فى كام نقطة احب اوضحهم للتجار المبتدئيين بعيدا عن الصفقة و السعر :
1 : المفروض إن حضرتك كتاجر يكون عندك إنضباط فى مشاعرك مش اى حاجة تحرك مشاعرك و كمان لازم تعتمد فى قراراتك على تفكيرك و المنطق فقط
2 : حضرتك المفروض يكون عندك إدارة رأس مال و إدارة مخاطر يعنى الستوب بتاعك يكون محدد عند نسبة معينة من رأس مالك إنت موافق إنك تخسرها و مرحب جدا بها
3 : انا ممكن اكتب توصيات تكسبك لكن ممكن واحدة تفلت بسبب إنها شئ جديد و لم يحدث من قبل ذى ما حصل فى اول واحدة , و بسبب إدرارة المخاطر السيئة و الإعتماد الكلى على تاجر اخر حتى لو كان محترف تسبب فى دمار حسابك
4 : يجب ان تعمل حساب إن السوق هيلعب بيك من ناحية الخوف و الطمع ذى ما حصل إمبارح , فلازم يكون عندك ثبات عاطفى و ده فى البداية و لكن بعد كدة و مع الوقت هتتحول إلى أله مثلك مثل Expert تنفذ اوامر منطقية و ليس لمشاعرك دخل فى الموضوع
5 : المكسب و الخسارة ليست متوقفة على الإتجاه او الدخول و الخروج فقط , و لكن يوجد بها عامل بشرى و هو إعتقادك الذاتى عن نفسك كتاجر , انا جالى وقت كنت بحلل صح و مع ذلك اخسر , لإنى كنت بسيب الصفقات الكسبانة و ادخل الخسرانة , لما دورت جوا نفسى وجدت إنى متبرمج على المستوى اللاواعى على الخسارة و إنى مقتنع من جوايا إن الخسارة شئ طبيعى و لازم يحصل
6 : إذا كنت تاجر مبتدأ فلا يصح ان تخاطر بجزء كبير من مالك فى الفوركس , لإنك لن تتحمل الضغط العصبى و النفسى الناتج عن إحتمال خسارتك لأموالك و هنا تأتى فائدة الستوب لوز و إدارة المخاطر
7 : التجارة ليست شئ قائم على الأمل , يوجد الكثير من المبتدئين يتركون الصفقات الخسرانة على امل إنها سوف تكسب و ممكن تكسب فعلا و لكن يمكن ان تدمر الحساب ايضا , مثل ما حدث امس الحركة امس كانت حركة خادعة و مرعبة بالنسبة للمبتدئيين , الحل انك يجب ان تضع فى حسابك إن كل شئ ممكن فى هذا السوق فيجب ان تعمل حساب لكل إحتمال
انا اسف إنى طولت عليكوا فى الكلام و لكن صدقونى هذة التجارة ليست لعبة للمكسب و الخسارة , الطريق من تاجر مبتدئ إلى تاجر محترف يغير فى شخصيتك الكثير و الكثير , و طبعا لازم تشوف نفسك محترف و تقتنع إنك محترف و تعيش على اساس إنك محترف لإن عقلك سوف يحقق لك كل ما تصدقة و تؤمن به , و هنا يأتى السؤال اهم سؤال :
ما هى إعتقداتى عن نفسى كتاجر فوركس ؟؟ , اتمنى يكون الكلام مفيد و التوصيات تكون ناجحة دائما , و لو حد نفسة يقول حاجة يقول انا مش بزعل من حد او من حاجة و مش باخد اى كلام على محمل شخصى , و فى النهاية نشكر الله على كل حال
