كله بعد انتهاء الامواج بيظهر ويقولك بص هنا دخلنا وكسبنا واسبابنا كانت الشمعه الفلانية والخط العلانى والبتاعه اللى عامله كده ومبروك للى لحق واحنا اصلا قاعدين منتظرين حد يقولنا كلمة لوجه الله ..............ولا حول ولا قوة الا بالله
قبل اى اضطراب تلاقى كله فجحرة ومحدش يظهر يقول لنا كلمة او توجية ولكن بيظهر الجميع بعد خراب مالطه وكمان يحرقو دمك ويقولولك مبروك كسبنا 60 الف نقطة فساعه والسبب اللى على الشارت قدامك الخط الفوشيا ده كان ماشى كده بالجنب والشمعه العسولة ام ديل منقط دى وبص بقى الشكل السحرى ده هو اللى جاب النقط دى كلها ومبروك للى دخل معانا اكيد بقى مليونير
شىء مستفذ كله بيبقى استاذ تحليل بعد انتهاء الكارثة وكله بيبقى فناااان فى تحليل الساعات الماضية اما القادم ........ولا الهوا كله بيفتى ..........
خلاصة القول فى الفوركس
السيناريو بيتكررر كل فترة تبقى فى مؤشرات كتير على ان السعر هياخد اتجاه معين وليكن صعود
ويقعد يزل فأهالينا شهرين لغاية منتشل ويجلينا جلطات وبعد ما خلاص نصرف نظر يقوم سيادتة مستعبط وملبسنا فى الحيط ورايح للاتجاه المعاكس
وهكذا بقى كل مده مع كل زوج شوية ........... مش هقول محدش بيكسب بس اللى بيكسب مش أحنا عشان احنا بنستلف ونتاجر وبنتاجر بكل اللى نملكة ....اما هم العكس
الفوركس لعبة خطيرة تعيشك ملك او تموتك منتحر ........الفكرة ان كل التحاليل والحركات دى بانواعهها ما هى الا تغييب ذهنى وشىء يجعلوك تؤمن به تماما وتمشى وراءة ثم يخدعك فجأة وتضيع ويضيع كل ما جنيتة او ما ملكتة
تحياتى
