رد:الي عقلاء الفوركس ...... هل من مجيب للعقلاء فقط
تخيل كده جينا في يوم وطلع محافظ البنك المركزى المصرى قال احنا هنعوم الجنيه
وهنخلى سعره يقل
تخيل كده
شكل شارت الجنيه مقابل الدولار هيبقى عامل ازاى
...............
ولا دعوم ولا مقاومات هتقف قدامه انا متفق معاك ( لان الدعوم والقاومات ما هى الا اسعار تاريخيه )
هى كلمه واتقالت فى مؤتمر صحفى
ايه اللى هيحصل ؟!!!!
............................
نضرب مثل تانى بالدولار قدام الجنيه
السعر عدى ال 6 جنيه بعد الثورة
والناس مكنتش قلقانه اوى ( فى تفاؤل ان الثورة خير والفلوس المسروقه هترجع و وكل واحد قاعد يحسب الفلوس المسروقه دى لما ترجع هيبقى نصيبى كام وكلو بيحلم وكلو متفائل ومفيش خوف )
وحده وحده التشاؤم زاد
و وصل السعر 6 و20 قرش
يدوب وصل ل 6و30 قرش
و 6 و37 قرش
وتلاقى الناس اتسرعت على الدولار
تلاقيه فى السوق السودا معدى ال 7
والتشاؤم كل يوم بيزيد
و دلوقتى سعره فى البنوك تقريبا 6,85 الرسمى
وفى اشاعات بتقول انه فى السوق السودا ب 9 :yikes3:
..........................
سؤال لو الجنيه موجود فى الفوركس هتشترى ولا هتبيع فى الاحداث اللى مصر بتعيشها دى :Emoticon1:
..............................
قيس عليها اليابانى
لما يبقى الناس خايفه تشترى ين عشان عارفين انه كده كده فى خطه للحكومه عشان تنزلو سابع ارض
.............................
ممكن تقرا التقرير دا
قفز المؤشر نيكي القياسي أكثر من 4 في المئة أوائل التعامل في بورصة طوكيو للأوراق المالية يوم الجمعة متخطيا مستوى 13 ألف نقطة للمرة الأولى منذ أغسطس آب 2008 وقد لاقى دعما من إعلان بنك اليابان المركزي عن برنامج تحفيز واسع لإنعاش ثالث أكبر اقتصاد في العالم.
تراجع الين مقابل جميع العملات الرئيسية بصورة عنيفة عقب قرارات بنك اليابان و هو ما انعكس بالايجاب على قطاع الصادرات الياباني خاصة شركات التصدير ، ارتفعت أيضا اسهم قطاع البنوك و شركات العقارات نتيجة التفاؤل الشديدة تجاه الأوضاع القادمة للاقتصاد الياباني.
فاجأ البنك المركزي الياباني الأسواق أمس الخميس بتعديل كلي لسياسته النقدية إذ تبنى هدفا جديدا لميزانيته وتعهد بزيادة حيازته من السندات الحكومية إلى مثليها خلال عامين سعيا لإنهاء انكماش الأسعار المستمر منذ عقدين تقريبا.
وفي أول اجتماع لتحديد السياسة النقدية برئاسة المحافظ الجديد هاروهيكو كورودا غير البنك هدف سياسته النقدية إلى القاعدة النقدية بدلا من سعر الفائدة لأجل ليلة المحدد بنطاق بين صفر و0.1 بالمئة.
وقال البنك المركزي في بيان "سيقوم بنك اليابان بتنفيذ عمليات في سوق النقد حتى تزيد القاعدة النقدية بمعدل سنوي يبلغ نحو 60 تريليون ين إلى 70 تريليون ين (645 مليار دولار إلى 755 مليار دولار ) .
وأعلن البنك أنه سيشتري سندات حكومية طويلة الأجل بأكثر من سبعة تريليونات ين (75 مليار دولار) شهريا ، وسيعزز البنك أيضا مشترياته في صناديق المؤشرات بواقع تريليون ين سنويا وفي الصناديق العقارية بواقع 30 مليار ين سنويا.
واتخذ البنك هذه القرارات بإجماع الآراء إيذانا ببدء حملة كورودا للتيسير النقدي الجريء بهدف الوصول إلى المستوى المستهدف الجديد للتضخم وهو اثنين بالمئة.
