هل هذا راس وكتفين

ماذا يعني هذا الشكل هل هو (نموذج راس وكتفين ) وكيف يمكن الاسفتادة منه ؟
افيدونا افادكم الله

اي نعم نحن السهرانين ... بنعد النجوم زي ما انت شايف كده:star: عد معايا يا ابو حمادة لاحسن انا بفصل شحن كل شويا :)

النموذج ده يا غالي اسمه الكوب والعروة (العروة يعني ايد الكوب)

وممكن نقول كوز وعروة او كوع وركبة يا سيدي مش حتفرق الاسماء هو احنا حنطلعله بطاقة :)

نموذج الكوب والعروه ده نموذج استمراري اي بوليش

يعني لو جه بعد اتجاه صاعد لابد يكون صاعد

وهنا بالرسم مكتوب كل شئ

ولكن لابد ان تكتمل العروة

وذلك بشيئين اما ان يرتد السعر من مستوياته الحالية قليلا فيبدا تشكل طرف العروة
او
يصعد السعر ويمر من خط المقاومة ويقفل فوق خط الكوب والعروة ويكون وقتها فيه تداول كبير

وندخل بعد الاقفال شراء والوقف تحت خط المقاومة القوي

الهدف يكون مقدار المسافة من خط المقاومة الى قاع الكوب

ملاحظة هامة لابد ان يكون جسم الكوب من 12% الى 50 % من الترند القديم الصاعد والعروة يكون مقدار نزولها او قاعها حوالي 5% من الكوب وهنا مر الكوب لاسفل الترند القديم الصاعد بس ان شاء الله خير

وملاحظة اخرى تظهر النماذج بشكل واضح في برامج الرسوم (الشارت) من النوع الخطي او البارات اكثر من الشموع

يارب اكون افادتك حبي حماادة زكي

وليا عتب عليك يا اخي حتى لو كنت نايم مش سهران ازازتين مويا وفرغهم على راسي وانا اقوم ارد يا جدع داحنا اخوات :) اوعى لاحسن اخد برد :)

اتشرفت بالمرور على موضوعك حبي

ده ايه الجمال اللي انتو فيه ده
المنتدى رائع وردود رائعة واعضاء وزوار ومشرفين اروع
جزاك الله كل خير