وعليكم السلام ورحمة الله وبركاته
نورت الورشة وأن شاء الله تبقى معانا على طول
اي شارت إلى عملة اول ما تفتحها تدخل على الأربع ساعات
لقيت السعر فوق السحابة يبقى في ترند صاعد
هل تدخل شراء كدة عمياني لا طبعا
لازم تشوف السعر ماشي كتير بعد السحابة ولا لسة يدوي خارج
لقيته لسة كتير وقريب من السحابة يبقى كويس جدا
دور على خط التنكن لو السعر لازق فيه ادخل شراء على طول
الهدف فين ؟؟؟؟؟؟
تفتح الفريم الاكبر الديلي لأن ممكن يكون السعر على طالع على الأربع ساعات بس اصلا هو كان تحت الديلي وبيقرب من حدود سحابة اليومي من تحت يعني مقاومة
لقيت إم الديلي اصلا فوق السحابة كمان يبقى الهدف مرتاح والصعود مكمل تفتح الويكلي تشوف وضعه ايه
النص ساعة انا يعتبره مفتاح الحركة بمعنى لو الأربع ساعات فوق السحابة وعايز تدخل اانتظره يقرب من سحابة نص ساعة وادخل شراء علشان يبقى عندك ستوب لوز قريب
لأنك لو حطيت ستوب لوز تحت سحابة الأربع ساعات بيبقى كبير لأن ده فريم كبير صح لكن دخولك في اتجاه الأربع ساعات وانت قريب من سحابة النص ساعة كأنك ماشي لفوق وجد واقف قريب منك سندك
اول ما تنكسر سحابة النص ساعة في اتجاه صاعد يبقى تخرج من الشراء تنتظر
شوف لو رجعت اليورو أسترالي هتلاقي اول امبارح كنت بايع في اتجاه هبوطي مدعوم بفريم الأربع ساعات
اول ما سعر كسر نص ساعة
راجعت الموقف وخرجنا بعد أرباح 200 نقطة من البيع
ودخلت شراء من 5120 و5080 لث هتلاقي السعر وصل في يوم واحد 5550
اكتر من 700 نقطة
انا دخلنا شراء حددنا الأهداف ازاي
فتحت الديلي لقيته جوة السحابة من تحت يبقى هيزور القمة عند 5300
وقلت بعد كده هدفه 5480
دي من الويكلى لأنه كان بين الخط الاخطحمر والأزرق
فتوقعت وصوله من الأحمر الأزرق مدعوم ب الاربع ساعات
اي استفسار احنا في الخدمة