النتائج 1 إلى 2 من 2
الموضوع: وهنا ازبهل الجميع
- 21-12-2013, 11:27 PM #1
وهنا ازبهل الجميع
احد الاطباء يحكي موقف حصل معاه:
بعد ما خيطت العيل غرزتين في وشه ، وأمه وخالته خرجوا بيه ، ألاقي جدته راجعة لي وتقول لي:
- "بالنسبة للجرح يا دكتور، أنا عاملة ملوخية النهاردة"
طبعا أنا رفعت حواجبي الاتنين ، محاولا إيجاد العلاقة بين الجرح والملوخية ابتسامة)
قلت أكيد الخياطة عجبتها ، وعايزة تكافئني بطبق ملوخية .. هو صحيح أنا ما فطرتش ونازل الشغل على لحم بطني ، بس هل شكلي يوحي إني جعان ؟ ابتسامة)
ولا معهاش فلوس تدفع فبتعزم عليا بملوخية ؟
عالعموم، طبق الملوخية أحسن من مليون ماهية
سألتها وأنا لسه رافع حواجبي ومتنح: "إيه العلاقة بين الملوخية والجرح حضرتك ؟ "
ردت علي وقالت: "أصل أنا عاملاها بالتقلية" ابتسامة)
أنا في سري: "انت جاية تجوعيني بقى"
- "أيوة برضه حضرتك مش فاهم إيه دخل التقلية في الغرز " ابتسامة)
- " أصل التقلية فيها توم" !
بصيت برضه تاني بالحاجب المرفوع:
"وإيه دخل التوم بالجرح يا حاجة ؟"
- "أصل سمعت إن التوم بيبوظ الجرح"
فافتكرت ساعتها الاعتقاد الشعبي السائد بضرر التوم على الجروح، وقلت لها: "ﻷ، ملهوش علاقة، ياكل ملوخية عادي"
-" ﻷ .. هو مش هياكل ملوخية عشان مش بيحبها، بس ينفع يشمها ؟" ابتسامة)
- "ممكن ، بس لبسيه ماسك زي بتاع أنفلونزا الطيور كده عشان الغرز متفرقعش" ! وهنا ازبهل الجميع
- 22-12-2013, 09:26 PM #2
هههههههههههههههههههههههههههههه
تسلم يا غالى