فكرة
في فكرة كويسه ممكن تنفع ، بس هتحتاج شغل كتير علشان تتعمل
الفكرة اننا نحاول نجمع 10 ازواج عملات يكونوا مترابطين
بعد كده ندخل بيع وشراء لكل زوجين يعني هيدج مرتين
مثال بيع يورو دولار ، شراء فرنك ين
وايضا شراء يورو دولار , بيع فرنك ين
(ده يعتبر اول زوج وباقي 9 زيهم تاني)
كده نبقا فتحنا صفقتين
الصفقة الاولى هيدج مترابط
والصفقة التانية هيدج مغلق
كده عملنا هيدج بزوجين
وعملنا هيدج للهيدج
نعمل كده لل 10 ازواج كلهم
يعني هنبقا فتحنا 20 صفقة
عبارة عن 10 + 10
وبعد كده ننتظر ان أي زوجين منهم يحقق مكسب 15 نقطة مثلا فنقفله
هيكون الزوجين الهيدج بتاعهم محقق نفس العدد ولكن بالسالب والاسبريد مرتين
فلو هذا الزوج فقط تعادل بدون مكسب فيمكن قفله مكتفين بالمكسب السابق
كده بسهوله هنتمكن من قفل نصهم أي 10 صفقات منهم على مكسب
باقي 10 منهم اللي هم الهيدج المغلق بتاعهم
في طريقتين لقفلهم
اول طريقة ننتظر ان مجموعهم او الاكويتتي بتاعهم مجتمعين يحققوا نسبه معينه من المكسب السابق ونقفلهم كلهم
بمعنى ان لو ال 10 هيدج اللي قفلناهم قبل كده كانو حققوا 15 نقطة مكسب لكل منهم أي 150 نقطة مكسب ، فيكفي ان ال 10 هيدج الحاليين يحققوا سالب 100 نقطة مثلا ونقفلهم كلهم ونبقا كسبنا صافي 50 نقطة.
اما الطريقة الثانية
وهي ان اللي يبدأ يكسب او يحقق تعادل او خساره بسيطة بنسبة معينه نقفله على حدى الى ان نغلق الكل.
الطريقة دي هتحتاج شغل مننا كلنا
يعني اللي يلاقي زوجين يعملوا هيدج متوافق يرفق الصورة بتاعتهم لحد ما نجمع عدد معين من الازواج وبعدها نعمل اكسبيرت يتاجر بالطريقة دي
والاكسبيرت انا ممكن اعمله وارفقه ويكون متاح للجميع.
في كمان فكرة وهي ان ممكن نقفل أي ازواج مع أي ازواج تانية المهم يكونوا متعاكسين ، بمعنى ان لو الزوجين اتجاههم طردي يبقا نقفل بيع مع شرا ولو اتجاههم عكسي نقفل بيع مع بيع وشرا مع شرا
وعدد النقاط المكسب المطلوب توافرها علشان نقفلهم تتحدد حسب درجة الترابط بين الزوجين
يعني لو مترابطين قوى نبقا نكتفي ب 15 نقطة ولو مش مترابطين يبقا لازم نحقق 40 نقطة مثلا علشان نقفلهم وهكذا علشان الهيدج بتاعهم ميعكس علينا ب 100 نقطة مثلا
وبكده يبقا أي مكسب تحقق استفدنا منه أيا كان اتجاهه ومنحتاجش نحسب نقط الدخول والخروج او نقط التوازن.