الي عباقرة الفوركس هل من مجيب ؟ للعباقرة فقط

[وهمفوركس]

فعلا انا لما فتحت الموضوع كتير قالولي اشعار في انفسهم وعن طريقة متاجرتهم ال بتتعدى نجاح 89 % قلتلهم حد يديني دليل علي صعود المجنون النهاردة ال يقولي البنك المركزى وال يقولي عشان الين صعد انا اصلا مش فاهم ين اية دا ال صعد المهم يعني وال يقولي اصل لو قامت حرب نووية الساحر الي 137 ودى هدية مني لك وبعد 20 ولا 30 سنة حتي لو الهدف اتحقق يقولك مش قلتلك وادى المشاركة بتاريخ كذا وهي اصلا بتيجي مع الهبل دوبل فين الدليل في كل دا كلام وخلاص اكبر دليل ان كل الناس بتهجص والله لو في حد تنبا بالسعر دا كان رقص في المنتدى وجاب مشاركاتة حتي لو من الف سنة فاتت ويقولنا بصوا مش قلتلكم ومحدش صدقني بس الكل عامل نفسة هندى عشان دا مفاجئ للكل اصلا

هذا كلام نسوان .اعتقدت انني اتكلم مع شخص راشد واذا بي

اليورو ين الى 134 ولن تنتظر لاسنة ولا سنتين

[مغربي]

كثرت الفلسفة .......

سر الفوركس هو اسكالبينح بهدف 3 الى 5 نقط

واستوب 10

اي اذا خسرت صفقة . لازم تربح 3صفقات وتغلق الشارت

مع تحياتي لكم

[corsair]

هذا كلام نسوان .اعتقدت انني اتكلم مع شخص راشد واذا بي

اليورو ين الى 134 ولن تنتظر لاسنة ولا سنتين

طيب ممكن تقولنا حيوصل امتي ولو اني مش مقتنع يعني بس عشان الناس تبقي شاهدة عليك مش اكتر الهدف دا حيوصلة في حدود قد اية

[corsair]

السلام عليكم اخي الكريم بي النسبة لي سبب صعود الباوند ين كا هناك نموذج بات علي الزوج وهو سبب الصعود اكتر من 450 نقطة وهناك من استفاد من هد النقط والحمد لله

النموذج دا مش مثالي يعني لو حد كان جابلك النموذج دا قبل الحدث مكنتش انت شخصيا حتوافق علية وانت متاكد وعارف ان النموذج دا مش مثالي بس فعلا بعد الحدث يكثر المفسرون

[وهمفوركس]

طيب ممكن تقولنا حيوصل امتي ولو اني مش مقتنع يعني بس عشان الناس تبقي شاهدة عليك مش اكتر الهدف دا حيوصلة في حدود قد اية

ليس المهم ان تقتنع انت .المهم ما اقوله انا لك.الزمن لست منجما لأقول لك متى ولكني اتوقع بنهاية هذا الشهر يكون واصلها.وحتى لا نذهب بعيدا اليك صفقة ستتحقق غذا ان شاء الله وهي على الباوند استرالي شراء ماركت وهذف 150 الى 250 نقطة .

[corsair]

ليس المهم ان تقتنع انت .المهم ما اقوله انا لك.الزمن لست منجما لأقول لك متى ولكني اتوقع بنهاية هذا الشهر يكون واصلها.وحتى لا نذهب بعيدا اليك صفقة ستتحقق غذا ان شاء الله وهي على الباوند استرالي شراء ماركت وهذف 150 الى 250 نقطة .

لا اله الا الله اهو كلامك دا كدا بقي تنجيم عشان الزوج دا بيمر بمنطقة مقاومة قوية جدا جدا جدا وحاول اختبارها عدة مرات وفشل في الاختراق

[Challenge]

السلام عليكم ، شوف كيف تعاملت أزواج الين مع الخطوط البيضاء الثلاثة من بداية الترند من شهر نوفمبر إلى اليوم بالتحديد

[ابو فيصل2002]

أنت أديت اللي عليك من فهم و دراسة و معرفة لكن التوفيق و الرزق بيد الله سبحانه و تعالى فقط لا غير نحن نعمال بالأسباب و نجتهد

[عبدالله العرجي]

السلام عليكم
ما تحتاج عباقرة

[وليد الحلو]

السلام عليكم
كل حالكم يا أخواني

في البداية أحب أحي كل الاخوة اللي قاموا بالرد عليك فما شاء الله دائمًا كعرب فينا الخير وأنا متأكد أن أضعاف هذا العدد كان ينوي الرد مثلي تمامًا ولكنه خشي من الدخول في جدل أو مناقشات لن تفيده في شئ وفي اعتقادي لن تضيف لأحد الجديد خصوصًا أن أجابة سؤالك كانت خلاصة تجربة وممارسة وألالاف الصفقات، فهناك فرق أن تعرف المعلومة وأن تنفذها صحيحًا.

