طلب إكسبيرت هيدج بسيط

السلام عليكم و رحمة الله و بركاته.هذا أول طلب لى فى قسم البرمجة و هو طلب سهل إن شاء الله...مطلوب إكسبيرت يفتح صفقة عكسية /هيدج لأى صفقة تتنفذ على الحساب مع مراعاة إن الإكسبيرت يحول تلقائياً التيك بروفت فى الصفقة الأساسية لستوب لوس فى صفقة الهيدج و يحول أيضاً الستوب لوس فى الصفقة الأساسية لتيك بروفت فى صفقة الهيدج. دى كدة الإعدادت الإفتراضية للإكسبيرت و يفضل لو خاصية Take Profit تكون True أو False بحيث لو جعلناها true تستطيع تحديد عدد نقط معين للتيك بروفت بتاع الصفقة الهيدج أما لو سيبتها على الإعداد الإفتراضى اللى هو False يبقى الإكسبيرت تلقائياً يعكس الستوب لوس بتاع الصفقة الأساسية و يحولو لى تيك بروفت فى صفقة الهيدج و يا ريت لو خاصية StopLoss بردو تكون بالشكل ده True أو False و الإفتراضى False علشان يعكس التيك بروفت للصفقة الأساسية و يحولو لى ستوب لوس للصفقة الهيدج أو True فى حالة إنى محتاج أحدد ستوب بعدد نقط معين من داخل الإعدادات...بعض الخواص المطلوبة أيضاً هى إمكانية تحديد اللوت لصفقات الهيدج بالشكل المتعارف عليه فى الميتاتردر 0.01 أو 0.1 أو 1.0 و مجك نمبر لتمييز الصفقات الهيدج و فلتر للسبريد بحيث أستطيع تحديد أقصى سبريد مسموح بيه بالنقط و لو إخترت صفر ساعتها الإكسبيرت يقبل أى سبريد و يفضل إن صفر تكون هى القيمة الإفتراضية و لوحبيت أعدل أدخل على الأعدادات و أكتب ٣ مثلاً يعنى أقصي سبريد مسموح بيه للأكسبيرت ٣ نقط أعلى من كدة لا ينفذ صفقات لحد ما السبريد يرجع ٣ أو أقل. و تحت أمركم فى أى إستفسار أو أسئلة

وعليكم السلام ورحمة الله وبركاته
مرفق الإكسبرت

إعدادات الإكسبرت
MaxSpread أقصى عدد للإسبريد المسموح
AutoLots جعل حجم لوت الهيدج نفس حجم لوت الصفقه الأساسيه
Lots تحديد حجم اللوت يدوي في حال تعطيل الخيار السابق
AutoTakeProfit جعل الهدف أوتوماتيكي
TakeProfit الهدف في حال تعطيل الخيار السابق
AutoStopLoss جعل الأستوب لوز أوتوماتيكي
StopLoss الاستوب لوز في حال تعطيل الخيار السابق
MagicNumber الماجيك نمبر

أعجبني الخبير، لذا بعد اذن صاحب الفكرة و لو سمح لي الأخ MR.dollar بطلب اضافتين بسيطتين و هما

• امكانية (true/false) التحكم بتشغيل الخبير حسب الحاجة. true= عقد صفقة معاكسة بعد انعكاس سعر الصفقة الأصلية بعدد معين من البيبس (اعداد خارجي)، أما false فتعني ببساطة أن يعمل الخبير كما هو الحال حاليا.
• امكانية (true/false) جعل الخبير يعقد صفقات معاكسة لكل الصفقات الجارية بغض النظر عن التشارت المضاف اليه، true=Hedge all، أما false= العمل كما هو الحال حاليا.

أخيرا لو ممكن اصلاح التالي، الخبير يعقد صفقة عادية بالاتجاه الذي يختاره (!!!) لو أضيف الى تشارت لعملة ليس لها أية صفقة جارية.

