المشاركة الأصلية كتبت بواسطة AlamirAlmasry
السلام عليكم ورحمة الله وبركاته
اولا احب اشكر استاذ احمد سعيد على العمل الاكثر من رائع وحقيقى انت انسان تستاهل كل خير وبأذن الله حاسس ان الورشة دى هتبقى من انجح الورش فى المنتدى وبأذن الله الكل يستفاد وانا واحد من الناس الحمد لله بشتغل هارمونيك بقالى فتره بس بجد استفدت كتير من استاذنا احمد سعيد لك منى كل الحب والتقدير لشخصك الكريم وربى يوفقك ديماا . .
ثانيا بقى بخصوص شرح استاذنا الغالى احمد سعيد عن كيفية الدخول من النقطة C دى صفقة دخلتها من امبارح باليل ع زوج اليورو ين فريم 30 دقيقة وحبيت اشاركها معاكم واقولكم اسباب دخولى عشان الكل يستفيد
بعد تحديد الضلع XA النقطة B صححت عند 78.6 طبعا كده عرفنا انه نموذج الفراشه وده من النماذج المميزه جدا اللى بحبها وبدخل معاها ع طول من النقطة C بعد تطبيق الشروط اللى قال عليها استاذنا الغالى احمد سعيد المهم طبعا احنا عارفين ان اقصى تصحيح للنقطة C هو 88.6
اسباب دخولى من النقطة C
1- وصول السعر عند مستوى 88.6 يعنى الاستوب صغير جدا لايتعدى 20 نقطة
2- ارتداد من مستوى 88.6 وظهور شمعة بين بار محترمه على فريم الساعة
3- ارتكاذ النقطة C على ترند صاعد
4- وجود تشبع شرائى ودايفرجنس على مؤشر الاستوكاستيك كما مبين فى الصورة
5- وجود دايفرجنس على مؤشر OSMA وده من اهم المؤاشرات لكشف الدايفرجنس بالنسبة لى
وتوكلت ع الله ودخلت الصفقه من النقطة C وحققت 50 نقطة بفضل الله وخرجت عشان بصراحة مش نمت وان شاء الله ابقى ادخل بيع من النقطة D لو لحقتها ههههه
واخيرا اسف انى طولت عليكم بس ربنا يعلم انى طرحت المشاركة دى من اجل الافادة وتطبيق كلام استاذنا احمد سعيد عملى والله الموفق والمستعان . .
