ورشة التحليل الكلاسيكى

[ahmed usama]

السلام

عليكم ورحمة الله وبركاته
انا مقدرش اقول انى محترف فوركس انا لسه مجرد مبتدا وبتعلم عشان كده علت الورشة دى عشا كلنا نتعلم مع بعض والورشة هتبقى كلها بالتحليل الكلاسيكى ,, يعنى ببساطة السهل الممتنع هنمش مع الترندات والدعوم والمقااومات والنماذج السعرية والشموع بكل سلاسة وياريت كل الناس تشاركنا فى الورشة دى ونضع تحليلاتنا لمختلف الازواج عشان نقدر ندخل افضل الفرص مع بعض .

[mustafa2]

بالتوفيق في الورشة
وان شاء الله تحقق النجاح فيها

[ابــ آدم ــو]

وعليكم السلام ورحمه الله
اهلا وسهلا باشا
ورشه موفقه ان شاء الله

[AmanyRasheed]

ان شاء الله ورشة موفقة خاصا انى مازلت مبتدئة واستعمل الطريقة الكلاسيكية فى التحليل
تسجيل حضور ومتابعة باذن الله وكل يوم نتابع التحليل على الشارت

[dr.ahmed.samir]

السلام عليكم ورحمة الله وبركاته ..

ورشة موفقه باذن الله اخى العزيز ..

كل التحية ..

د / أحمد سميــــــــــــر

[فوركسي فريش]

بالتوفيق يا باشا

منتدانا يزخر بالاعضاء والمواضيع الفذة اللتي يتميز بها دائما

الى الامام ياغالي وتوكل على الله

[ahmed usama]

على بركة الله نبدا من الان
اليورو دولار
التحليل ده انا عامله امبارح بليل على الويكلى والديلى والاربع ساعات والساعة هعرض الويكلى والديلى زى ما عملته امبارح وهحدث الاربع ساعات والساعة بععد تغيرات النهاردة

الزوج على الويكلى ماشى فى قناة حدها الاعلى عند 1.4000 وارتد قبل ما يوصلها واول مقاومة هتقابله هيا 1.3810 فى حالة كسرها والاغلاق تحتها هيكون الطريق مفتوح لحد 1.3340 .
باقى التحليل فى المشاركة القادمة

[ahmed usama]

الديلى

عندنا ترند صاعد قوى على الديلى والزوج عمل شمعة بين بار قوية من 3 ايام بعد ما ارتد من 1.3965 وكما هو الحال على لويكلى مستنيين اول المحطات عند 1.3810 عشان نقرر ساعتها اذا كان الزوج هيبدا يهبط عشان يرتكز على الترند عند 1.3630 ويكسره ولا هيبقى سلوكه ايه .

[ahmed usama]

4 ساعات

على الاربع ساعات الزوج كسر ترند صغير ولو اغلق تحته بشمعة هيتاكدلنا الهبوط ل 1.3810 وبعدها صعود لحد القناة علىالويكلى عند 1.40199 او كسر الترند الكبير وبداية الموجة الهابطة للارتكاز على الترند الكبير على الديلى

[ahmed usama]

فريم الساعة


على فريم الساعة عندنا ترند اتكسر وجارى الاغلاق تحته وعندنا مقاومة عند 1.3850 متوقع ان يتم تصحيح بسيط للاعلى من عندها ومن ثم الهبوط مرة اخرى عند 1.3810 اللى اختراقها او صمودها هيحددلنا الاتجاه القادم لليورو دولالار

[ahmed usama]

ملخص تحليل اليورو دولار ,, الزوج دلوقتى ان شاء الله هابط ل 1.3810 وهيا دى هتبقى النقطة الفاصلة فى استكمال الصعود او بداية هبوط كبير ,, كسرها والاغلاق تحتها هنبدا موجة هابطة جديدة ,, الارتداد منها يبقى الزوج مكمل فى طريقه وهيكسر قناة الويكلى وهنشوف عند مستويا 1.42 قريب

[ahmed usama]

ارجو ان يضيف الاعضاء نظرتهم لليورو دولار واذا كان هناك اى اقتراح من الاعضاء لتعديل طريقة عرض التحليل اتمنى قوله واضافة التحليل بوجهة نظركم حتى نصل الى افضل الفرص للدخول .

[zerogo]

نظرة موفقه اخى
باذن الله تتحقق

[ahmed usama]

4 ساعات

على الاربع ساعات الزوج كسر ترند صغير ولو اغلق تحته بشمعة هيتاكدلنا الهبوط ل 1.3810 وبعدها صعود لحد القناة علىالويكلى عند 1.40199 او كسر الترند الكبير وبداية الموجة الهابطة للارتكاز على الترند الكبير على الديلى

اليورو دولار لسه فى نفس السيناريو زى ما احنا ما اتغيرش

[ahmed usama]

GBPUSD
WEEKLY


ويكلى عندنا مستوى مقاومة عند 1.6737 ارتد منه السعر قبل كده وبكده يبقى الزوج هيروح يرتكز على الترند اللى على الديلى عند 1.6509 ومن هناك نراقب هيقدر يكسره ولا لا