مشاركه مهمه عن شرح طريقة سمارت في ألتعامل مع ألستيب :
أخواني هذا شرح لخواص خانة Pip_Step وخواص خانة Sensitive_1
وطبيعة العلاقه بينهم في ألتحكم وتنظيم وقت وماكن وطريقة وضع صفقات ألتبريد بمسافات متغايره
وهما أهم خانتين في الأعدادات
كان سالني عليهم أحد الأخوه في ألمنتدى ألمجاور وكان هذا هو ردي عليه وشرحت له الآتي :
أحنا متفقين على خانة ألستيب ألعاديه معروفه
القيمه الي بنكتبها فيها بتبقى هي قيمة الستيب تمام ؟
ألي هي خانة Pip_Step
طيب في خانه فوقيها ألي هي أسمها Sensitive_1
دي أنا ما كنتش فاهمها ولا مقتنع بيها
وطلبت من ألمبرمجين ألي برمجو سمارت أنهم يحذفوها
وهم رفضوا وكان ردهم أنها مهمه جدا في تنظيم مسافة الستيب الموجوده في خانة Pip_Step
شرحوها أكتر من مره عشان افهمها في الأول
هي عباره عن قيمه كل ما زادت كل ما كان التبريد غير عنيف وبسيط بمعنى أن الأكسبرت مش بيبرد على القيمه المحدده في خانة Pip_Step دايما ولكن يغير مسافة الستيب من وقت الى ألتاني حسب وضع الصفقه نفسها او مجموعة الصفقات المفتوحه
يعني ممكن يفتح على مسافه 5 نقط ومره تانيه على مسافه نقطه بيغير مسافات ولكن في قيم واعداد قريبه نسبيا من القيمه المكتوبه في خانة Pip_Step وكمان من أهم وظيفتها أنها ما تفتحشي مع الخبر العنيف بتلاقي السعر قفز مسافه كبيره لفوق او لتحت حسب الخبر هنا المعادله ما تفتحشي تبريد خالص بالرغم اننا محددين مثلا ستيب 10 في خانة Pip_Step
لكن معادلة السينسيتيف بتتحكم كل شويه وبتغير في مسافة الستيب بس في حدود الرقم المكتوب
بيني وبينك قلت اعمل باك تست واغير في قيمة خانة Sensitive_1 واشوف هل في اختلاف ولا مفيش
عشان افهم أكتر هل وظيفتها مهمه ولا لأ
بدات أكتب في خانة Pip_Step رقم ثابت ومش بغيره وليكن مثلا 2 يعني بقوله اعمل مسافة الستيب كل نقطتين هيفتح صفقة تبريد
وجيت عند خانة معادلة الستيب الي هي Sensitive_1 وبدات أكتب قيم مختلفه ابتداءا من رقم 10
واشغل الباك تست اكثر من مره واكثر من قيمه للسينسيتيف
وفعلا لاحظت أن النتائج بتتغير
لما رقم السينسيتيف بيزيد بيكون أداء آمن وتبريد خفيف وكل ما قللت الرقم اصبح التبريد عنيف
وغيرت على الأمثله دي :
Sensitive_1 =10
Sensitive_1 =50
Sensitive_1=100
Sensitive_1=200
وفضلت ازود بالطريقه دي لغاية
Sensitive_1=2500
ولقيت فعلا ان كل الرقم ما يكبر بيكون التبريد اخف من لو كانت القيمه صغيره
وطبعا كل ده ومسافة الستيب في خانة Pip_Step زي ما هي 10 نقط ما غيرتهاش خالص
عشان بس أفهم خاصية Sensitive_1 بتعمل أيه وتأثيرها أيه
ولما تزودها او تقللها لازم يكون رقم كبير
لأن الأرقام الصغيره مش بتاثر جامد
يعني مثلا ما اكتبشي Sensitive_1=10 وبعدها اجرب مثلا Sensitive_1=20
مش صح لأنهم هيعملوا تقريبا نفس الشغل
انما ازود كل مره مثلا اقل شئ 50 او 100
يعني اول مره اجرب مثلا Sensitive_1=10
وبعد كده اجرب على Sensitive_1=50
وبعدها اجرب على Sensitive_1=100
وهكذا لغاية لما أوصل لرقم Sensitive_1=2500
ده أعلى رقم ممكن يكون آمن في تبريداته
ممكن توصل لرقم 5000 لو عايز بس انا لقيت القيمه 2500 افضل شئ كتبريد آمن
وطبعا خانة الستيب العاديه Pip_Step كل ما كانت قيمة المسافه بتاعة الستيب فيها صغيره كل ما كان التبريد عنيف وخطر
وكل ما كبرت القيمه المكتوبه فيها كل ما كان التبريد خفيف وآمن
يبقى لقيت ألخانتين بيلعبوا مع بعض في ألتحكم في مسافة ألستيب بتاعة ألتبريد
فشغلتهم مع بعض وما لغيتشي خانة Sensitive_1 لأنها طلعت مهمه جدا خصوصا وقت الأخبار العنيفه لو جت عكس الصفقه
أرجوا يكون ألشرح وافي و تكون ألمعلومه وصلت
لو عايز أعدادات آمنه كويسه
معاك أعدادات ألتجربه الأولى الأساسيه فقط
والتجربه الأولى عدى عليها 4 شهور وصمدت في الراليات و ألتذبذب طوال هذه ألمده
دي أعدادات ممكن تبدأوا تختبروها وتضيفوا عليها لمساتكم عشان تبقى أعدادات جديده هادئه وآمنه مثل أعداداتي .
إذن ألخلاصه لخاصية Sensitive_1 أنها خاصه بمعادلة ألتحكم في قيمة ألستيب كل ما زادت ألقيمه ألمكتوبه فيها كل ما كان التبريد خفيف وغير عنيف وكل ما نقصت ألقيمه ألمكتوبه فيها كل ما كان التبريد عنيف .
أخوكم أبو يوسف
