:00006:
استاذي العزيز ...
انا بشارك في منتديات كتير على التوازي
منها الأعمال والطبي و العام و المصري و الأجنبي ..
بدأ أعاني في البداية من القصص دي انها بتنحط على المنتدى وياه ...
كل الأنبهار اشوفه في القصه
وبجد ... كنت فعلأً بمشي وراها
وايميلات من هنا و هناك و اديها FORWARD و قصص
(الكلام دا على مدار آخر 4 سنين على الأنترنت)
جت بعد كدا مجموووووووووعه من القش اللي بجد قسمت ظهري تماماً
آخرها الموقع اللي اكتشفته اللي هوا الليبرالي
وقبلها القصة بتاعت البنت اللي اتحولت لمعيسلانه ( عرسة بالمصري) واللي نزلت في الجرائد (لك ان تتخيل ) :eek: ... مهزله
جريدة رسمية و أخرة عريقة جداً ... ومنزله قصة مطوله جداً كانه حديث الموسم عن البنت دي
وفي الآخر كان تصميم واحد عامله على برنامج المايا و تم تصميمه في متحف للشمع بعد كدا ( تخيل )
في احد المواضيع (هنا ) في المنتدى بتاع صورة الشجرة الراكعه و ان في ناس واقفه وراها و ما إلا ذلك ... الصورة ... ولنقل الرسمه الأصلية لدكتور جراحة قلب في جامعه القصر العيني هنا في مصر ... وهوا اللي راسم الصورة دي ... والناس دي مش موجوده ... والصورة في الأصل ملونه (وان شاء الله لو توفر وقت ... راح اجيبها لك ) ... تخيل تم التعديل على الصورة ووضع ناس وراها و تغيير الوانها وما إلى ذلك ... وبعدين في النهاية ... كتابة القصة المرافقه
تعرف الدكتور دا حصلوا ايه ؟؟
جلطه ... ومات ( ودا خبر يقين عن ناس مقربه منو ):0003:
نيجي لموضوع الأحكام العامه ...
يا استاذي الكريم .. كونك صدقت اي موضوع من المواضيع دي لا يثبت انه حقيقة
اولاً انا اتناقشت فيه مع اعضاء كبار في منتديات تانية ( زي منتدى عمرو خالد ومنتدى هريدي )
وتدخل ناس متخصصه سواء مجال الطب او البحث او ما إلى ذلك ...
وكان النتيجة النهائية اللي انا كاتبها ليك
والموضوع دا انا في كل منتدى بدخله بكتبه تجنباً للضرر وزيادة الفائده
فا انا مش بطلق احكام عامه او عمياني بخلط فيها الحابل والنابل
ثانياً استاذي ... في حاله ورود اي اعتراض على نقطه او موضوع انا كذبته ... حضرتك ممكن ندخل مناظرة ونشوف مين اللي يربحها ( ولكن بدون جدال :0031: )
ثالثاً بخصوص النقطه الخاصة بـ 1400
انا مقلتش 1400 ... انا قلت بالضبط
ومين قال ان في 1400 ماده معروفه ؟؟
ايه تعريف المادة بالنسبة له ؟؟؟
اذا كان يقصد عناصر فا دي كذبه
واذا كان يقصد مركبات ... فا برضو دي كذبه
واذا كان يقصد جسيمات ... فعددها اكبر بكتير من ال 1400 بتوعه يعني برضو بيكذب https://forum.arabictrader.com/showthread.php?t=16762 يعني انا مقلتش اللي حضرتك قلتو آخر نقطه ... ايه هدف اننا ننشر موضوع زي دا ... ساب كل معجزات الدنيا من سماوات و ارض و خلق وخلائق وكل شئ في الكون ... وراح ناظر لي على قالب من الحجر غريب الشكل أو بطاطس او طماطم ... هيا دي اللي هتذكره بالدين و تصحي اليقين عنده و تقوي ايمانه ... انو شاف ثعبان براسن ولا غيره ... مش حرام ده ؟! وبعدين انا بعتلك الموقع اللي الاخوة العرب فيه قاعدين يألفوا فيه قصص وينشروها ونظام مسابقة على اللي يخترع قصه وتكون اكثر قصة شعبيه ... بيدحكوا العالم كلو علينا حرام والله :00012: GM