دعوة لمقاطعة شركات الاتصالات 5 ساعات الخميس: «مفيش تحسين للخدمات»

http://media.almasryalyoum.com/News/...4/342342_0.JPG

دعت صفحة «ثورة الإنترنت» على «فيس بوك» لمقاطعة شركات الإنترنت والاتصالات، ودشنت هاشتاج «#مليونية_مقاطعة_شركات_الاتصالات».


ويبدأ تنفيذ حملة المقاطعة، الخميس، وتستمر حتى 25 أكتوبر المقبل، فيما تعود أسباب الحملة إلى أنه «لازم تعرف ليه هنقاطع، عشان دي مطالبنا، عشان وعود تخفيض الأسعار من شهر 5 حتى الآن متنفذتش، عشان إعلانات شركات الاتصالات اللي مصروف عليها ملايين وفي الآخر يقولك مش قادرين نخفض الأسعار، عشان بياخدوا فلوسنا ويصرفوها على إعلانات»، معتبرة أنه «مفيش تحسين للخدمات أو حل للمشاكل لما تتصل بخدمة العملاء».
وعن طريقة تفعيل حملة المقاطعة، قالت الصفحة: «غدا (الخميس) هنقفل تليفوناتنا أو هنعملها وضع الطيران من الساعه 5 مساء حتى الساعه 10 مساًء اعتراضا على سوء خدمات الاتصالات والإنترنت، الخمس ساعات دول هتم على نطاق كبير وشركاتكم هتخسر ملايين، ولازم تعرفوا إننا إحنا القوة وأن كلامنا هو اللي لازم يمشي وغصب عنكم، وأسعار النت هتنزل والسرعات هتزيد».
وأضافت مخاطبة المشاركين في الحملة: «هتصور موبايل كل واحد هيشارك في أول مرحلة للمقاطعة وتبعتها على الصفحة أو الإيفينت الخاص بالحملة ومكتوب فيها محافظتك والهاشتاج».