ارتفع الين مقابل الدولار الأمريكي إلى مستوي 97 ين للمرة الأولى منذ آغسطس 2009 م و قفز الدولار الاسترالي إلي أعلى مستوى في اربعة اعوام ونصف أمام الين .,, منقول ,,
المشكله اننا مبنحطش فى اهتمامنا الاجتماعات المهمه اللى زى دى وبنبقى عايشين جوا الشارت ولا فى دماغنا
بس للاسف انا مليش فى اليابانى ولا بفهم يبانى ولا ليا فى التحليل الاخبارى ولا اعرف ازاى اصلا اتابع المؤتمرات دى لايف وافهمها واحللها واربطها مع الشارت
عشان كده العقلاء و قدماء المحاربين داخل هذا السوق دايما يقولو ابعد عن السوق وقت الاخبار المهمه ( زى المؤتمرات و الاجتماعات و اعلان اسعار الفائده وخليك حذر )
رد:الي عقلاء الفوركس ...... هل من مجيب للعقلاء فقط
اقتباس:
المشاركة الأصلية كتبت بواسطة corsair
متشكر اوى علي ردك بس الموضوع ان السعر دا الين الياباني موصلوش تقريبا علي ما اتذكر من 2008 ومش غريب علي الباوند انة يوصل للسعر دا لانة كان قبل كدا عند 250 بس في حاجة حصلة اسمها ازمة اقتصادية عالمية وهي ال جرت الزوج دا لترند هابط علي المدى دا كلة طيب دلوقت لما عملة تصعد قدام عملة تانية تقريبا 850 نقطة في يومين علي فكرة دا لو كان حصل مع اي عملة تانية غير الين انا كنت قلت عليها انهيار بس دا الين يعني ناس عارفة هي بتعمل اية ودماغها شغال اوى بالرغم ان البنك المركزى الياباني مغيرش من سعر الفائدة لا البنك المركزى الياباني ولا البنك المركزى الانجليزى يبقي اية ال حصل ؟؟
هو طبعا 850 كتير جدا
بس الخبر بيقول وقال البنك المركزي في بيان "سيقوم بنك اليابان بتنفيذ عمليات في سوق النقد حتى تزيد القاعدة النقدية بمعدل سنوي يبلغ نحو 60 تريليون ين إلى 70 تريليون ين (645 مليار دولار إلى 755 مليار دولار ) . "" دى انا مش فاهمها الصراحه بس شكلها مهمه "" وأعلن البنك أنه سيشتري سندات حكومية طويلة الأجل بأكثر من سبعة تريليونات ين (75 مليار دولار) شهريا ، وسيعزز البنك أيضا مشترياته في صناديق المؤشرات بواقع تريليون ين سنويا وفي الصناديق العقارية بواقع 30 مليار ين سنويا. "" ودى كمان معرفش تأثيرها يبقى ايه "" واتخذ البنك هذه القرارات بإجماع الآراء إيذانا ببدء حملة كورودا للتيسير النقدي الجريء بهدف الوصول إلى المستوى المستهدف الجديد للتضخم وهو اثنين بالمئة. بس التيسير الكمى دى بقى عارفها
كده هيعومو الين لحد ما يوصل لهدف تانى جديد غير اللى كان مقرر تقريبا
يعنى هما كانو عايزين يغرقوه فى الاول بس غيرو رأيهم وقالك احنا نفطسو اسهل واسرع
عشان نوصل بالتضخم لنسبه اقل وهى 2% تقريبا على حد علمى والله اعلم
وياريت لو فى حد ليه فى التحليل الاساسى يفهمنا يكسب فينا ثواب
رد:الي عقلاء الفوركس ...... هل من مجيب للعقلاء فقط
الخبر دا كان على الاسترلينى امبارح على رويترز
.....................................
لندن (رويترز) - قرر بنك انجلترا يوم الخميس ألا يضخ مزيدا من السيولة في الاقتصاد البريطاني بالرغم من قرار جديد لوزير المالية يسمح للبنك بالتغاضي عن ارتفاع معدل التضخم فوق المستوى المستهدف.
وقال البنك المركزي إنه لن يضيف إلى مشترياته من السندات الحكومية التي بلغت قيمتها 375 مليار جنيه استرليني في الفترة من مارس اذار 2009 إلى أكتوبر تشرين الأول 2012 وإنه قرر إبقاء سعر الفائدة عند مستوى قياسي منخفض يبلغ 0.5 بالمئة.
وكالعادة لم يقدم البنك تعقيبا على قراره ولن ينشر محضر اجتماع لجنة السياسة النقدية قبل 17 ابريل نيسان.
وكانت أغلبية كبيرة من الاقتصاديين قد توقعوا في استطلاع أجرته رويترز أن يحجم البنك عن شراء مزيد من السندات
