المشاركة الأصلية كتبت بواسطة portfolio manager
معلش العنوان كان صعب شويه، لكن انا حبيت الفت انتباه بعض الشيء ، انا عايز اقول نقطه مهمه جدا وهي ، ان الفوركس مفيش اسهل منه في الدنيا ، وعلشان خاطر سهولته الزايده عن اللزوم ده ، احنا بنستهتر بيه فا بنخسر ، فكر كده بعيد عن الفوركس في نمط حياتك ، هاتلاقي كام من الأشياء المعقده قدرت تنجح في أنك تفك الغازها وكام من الأشياء البسيطه مش قادر تعملها ، لكن الحقيقه ان عقلك الباطن هو اللي شايف ان الموضوع سهل اوي عشان كده لا يعطى له من الأهميه ما يمكنك من النجاح فيه ، وبسبب عدم أكتراث عقلك بهذا الشيء انت تفشل ، الفوركس في نظري هو من أبسط الأعمال واسهلها في الدنيا ، ولكن تكمن صعوبته ، في الأحساس و قدرتك في السيطره على حالتك النفسيه ، كلنا متفقين ان التحليل الفني و الأساسي مفيش اسهل منه انت بتشوف خط دعم ببساطه بتشتري عنده ، وخط مقاومه بتبيع عليه اتكسر بتقلب العمليه او بتعمل ستوب لوز ، بقى في اسهل من كده في الدنيا ، خبر متوقع ان مبيعات التجزئه زادت اشتري ضعفت بيع ، في ابسط من كده ، الله امال احنا بنخسر ليه بقى لما الموضوع بسيط كده!!!! كلنا بنتسال ، وبنلاقي حل وبنطبقه ونكسب وبعد شويه ، نلاقي نفسنا خسرنا تاني ورجعنا زي ما كنا او اقل شويه طب في ايه بقى ، تضطر تفكر تغير الاستراتيجيه بتاعتك والعيب فيها ، لكن الحقيقه هي العيب في عقلك الباطن، انه بيرجع تاني لحالت الأسترخاء والاستخفاف بالموضوع لانه بسيط ، فا بدون ما تشعر تتكبر على السوق ، بانك ما تضعش الاستوب لوز ، تدخل عمليه احياناً عشوائيه، تدخل بحجم عقود كبير وانت مش عارف لو عكست معاك هتسمح لنفسك تخسر قد ايه لغايه ما تلاقي السوق ضرب جامد في الحساب بتاعك وتلاقي ذهنك اتشل ومش قادر تاخد ، قرار كام واحد مننا حصل معاه كده ، انا نصحتي لأي حد يفكر كده ، مش بنصحك تتعلم تحليل فني ولا أساسي ، لا ادرب على ازاي تسيطر على نفسك وعلى مشاعرك وازاي تقدر تتطوع عقلك الباطن انه لا يتسبب في انك تفقد السيطره على نفسك في لحظه ممكن تفجر فيها نفسك ، رجائي للأخوه ، التدريب على النقطه ده ، لان الموضوع مش معقد بتاتاً ، لكن المعقد هو عقلك انت وبس...
