السلام عليكم
ارجو انك تتقبل كلامي بصدر رحب لانه ممكن يكون مختلف مع بعض قناعاتك
بص يا سيدي السوق ده ماشي ازاي ؟؟؟
لنفرض مثلا ان السوق مكون من 100 فرد منهم 95 اشخاص عادية مثلك و مثلي و كل واحد معها 1000 دولار و اسمنا بيكون retail traders
و كدة معناه ان اجمالي حساباتنا يساوي 95000
و لنفرض ان الخمسة الباقيين هما خمس بنوك مركزية و كل واحد معاه 100,000 لوحده
يبقي كدة مجموع حساباتهم 500,000
طبعا عشان السعر يتحرك امام لابد لكل عمليه شراء لابد من عملية بيع مقابلة لها
يعني لو ال100 فرد كلهم باعوا السوق مش هيتحرك
لازم امام كل كمية تم شراءها يكون هناك كمية تم بيعها تمام لغاية كدة
لا مش تمام يتحرك السوق بسبب وجود عملية شراء لم تجد عملية بيع تقابلها
دلوقتي ال95 فرد كل واحد هيحلل بطريقته المختلفة و استراتيجيته المختلفة
و هنا هنلاقي حقيقة صادمة جدا
ان حوالي 90 واحد من ال95 دول مع انهم كل واحد بيحلل بطريقة و استراتيجية مختلفة عن التاني
هتلاقي انهم متفقين يا اما علي البيع او الشراء
كلام سليم لانهم تعلموا من منبع واحد فرغم اختلاف الطرق ظاهريا إلا ان البناء او التركيب الاساسي واحد مثل 2*1=2 4-2=2 اختلفت المدخلات والنتيجة واحدة وإثبات ذلك من الطرق والسوق لمن لا يتفق معك ومعي يحتاج كلام كثير...
و عندي الدليل ((((( المادي ))))) علي كلامي ده هقوله بعدين
تمام كدة يبقي دلوقت هنلاقي عندنا 90 فرد بايع بأجمالي عقود 90 الف
مين بقي اللي هيشتري منهم
الخمس افراد (( الباقين من ال 95 )) بالاضافة للخمس بنوك و دول معاهم سيولة 500,000 + 5000 = 505,000
تتوقع السوق هيمشي مع مين ؟؟؟؟
سؤال تاني هل حد سال نفسه ليه احنا كافراد لو واحد فينا ناجح ممكن يضاعف حسابه 3 او 4 مرات في السنة في حين ان البنوك يتكسب 5 او 10 في المية بس ؟؟؟
لان البنوك زي ما قلنا معاهم كام ؟؟؟
500,000
فلما ياخدوا ال 90 الف بتوعنا
يبقي كدة كانهم كسبوا حوالي 20 % من حسابهم
سبب صحيح ولكنه سطحي قليلا فالسبب الاكثر اهمية انه لا يوجد احد يرفع لهم اموالهم (الرافعة). ولكي تاخذ السبب المصدري او الرئيسي فهو حتي لا ينهار النظام النقدي.
و حاجة مهمة كمان ليه تلاقي ناس كتير تقولك زمان السوق كان بيحترم التحليل الفني و استراتيجيات معينة و دلوقتي لأ ؟؟
انا هاقولك
زمان في 2008 كان نسبة تجار التجزئة ( retail traders ) في السوق قول مثلا 10%
يعني لو اجمالي اللي في السوق 100 الف
فده معناه ان اجمالي حساباتنتا احنا المتاجرين الصغار 10 الاف
و ان حسابات البنوك 90 الف
لكن دلوقت في 2014 و صلت النسبة حوالي 25 % من السوق
عشان كدة التلاعب بقي مفضوح و السعر بقي بيتحرك بطريقة اكثر غرابة من زمان لانه اصبح دلوقت فيه 25 فريسة للبنك فهيحتاج ده منه مجهود اكتر
مش زي ما كان زمان بيسطاد 10 فقط و لكن طبعا دلوقت ربحه هيزيد
يعني تلاقي ترند نموذجي و اتكسر كسر نموذجي و الناس كلها باعت و تلاقي السعر بيطلع و استوباتهم تتضرب بعد كدة نفس الترند السعر ينزل يكسره تاني فالناس اللي كانت بايعة و لسة قافلين علي خسارة يقولك يااااااااااااه لو كنا صبرنا كنا زماننا كسبنا دلوقت في النزول ده و بعد كدة يقوموا بايعين تاني و يقولك المرة دي الكسر بجد و يقوم السعر يطلع تاني يقوموا الناس يقولوا لاااااااا المرة دي مش هنسيبوا ده اكيد هينزل زي المرة اللي فاتت
يقوم ساعتها السعر ما ينزلش خالص و يطير بيهم لفوق و يتمرجنوا و بعد ما يتمرجنوا تلاقي ناس تانية دخلت شراء ليه ؟؟
يقولك لانه كدة لما طلع قوي كسر مقاومة فظيعة و هانستنا الريتست و نخش و فعلا السعر ينزل شوية يختبر المقاومة اللي كسرها تقوم الناس تشتري و من هنا يقوم السعر واخدهم و مسافر لتحت
اللي انا بقوله ده بيحصل و لا لأ يا جماعة ؟؟؟؟؟؟؟؟؟؟؟؟؟؟
صحيح بيحصل... ولكن ليس السبب هو ما عرضته بخصوص ارتفاع اعداد تجار التجزئة او الأفراد العاديين بالسوق. ولكن السبب هو تقييد الروافع في الاقتصاديات الضخمة كامريكا واليابان فالكثير من اصحاب الاموال الذين يعيشون في البلاد التي تم تقليل روافعها اصبح لديهم نفس اطول وازداد الوعي باضرار الرافعة ونتيجة لذلك حرق الحسابات اصبح يتطلب عدة معارك طويلة. وايضا بسبب ارتفاع عدد وحدات النقود بالعالم (بعد ازمة 2008 تم انتاج سيل جارف من النقود).
اذن
عشان تنجح في الفوركس في الزمن اللي احنا فيه ده
لابد من الاتي
1- ان تسير عكس القطيع
2- ان تعمل بموني منجمنت عبقرية
3- ان تعمل بستوب
5- ان لا تعمل باستراتيجية ثابتة بل اعمل بخبرتك الشخصية كل ما تعلمته سواء فني او كلاسيك او مؤشرات
طبعا فيه سؤالين مهمين دلوقت
فين الدليل المادي اللي انت قلت عليه من شوية ؟؟؟
ازاي نعرف القطيع ماشي ازاي عشان نسير عكسه ؟؟؟
الاجابة هتلاقوها في موضوع الاخ وضاح عطار ده
https://forum.arabictrader.com/t183223.html
و السلام عليكم و رحمة الله و بركاته
