Printable View
السلام عليكم
هل في احد من الاخوه عنده خبره فى هذا المؤشر ؟
وهل هذه القاعده صحيحه :
http://www.daytradinguniversity.com/...tegySep01b.gif
يقولون اذا كان
If TRINQ > 1.0 and trending up, then we look for weak sectors, as the broad market is falling and we look for breakdown shorts.
واذا كان
If TRINQ < 1.0 and falling (or chopping) then we look for breakout longs and/or reversal bounce longs following selloff.
وهذ الكلام للمضارب اليومي فقط ، عطونا رايكم
هلا بوعبدالرحمن
انا الي اعرفه ان هذا المؤشر اسمه trin
ليش ضافو له حرف الكيو ما ادري اذا كان اهو نفسه فهذا المؤشر يقيس القوه الشرائيه
في موضوع لأخونا دوجي كان مفصل عن هذا المؤشر
اذا كان اهو هذا المؤشر ممكن انسخ لك كلام دوجي لأني حافظ الموضوع بس موحافض الرابط
تحياتي
هلا ابو محمد
يا حياك الله ، والله اعلم انه هذا هو نفس المؤشر وانا اول مره اشوفه اليوم ياريت تحط كلام الاخ دوجي علشان نستفيد كلنا .
وتسلم
الله يحييك ويبجيك يابوعبدالرجمن
شوف ياطويل العمر ومحبوب السلامه
انا راح اعطيك الفيد
تقدر تدش على استوك شارت وتحط رمز المؤشر
وتحط في خانة الموفينق افريج هذه الأرقام
======================================
اذا كنت مضارب يومي وتبي تعرف ان السوق سوق شراء ام بيع في هذا اليوم
حط الموفينق افريج 4 ايام
اذا طلع لك الرقم 0.7 او اقل يعني السوق سوق شراء
واذا كان الرقم 1.25 او كثر يعني سوق بيع لاتدخل فيه في نفس اليوم
============================================
اذا كنت مضارب اسوينق
حط الموفينق افريج 21 يوم
اذا طلع لك رقم 0.85 يعني شراء
اذا طلع لك 110 يعني بيع
======================
اذا كنت مضارب بعيد المدى
حط الموفينق افريج 55
اذا طلع .90 يعني شراء
اذا طلع 105 يعني بيع
واي سؤال انا حاضر يابوعبدالرحمن ترى تمخمخت ايام مع بوعادل على هل مؤشر
تحياتي
وهذا مثال
بالفعل غيرو رمز المؤشر يابوعبدالرحمن
وهذا مثال لتقريب الصوره اكثر
ونظريه تقول ان السوق سوق بيع اكثر من الشراء لليومي والسوينق وخل نشوف باجر
تحياتي
يعطيك العافيه ابو محمد
خلينا نراقب هذا الشئ ونشوفه ، لكن السؤال يطرح نفسه هل من الممكن ان يبدء السوق ويعطي اشارة شراء ثم ينتقل رقم المؤشر الى اشارة خروج فى نفس اليوم ؟ او العكس ؟
ومشكور
بوعبدالرحمن
ممكن تدش استوك شارت وتمخمخ لنا على هذا المؤشر لأن الأرقام الي حطيتها قبل سنتين تقريبا وقبل السنتين كانو يعتمدون على موفينق افريج 10 ايام ممكن صار تغيير في الأرقام مع تغير الأسم وانت لغتك الأنقليزيه قويه ماشاء الله يعني تقدر تتمخمخ لنا
ابو محمد انت صاحب التمخمخ كله وانا مجرد مبتدء ، بسم الله اليوم اول يوم نتعرف على المؤشر هذا
يبيلنا كم يوم على ما نتعلم حركته ونفهم وظيفته و من ثم تجي لعلوم ان شاء الله
وما قصرت يالغالى