مبروك الدولار طالع

مبروك لكل الناس اللي في حيره ومنتظره ، و الناس اللي على وشك ضرب استوبات ومارجن كول احب ابشركم ببشره خير انشاء الله الدولار اندكس مفيش اي شك او اختلاف على انه الدولار خلاص طالع الا لو حصلت كارثه تانيه باخبار سلبيه للدولار مليش دخل فيها ، لكن نشوف مع بعض على شارت 30 دقيقه الدولار وصل لقاع بيتفق مع دعم مهم ارتد منه وبعدين نزل اختبره ارتد منه تاني ودلوقتي هو في صعود بسيط ، ده بالنظر اما لو شفنا اي مؤشر من مؤشرات التشبع نشوف مثلا rsi هنا في العرض 4 ساعات و اضح اوي التشبع يعني خلاص ، بخلاف انه في حاجه من القراءه لاحظتها على حاجه مثلا زي الباوند دولار ونشوفها مع بعض انه عاده اي طلوع قوي كان بينتهي بنهايه الاسبوع وبالفعل هو انتهى قبل الاجازه مقدرش يعمل اي قمم جديده حتى الان ، بخلاف انه يوم الثلاثاء بعد منتصف الليل في جلسه اسيا كان في بوادر بوضوح على انه الدولار هينزل ولكن للاسف التحيز الشخصي خليني انا وبعض الاخوه ما نخدش بالنا ودلوقتي في بوادر على ان الدولار هيطلع واضحه اوي من الدولار ين ، انه في ثيران بدات تظهر ،على العموم انشاء الله الدولار طالع وفي بعض العملات بدات فعلا تتماسك وتظهر صعود زي الدولار الكندي ، النيوزلاندي دولار، الدولار ين ، يعني ربنا يسهل بس نصبر شويه انا قلت في اكتر من مشاركه قبل كده ان اسواق العملات بتتحرك بالعرض فترات طويله واحنا في قمه الحركه العرضيه لازواج كتيره زي الدولار ين والباوند دولار والنيوزلاندي دولار بخلاف انه الدولار اندكس عند دعم قوي جدا، ده اللي عندي و اجري على الله ، لكن ربنا يستر من الاخبار اللي ملهاش اي مبرر بتنزل تقلبيب الترابيزه على الكل ربنا يوفق الجميع ويخرج الناس من التوتر والقلق ده ...