سؤال مهم عن جميع انواع و طرق التحليل
السلام عليكم و رحمة الله و بركاته ...
عندي سؤال طرأ في بالي اثناء التفكير في مدى واقعية التحليلات و المؤشرات و الكلام دة ... علما بأني ما زلت مبتدأ فوركس...
اللي انا فاهمه ان اللي بيخلي السعر يرتفع و ينخفض على الشارت هوا قوى الشراء و قوى البيع يعني بسبب سلوك المتاجرين سواء بالشراء او البيع ... و طبعا بيتصرفوا المفروض بناء على الاخبار و ما الى ذلك ... اذا كان كدة فعلا هي دي الية تغير السعر كل لحظة ارتفاعا و انخفاضا ... فازاي ممكن مجرد رسوم بيانية او خطوط " دعوم و مقاومات مثلا " او شيء بيترسم على الشارت .. ازاي ممكن الحجات دي تغير من الية التغير في السعر !!! اتمنى يكون سؤالي مفهوم و اتمنى اجابات من الاخوة ...
و شكرا جزيلا
1 مرفق
رد:سؤال مهم عن جميع انواع و طرق التحليل
اجمل حاجه انك سألت سؤال منطقى جدا ..
...................
احييك على هذا السؤال
كده انت بتفكر صح
.................
لو بالمنطق
التحليل بينقسم لجزئين
الاول : تحليل اساسى ( اخبار واوضاع اقتصاديه وكلام من دا )
التانى : تحليل تقنى ( او كما يطلق عليه تحليل فنى )
....................................
الاول : التحليل الاساسى
ودا بيديلك رؤيه عن اتجاه اقتصاد الدوله صاحبة العمله
والعمله مرتبطه دايما بأقتصاد الدوله ويعتبر سعر صرف العمله مؤشر لقوة اقتصاد اغلبية الدول
( مثال صغير : الجنيه المصرى والدولار الامريكى )
..............................
الثانى : التحليل التقنى , او التحليل الفنى
التحليل الفنى هو تحليل لحركة الاسعار على الرسم البيانى
,,
يعنى انت قدامك رسم بيانى ( اللى هو الشارت ) بيرصد حركة الاسعار بشكل مستمر
التحليل الفنى بيعتمد على مراجعة الحركة السابقه ومنها يقوم بتوقع الحركه القادمه
,,
التحليل الفنى متشعب وفيه انواع كتير
منها التحليل الكلاسكى ( خطوط ترند ونماذج سعريه وقنوات وقمم وقيعان )
ومنها التحليل الموجى ( موجات اليوت )
ومنها التحليل التوافقى ( نمازج الهرمونيك )
ومنها التحليل الرقمى ( زى معادلات البايفوت و متسلسة الفايبوناتشى )
ومنها الزمنى والفلكى ( حاجات معرفهاش الصراحه .. زى اساليب جان )
ومنها اى اساليب اخرى يمكنك من خلالها توقع الحركه القادمه بناءاً على الحركه السابقه
( مؤشرات بقى وتوليفات واستراتيجيات مختلفه تساعد على توقع الحركه )
................................................
دى كانت مجرد مقدمه
....................................
زى ما قولنا المحلل الفنى بيحلل حركه
واساليب التحليل دى كلها ناتجه عن ملاحظات على سلوك الحركه والناس اكتشفتها وبدأت تنتشر
زى اليوت كده واسلوب ترقيم الموجات واللى اتبنى عليها مدارس كتير طورت فى الاسلوب وتعمقت فيه اكتر
وزى الهارمونيك اللى بيكتشفو فيه نمازج جديده كل شويه
وزى التحليل الرقمى اللى الناس كل يوم تطلع بمعادلات قويه لتحديد الاسعار القادمه
..............................
بالنسبه لسؤالك عن الخطوط اللى بتترسم على الشارت (سواء خطوط ترند قنوات دعوم ومقاومات مثلثات مستطيلات موفينجات .... الخ )
هذه الخطوط لا يمكنها ان تؤثر فى السعر ... لان انت اللى رسمها بكل بساطه .. ومش انت اللى بتحرك السعر
,,
انا هكلمك عن الكلاسكى من وجهة نظرى لانى بستخدمه
,,
الكلاسكى بيعتمد على سلوك ونمط حركة السعر فى الاساس
فالسعر دائما يسير بحركة زيجزاجيه مكوناً قمم وقيعان
,,
القمم والقيعان هى الاساس فى التحليل الكلاسكى والاعتماد يكون عليها دائماً
لما بتوصل ما بين القمم والقيعان دى بتلاقى اشكال ونماذج
....
هناخد مثال بسيط ( القنوات السعريه )
على اليورو دولار
https://forum.arabictrader.com/attac...1&d=1377057677
لاحظ حركة السعر هتلاقيه ماشى فى قناه سعريه ( القناة السوده المقطعه )
لاحظ داخل هذه القناه لو وصلنا القمم والقيعان الصغيره ( ممكن تشوفها بوضوح على فريم اصغر )
هتلاقى برضو قنوات سعريه
المهم خلينا فى القناه الكبيره
عندك الحد العلوى للقناه
هنسأل السؤال بتاعك
هو الخط اللى انت رسمه كل اما السعر يطلعله يخبط فيه وينزل
الاجابه طبعا لاء
طب ليه بينزل منها
لان القناه السعريه هى عباره عن حدود سعريه زمنيه
السعر اتحرك بأنتظام داخل هذه الحدود للوصول الى منطقه سعريه معينه فى وقت زمنى معين
( طب ليه برضو انتظم داخل حدودها عشان يتدلع شويه ويستهلك وقت عشان مفيش احداث جديده لحد لما يجى وقت الخبر الفاصل ... يكون فى المنطقه السعريه المطلوبه ويقدر يتحرك منها )
,,
فانتظام السعر داخل قنوات سعريه ناتج عن استهلاك السعر للوقت ( الارتداد من الخط )
اما عدم انتظام السعر ( يعنى لو كسر القناه لفوق ) فاناتج عن رفض السعر للوتيره السابقه التى كان يسير عليها وتحرره من قيود الانتظار .. ( كسر الخط )
...........................................
يارب تكون الفكره وصلت
واسف على الاطاله
.................
تقبل خالص تحياتى