المشاركة الأصلية كتبت بواسطة xcv114
إخواني الإسبيرد في الإكسبيرت ده مش مهم قوي للدرجة إللي إنتوا متخيلنها
الإكسبيرت قد يعمل على إسبريد 1 أو 1.5 بدون فروقات كبيره
الأهم من الإسبيرد هو الـ (latency) <<<< لو ترجمتها في جوجل ترانسليت هتلاقي معناها (كمون) أنا موت من الضحك ههههههه
ده ذي ما تقولوا كده كفاءة الإتصال بينك وبين السيرفر
ودي مشكلة لإن في معظم المنصات على الحسابات الحقيقة كفاءة الإتصال بتكون سيئة جدا
يعني لو فتحتوا منصتين واحدة حقيقي و واحدة ديمو .. وصغرتوا النافذتين جنب بعض وقارنوا بين حركة ثواني الساعة بين المنصتين
هتلاقوا إن الديمو بيعد الثواني الثانية بالثانية (إلى حدا ما ) لكن في الحقيقى هتلاقي قفزات بين الثواني مثلا (02:54:10 ) وإللي بعدها ( 02:54:13)
أهو هو ده بقى (الكمون) :0023:
وده مشكلة لإن الإكسبيرت قائم على حساب قوة الحركة وعلى أساسها بيدخل في الصفقات
بس إللي عاجبني في الإكسبيرت إنه قايم على مؤشرات ( البولينجر و2 موفينج أفريج ) يعني قايم على حاجات حقيقية
يعني ليس من نوعية الإكسبيرتات إللي بتقيس إن الحركة سريعة إدخل خد نقطتين وإجري
------------------------
الخلاصة من المشاركة دي إني عايز أقول إن الإكسبيرت ده في منه امل
بشرط جودة إتصال مع المنصة وسرعة تنفيذ عالية