أعتقد الأخوة تكلموا بما فيه الكفاية عن الاحتمالات وأهمية الخبرة، أنا شخصيًا لا يهمنى أن تعرف أسم الشمعة ولا حتى نسب الفيبوناتشي ، يهمنى أن تعرف كيف تتاجر بها جيدًا وهنا أشيد بأحد الاخوان رأيته يشيد بأبسط أدوات التحليل الفني وهي الموفينج أفريج.

وأيضًا حابب أوضحلك أن مش كل حركات السوق يجب أن تجد لها تفسير ومش كل تحركات السوق بيكون لها تأثير محدد، وأيضًا مش معنى أن توقعك صح معناه أنك تخسر والعكس صحيح، أخي العزيز أنا زيي زي بقية الأخوة هنا نتمنى لك الخير أهدأ وأعد ترتيب أوراقك ممكن جدًا يكون هذا السوق غير مناسب لك أو محتاج مجهود وتأهيل اضافي للتعامل مع هذا السوق.

وفي النهاية أنا أمس تنبأت بصعود الين ولو كان كرودا لم يبدأ بالتسييل الكمي الخرافي اللي عمله اليوم كنت هخسر وكان هيبقى شكلي وحش ونفس الموضوع كان على المحفظة الفنية الخاصة بميريل لنش التابعة ببنك أوف أمريكا باعت الدولار ين من 93.50 وضربوا ستوب النهاردة وشكلهم بقى وحش ولكن في النهاية هذه المحفظة بتحقق أرباح سنوية مميزة وما حدث لم يقلل في خبرتهم فهم يكسبون أكثر ما يخسرون ولا يبحثون عن سبب لكل حركة ولا يطلبون من أحد أن يثبت لهم أنه عبقري وبيفهم السوق.

في النهاية، أنا داخل اسلم عليك وعلى الأخوة واتمنى لك الخير والتوفيق واتمنى أن لا يضايقك كلامي فالهدف ليس أن اثبت لك أنك صح ولا غلط الهدف أن أحاول أن اساعدك على تخطي هذه العقبة التي أعتقد كل المتاجرين المخضرمين مرو بها، شخصيًا بسمي هذه المرحلة على أسم كتاب لمصطفي محمود وهو "رحلتي من الشك إلى اليقين"


ودي وتقديري للجميع

[amro10]

بص يا باشا ..
أولا دعنا نتفق أن سوق الفوركس لا يعترف بمبدأ التأكيد 100 % أى أنه قائم على الاحتمالات فمهما وصلت طريقة تجارتك من نجاح فمستحيل توصل لنسبة 100 % لأن الموضوع متعلق باقتصاد دول و أشياء كتير بتتحكم فى السوق. و لكن لو قمت بدمج الأدوات اللى أنت ذكرتها مع بعض صدقنى هتوصل لنتائج ممتازة إن شاء الله.
ثانيا دعنى أفسر لك حركات اليوم
بالنسبة لأزواج الين فهى تتميز بحركات كبيرة نتيجة تدخل البنك المركزى اليابانى من فترة لأخرى.
أما لو شوفنا زوج اليورو دولار هتلاقى أن الصعود ليه أسباب فنية رغم الهبوط فى بداية اليوم و السبب وجود نموذج هارمونيك ( فراشة ) و دعم قوى 1.2750 .
أما زوج الباوند دولار فيوجد ترند صاعد متوسط المدى على فريم الأربع ساعات.