تحياتي

بارك الله فيك أستاذ أسامه و جعله الله فى ميزان حسناتك...لقد جربت الإكسبيرت على عدة منصات و بإعدادات مختلفة و وجدت إن عملية الهيدج للتيك بروفت و الستوب لوس شغاله تمام سواء أوتماتيك أو لو أنا حددتها بنفسى من الإعدادات.. و أريد أن أشكرك على وضع خاصية Auto Lots فهى تعمل تمام و مفيده أيضاً..ولكن يوجد بعض العيوب الصغيره و أرجو إصلاحها لإتمام العمل و حتى أستطيع تجربته لايف و بالى مطمن..أول عيب هو أنك لو وضعت الإكسبيرت على منصة فيها Suffix للأزواج مثل GBPUSD.ecn أو USD/JPY.ecn و حبيت أغير إعداد Auto Lots ل False حتى أستطيع تغيير اللوت ل مايكرو مثل 0.01 أو 0.02 ساعتها الإكسبيرت بيعلق و لا يقوم بأى شئ غير إصدار صوت تنبيه فقط و فى ال Journal بيكتب loaded successfully معا إنه لا يظهر على الشارت ولا يعمل..الغريب إنى لو إستخدمت نفس المنصة اللى فيها Suffix و عملت Auto Lots false بس كتبت فى خانة لوت 0.1 أو 1.0 أو أى لوت بخلاف المايكرو لوت ساعتها بيشتغل الإكسبيرت عادى و حتى أتأكد أنا جربت الإكسبيرت على منصة FXDD و ديه لا يوجد بها Suffix و كتبت لوت مايكرو فى الإعدادات و إشتغل تمام...المشكلة مع منصة فيها Suffix مثل OctaTrader و إستخدام مايكرو لوت مثل 0.01 ..المشكلة التانية هى ال Spread Filter لا أعتقد أنه يعمل بالشكل الصحيح يا ريت لو حضرتك بس تجربه من عندك سريعاً للتأكد إنه شغال. أنا حاولت أحدد سبريد ٣ نقط و كتبتها 3.0 فى الإعدادات و ضعه على الشارت و بالرغم إنه السبريد كان أقل من الرقم ده مفتحش صفقات.فى إنتظار ردك أخى الكريم..يا ريت نصلح العيوب دى الأول و بعدها نعدل عليه أو نزود خواص جديدة مثل ما الأخ Daher طلب.

بعد المزيد من التجارب على منصة آخرى فيها Suffix المايكرو لوت إشتغل بس الإكسبيرت تأخر حوالى ١٠ ثوانى عقبال ما فتح الصفقة الهيدج..أعتقد الخلل كان فى منصة OctaTrader بالذات و لا أعلم السبب بس الحمد لله إنه شغال تمام لحد الآن..سوف أختبر الإكسبيرت لفترة طويلة و لو ظهرت عيوب جديدة هقولك.. يبقى لنا بس السبريد فلتر يا ريت حضرتك تراجع عليه و تعدله لو فيه مشكله...الشكر موصول لك أستاذ أسامه

السلام عليكم أستاذ أسامه...بعد تجربة الإكسبيرت فترة كافية وجدته يعمل جيداَ..أريد فقط إضافة خاصيه بسيطه لمزيد من التحكم فى صفقات الهيدج...عند تجربة الإكسبيرت و جدت إنه عند وضعه على شارت المجنون مثلاَ لو فيه أى صفقة إتنفذت على الزوج ده الإكسبيرت بيعكسها تمام و لكن في بعض الأحيان أنا بكون فاتح صفقة لفترة طويلة و محدد للإكسبيرت العاكس تيك برفت معين بالنقط..نفترض ٢٠ نقطة مثلا...فى حين إن الصفقة الأساسيية لها ستوب ٥٠ نقطة مثلاَ...فا فى حالة إن السوق عكس ٢٠ نقطة التيك بروفت بتاع الإكسبيرت العاكس بيتفعل و يغلق الصفقة على ربح...ولكن المشكلة إن الإكسبيرت بعض ما يغلق الصفقة بيفتح صفقة عكسية جديدة لو وجد الصفقة الأساسية مستمرة...أريد خاصية نسميها Hedge Once تكون true or false و يفضل الإفتراضى بتعها true ..لو مفعلة الإكسبيرت يفتح صفقة عكسية واحدة فقط لكل صفقة مفتوحة على الحساب و لو الصفقة العكسية أغلقت على مكسب أو خسارة لا يعيد الإكسبيرت تكرار فتح صفقة عكسية آخرى لنفس الأوردر.أما لو الخاصية False يعمل بالشكل الحالى...فى إنتظار ردك أخى أسامة و الشكر مسبوق لك.

للتذكير

يا ريت مستر دولار أو الأستاذ جميل ينفذوا التعديل ده لأنه هام جداً...كما ذكرت هو تعديل بسيط علشان الإكسبيرت بيفتح صفقات مكرره كثيره وده بيعلى الخطوره فى الحساب من غير داعى...أرجو الأهتمام و ده آخر تعديل و نكون إنتهنا من فكرة الإكسبيرت...فى إنتظار رد السادة المبرمجين.

تمت الأضافة والأكسبيرت في المرفقات .

تسلم إيدك أخى جميل و بارك الله فيك...جارى التجربه على منصه ديمو