شرطان اساسيان لنجاح اى تاجر - معا نتحد لنصل الى حل
السلام عليكم و رحمة الله و بركاته
بسم الله الرحمن الرحيم
الكثير منا يعناى من مشكلة خطيرة و هى ال او الطمع overtrading
بمعنى ممكن واحد يدخل مثلا اربع صفقات فى اليوم و يجيبوا الهدف و يلاقى فرصتين تانيين فيدخل بلوت كبير فيطير اللى كسبه بل و فوقه خسارة فتكون المحصلة فى التهاية خسااااارة و يصاب بالاحبااااط :no3:
حاجة تانية ممكن تدخل صفقة بلوت كبير و تضرب الاستوب و بعدها تدخل بلوت صغير و بهف كبير و يضرب الهدف و مع ذلك المحصلة خساارة بالرغم من انك موجب نقاط خضرة بس اللوت فرق معاك .. !! :no3:
و حالات كتير مشابهة لذلك
طيب اه الحل ؟؟
انا لاقيت الحل كالتالى من خبرتى فى السوق
يا اما تدخل صفقة واحدة فى اليوم ( كل يوم ) هدفها ضعف استوبها و تقفل الشارت سواء جابت الهدف او الاستوب
او حاجة تانية تدخل مثلا كل يوم 5 صفقات و لا تزيد عليهم
و فى جميع الحالات هانك شرطان اساسيان
1- ان تكون جميع الصفقات بنفس اللوت يعنى لو هتدخل 5 صفقات فى اليوم تكون مثلا النقطة ب 10 دولار لجميع الصفقات و ليس صفقة ب 10 و صفقة ب 5 و الاخرى ب 15 .. ده اكبر غلط
2- ان يكون الريسك : الريورد صغير و لا يقل عن 1:2 او فى اسوء الحالات 1:1.5
ناخد مثال على الطريقة اللى بقول عليها
لو افترضنا انك دخلت كل يوم 5 صفقات كل صفقة هدفها 40 و استوبها 20 و اللوت 10 دولار
لو افترضنا ان 3 صفقات جابوا الهدف و صفقتين ضربوا الاستوب معناه ان
2 * 20 = 40 - 3 * 40 = 120
يعنى المحصلة مكسب 80 نقطة
طيب لو افترضنا انك كسبت اتنين بس و خسرت 3
المحصلة هتكون مكسب 20 نقطة ...
:015:
يا ريت اللى عنده حلول اخرى يتفضل يقولنا ..
و لكم جزيل الشكر