بالتوفيق

[أبو أثير]

فعلا انا لما فتحت الموضوع كتير قالولي اشعار في انفسهم وعن طريقة متاجرتهم ال بتتعدى نجاح 89 % قلتلهم حد يديني دليل علي صعود المجنون النهاردة ال يقولي البنك المركزى وال يقولي عشان الين صعد انا اصلا مش فاهم ين اية دا ال صعد المهم يعني وال يقولي اصل لو قامت حرب نووية الساحر الي 137 ودى هدية مني لك وبعد 20 ولا 30 سنة حتي لو الهدف اتحقق يقولك مش قلتلك وادى المشاركة بتاريخ كذا وهي اصلا بتيجي مع الهبل دوبل فين الدليل في كل دا كلام وخلاص اكبر دليل ان كل الناس بتهجص والله لو في حد تنبا بالسعر دا كان رقص في المنتدى وجاب مشاركاتة حتي لو من الف سنة فاتت ويقولنا بصوا مش قلتلكم ومحدش صدقني بس الكل عامل نفسة هندى عشان دا مفاجئ للكل اصلا

اخي الكريم في البداية اهملت مشاركتي وهذا امر مقبول ولا ضير فيه

ولكن ارى هنا انك بدأت تقلل من الاخرين
هل انا دخلت المنتدى وقلت اليوم انا توقعت هبوط الين ام اني اجبت على سؤالك
انا لست شاعر وطريقتي افشل طريقة في التاريخ لمن لا يعرفها

امر اخر انا شرحت سبب الدخول هو منطقة دعم قوية ثم اننا لازلنا في ترند صاعد لازاوج الين وكان هناك توقع بالخبر

ارغب منك وحسب التحليل الفني الذي درسته وانواعه اسباب دخولك بيع من هذه المناطق

احترام الاخرين يجبرهم على احترامك والتقليل منهم يقلل من قيمة اي شخص

شكرا لك ووفقك الله

[forexhoms]

بالعكس فكل ادوات التحليل الفني و التقني كانت تتنبا بالصعود ..........و اعطيني اخي الكريم سبب واحد يدل على الهبوط

[basuoni]

...........
اليوم كان صعب جدا الصراحه ( مستفز جدا )
بس اسمحلى اعيد التذكرة بأن طول عمر الايام اللى بيبقا فيها تصريحات واجتماعات وبنوك مركزيه ودراجى وبرنانكى دايما بتبقى فيها تذبذب قوى ومستفز
رؤس الاموال و كبار السوق بيبقو متحفزين جدا فى الاجتماعات اى كلمه بتتقال او مجرد تلميح بيدخلو بتقلهم
افتكر يوم 2\8\2012 كان نفس الكلام ( كان حديث بن برنانكى .. وكان فى احتماليه ضخ حزمه من التيسير الكمى )
اليورو طار لفوق اكتر من 110 نقطه ورجعهم تانى ونزل وكمل عليهم نزول 90 نقطه ( 200 نقطه )
ودا لينك فيه اليوم دا من ورشة الاستاذ الغالى معطى
https://forum.arabictrader.com/t125592-1149.html

.........................
انا من هواة التحليل الكلاسكى
ولست بعبقرى حتى اتوقع هذه الحركات المباغته
ولست مليونير فانا مازلت مبتدئ وبحاول
ولست من الرابحين فى يوم زى دا ( خساره 7% من اجمالى الحساب ..)
واعلم سبب الخساره جيدا .. فهو بداخلى .. ولا الوم الفوركس او الشارت او البنوك او شركات الوساطه او التحليل الكلاسكى
لكن من المفترض ان الوم نفسى فى هذه الخساره
( والمفروض كلنا منلومش غير نفسنا )
كلنا كنا عارفين انها هتبقى حرب شوارع انهارده
اقوى 3 بنوك على مستوى العالم بتطلع بيانات وقرارات فائده والوضع ملتهب
وفى مواضيع اتكلمت على دا فى المنتدى امبارح ( منهم موضوع للاستاذ المحترم وليد الحلو )
................................
فا متلومش غير نفسك اخى العزيز
ونصيحه ليا وليك وللناس كلها
عيد حسابتك وغلطه و اتعلمت منها ومتعوضه بأذن الله
........
وممكن تقرا موضوع المسطره

https://forum.arabictrader.com/t32960.html

للتذكره ( عشان انا نسيتها النهارده )
.........
واسف على الاطاله
كانت مجرد فضفضه ارجو ان تتقبلها بصدر رحب
............
تقبل خالص تحياتى

[joseph10]

انا كتبت مشاركة واتمسحت مش عارف السبب مع ان مكنش فيها اى نوع من الغلط تجاه اى شخص بل كانت توعية لصاحب الموضوع
على العموم اشطااااا