟؟

[hema007]

ممكن تدخل باى مبلغ ياصاحبى , حتى لو عايز تبدا ب10 دولار مفيش مشاكل
انت حتحول بفيزا ولابنك اليكترونى ولا ايه ؟؟

بنك إلكتروني .

هل التحويل بقى من البنك للموقع علطول ولا أية ؟

و هل لازم بردوا أحول للعملة الإفتراضية ومنها للبتكوين ولا عادي أحول الفلوس بالدولار و أقدر أشتغل بيها علطول ؟

[eez]

بنك إلكتروني .

هل التحويل بقى من البنك للموقع علطول ولا أية ؟

و هل لازم بردوا أحول للعملة الإفتراضية ومنها للبتكوين ولا عادي أحول الفلوس بالدولار و أقدر أشتغل بيها علطول ؟

حدد بنك اليكترونى ايه , بايبال ولا بيرفكت مونى ولا اسكريل ولانتلر ولا بنوك تانيه ؟؟

[ae_dxb]

وبعد ماتفعل الايميل تقدر تشترى مباشرة بالفيزا او الباى بال او الاسكريل.
ده لينك الموقع
virwox

أنا جربت هذا الموقع ولاحظت بأن هذا مكلف في العمولات

يجب البحث عن أفضل سعر وأفضل رسوم

في دولة مصر مثلا

https://www.buybitcoinworldwide.com/...5%D8%B5%D8%B1/


في دولة السعودية مثلا

https://www.buybitcoinworldwide.com/...F%D9%8A%D8%A9/

قد توجد طرق أخرى أرجو البحث في قوقل عن أفضل الأسعار والرسوم أو العمولات

[eez]

فعلا العموله عاليه بالنسبه للمبالغ الصغيره وفى البدايه , لان بعد التعامل مع الموقع بعمليات كتيره حتلاقيه بينزلك خصومات على العموله اوتوماتيك ,
الميزه فى الموقع ده السرعه لانه مش محتاج تفعيل غير تفعيل الايميل العادى فانا شخصيا بفضله للسبب ده ,
لو جربت بمبالغ صغيره 10 دولار او 20 دولار حتلاقى العموله كبيره شويه ممكن فى حدود 15% اعتقد ,
لكن لو حولت مبالغ كبيره واتعاملت معاهم بمعاملات كتيره حتلاقى العموله انخفضت .
وعلى فكره انا جربت معظم المواقع , والعمولات فى الشراء بالفيزا عاليه
ومعظم المواقع ايام ماكنت فى مصر مش بتقبل الفيزات المستخرجه من بنوك مصريه ده بعد تجربة كذا فيزا من كذا بنك فى مصر ,
لكن الموقع ده من ساعة ماجربته وانا شغال معاه زى الفل ,
انا فاكر اول عملية شراء تمت فى دقايق بعد عذاب فى المواقع التانيه مابين تفعيل وتنتظر كم يوم وفى الاخر اجرب الفيزا الاقيها مرفوضه ومتعرفش ايه السبب اساسا .

[hema007]

حدد بنك اليكترونى ايه , بايبال ولا بيرفكت مونى ولا اسكريل ولانتلر ولا بنوك تانيه ؟؟

سكريل أو نيتلر .

هل في فرق ولا أية ؟

[eez]

سكريل أو نيتلر .

هل في فرق ولا أية ؟

ايوه الموقع اللى ذكرته بيقبل اسكريل مش نتلر , بس سهله لو معاك نتلر حوله لاسكريل عن طريق النتلر , وبعد كده حول من الاسكريل لموقع الشراء .

[ae_dxb]

استاذ eez انته تعلم أن العملات الرقميه المشفرة يمكن المتاجرة بها بدون رافعه ماليه

يوجد أيضا رافعه ماليه ولكن اعتقد تختلف عن الفوركس

أعتقد المتاجرة الآن بدون رافعه ماليه تحتاج إلى راس مال كبير

لشراء الكميات للحصول على ربح معقول

في الفوركس يمكن المتاجرة بمبالغ صغيره لوجود رافعه ماليه

Margins (2.5x Leverage)
Maintenance 20% Initial 40%


الرافعه في العملات الرقميه المشفره مختلفه عن الفوركس لذا يجب الحذر





مارأيك ؟

[eez]

ايوه انا عارف انك ممكن تشتغل برافعه ماليه , بس انا شغال من غيرها خالص , واستحاله ادخل برافعه ماليه بعد اللى شفته فى الفوركس ,
نظام الرافعه مش منطقى اساسا وهوه السبب الرئيسى للخساره فى الفوركس ,
انا شغال من غير رافعه ماليه انا مجرد بشترى العملات اللى شايف انها حترتفع وبحتفظ بيها وببيعها لما توصل للهدف اللى فى دماغى , مش اكتر من كده .