4 مرفق
صفقه ب 280 نقطه على اليورو دولار
السلام عليكم
جيداء بتسلم عليكم و بتقولكم اشترو اليورو دولار :)
الملف المرفق 384943
ليه بقه نسمع كلامها؟
امبارح قالتلى بص على شارت اليورو دولار فريم الساعه شايف ايه؟
انا : شايف تصحيح هابط ضعيف هبط 106 نقطه فى فوق ال 100 شمعه
جيداء:طيب ده كلام تصحيح هابط ضعيف يبقى شوف الفريم الكبير كده يا بابا
لقيت الشكل ده على اليورو 4 ساعات
الملف المرفق 384944
انا : شايف قدامى تصحيح abc مثالى رسم ال a و الb و هايهبط بقوه يصحح ال c
جيداء : و متوقع نشوف اخر التصحيح فين؟
انا : عند 3434 عشان ال a غالبا مساويه تماما للc
و ده كمان شبه متطابق مع اخر مقاومه مكسوره
الملف المرفق 384945
يعنى منطقه ارتداد متميزه جدا تشير لاستمرار الصعود بشكل ايجابى و تصحيح صحى جدا
جيداء : تفتكر هدفه فين يا بابا؟
انا : الهدف الاول هو قمه ال a عند سعر 3570 يعنى تارجت 135 نقطه
و الهدف التانى هو اول مقاومه على الديلى عند سعر 3710 بتارجت 280 نقطه
تفتكرى يا جيداء الاستوب فين؟
جيداء : نحط الاستوب عند 3310 تحت اخر قمه حقيقيه و نتريل الاستوب ورا القيعان المتكونه
انا : لا ناصحه يا بت طالعه لابوكى :))
الشكل الاخير للصفقه
الملف المرفق 384946
جيداء : طيب لما تجيب تارجت ان شاء الله هاتلى حاجه حلوه :)
انا : شكلك جايه على طمع ربما يسهل
جيداء
متنساش متدخلش باكتر من 3 لحد 5% من راس المال
انا : متخافيش بس يا ريت محدش ميسمعش كلامك
جيداء: خلاص انا هانام بقه بس متقولش فى المنتدى على الصفقه
انا : لا عيب عليكى
فادينى بقولكم محدش يقول لجيداء على الموضوع
تصبحو على خير
